Samræmd stafræn ökuskírteini í undirbúningi evrópska efnahagssvæðinu Á fundi evrópskra samgönguráðherra í lok október 2020 lagði Sigurður Ingi Jóhannsson, samgöngu- og sveitarstjórnarráðherra, fram tillögu þess efnis að stafræn ökuskírteini yrðu viðurkennd í öllum löndum á Evrópska efnahagssvæðinu (EES–svæðinu). Tillögunni var vel tekið og verður málið tekið upp á vettvangi EES–samstarfsins. Ráðherra kynnti árangursríka innleiðingu Íslendinga á stafrænum ökuskírteinum fyrr í sumar. Stór hluti landsmanna með ökuréttindi hafi þegar sótt sér stafræn ökuskírteini í upplýsingagáttinni Ísland.is og að stafvæðing þessarar þjónustu hins opinbera hafi gengið vel. Mikið framfaraskref
væri að fá ökuskírteini í snjallsímann. Ísland hafi fetað í fótspor Norðmanna í þessum efnum og að rík ástæða væri fyrir Evrópuþjóðir að sameinast um að viðurkenna stafrænu skírteinin. Enn fremur myndi rafvæðing umsóknarferils ökuskírteina spara umstang og ferðalög og veita fólki augljós þægindi. Málið tekið upp innan ESB Samgönguráðherrar Noregs og Danmerku tóku undir tillögu Sigurðar Inga um stafrænt ökuskírteini. Framkvæmdastjóri samgönguskrifstofu ESB tók einnig vel í tillöguna og lýsti því yfir að málið yrði tekið upp á vettvangi sambandsins. Þjóðverjar voru gestgjafar á fundi samgönguráðherranna, þar sem þeir eru í forsæti í ráðherraráðinu. Samgönguráðherra Þjóðverja sagði í lokaávarpi sínu að Þýskaland myndi styðja og taka þátt í að þróa og útbúa samræmd stafræn ökuskírteini. Ökuskírteini eru almennt viðurkennd gagnkvæmt milli Evrópuríkja en gera þarf breytingar á Evróputilskipun um ökuskírteini til að stafræn ökuskírteini verði viðurkennd.
Vegbót komin í loftið Fyrr á þessu ári opnaði FÍB fyrir holuskráningar á vegbot.is. Við höfum fengið góð viðbrögð jafnt frá vegfarendum og veghöldurum. Vegbót er vefsíða þar sem hægt er á einfaldan hátt að tilkynna holur og önnur frávik í umferðinni og berast þær tilkynningar milliliðalaust beint á ábyrgðaraðila viðkomandi vegar. Allar nánari upplýsingar er að finna á vegbot.is.
Vegbot.is og þjónustubókin
FÍB-blaðið
51
