INTENZJONI MISSJUNARJA ‑ DUN CHARLES BUTTIGIEG
April 2022
April 2022
Għall‑ħaddiema fil‑qasam tas‑saħħa
Nitolbu sabiex l‑impenn tal‑ħaddiema sanitarji fl‑assistenza tal‑persuni morda u tal‑anzjani, speċjalment fil‑pajjiżi l‑iktar foqra, ikunu megħjuna mill‑mexxejja u mill‑komunitajiet lokali. 6
K
ienu ħafna dawk it‑tobba u l‑infermiera li mietu martri billi taw ħajjithom waqt il‑pandemija tal‑COVID‑19. Tobba u infermiera bil‑familja li kellhom iħabbtu wiċċhom qrib ħafna tal‑marda tal‑coronavajrus sabiex joffru fejqan u sostenn lill‑pazjent marid. Għal ħafna dan swielhom il‑ħajja tagħhom stess, wara li sfaw huma wkoll vittmi tal‑vajrus qerriedi. Huma tassew martri tal‑pandemija COVID‑19! Ħaddiema tassew eroj li
ħadmu kemm felħu, sigħat bla waqfien, biex joffru assistenza kontinwa, faraġ u tenerezza fid‑diversi swali tal‑isptarijiet sabiex isalvaw dejjem il‑ħajja tal‑bniedem. Kienu ħafna dawk il‑pajjiżi u mexxejja tad‑dinja li għarfu u rrikonoxxew din il‑ħidma fejjieda sanitarja. Papa Franġisku li jqabbel il‑Knisja ma’ sptar waqt it‑taqbida tal‑gwerra, faħħar dejjem lil dawn il‑ħaddiema fil‑qasam tas‑saħħa fl‑assistenza tal‑morda u tal‑anzjani. Ta’ min ifaħħar fuq kollox lil
