10
Projekti i ABC Tirana Club
Ai ka falënderuar Fakultetin e Ekonomisë, që për të katërtin vit rresht është bashkëpunues për konceptimin dhe realizimin e programit studentor “Edukimi ekonomik dhe financiar i publikut”. Dihet që një bërthamë e mirë e ABC Tirana Club janë studentë të këtij fakulteti. Jo vetëm, dekani, profesor Dhori, por dhe shumë pedagogë janë mbështetës dhe ndjekës konkretë të aktivitetit tonë.
“Një falënderim edhe për Raiffeisen Invest, që na mbështet në rrugëtimin tonë, një mbështetje që është shndërruar në produkte konkrete për të ndikuar sado pak përmes fushatave të informimit dhe ndërgjegjësimit të qytetarëve, sidomos të rinjve. Ne e vlerësojmë suportin konkret nga Raiffeisen Invest, sepse është një investim i dobishëm për ne studentët, për të na përfshirë që tani në auditor në monitorime, vlerësime dhe analiza të aspekteve të ndryshme ekonomike e financiare. Vlerësojme shumë këtë mbështetje të Raiffeisen Invest për të katërtin vit radhazi, për koordinimin dhe punën e mirë e të shëndetshme të realizuar përgjatë këtyre viteve. Ne si ABC Tirana Club nuk kemi asnjë kompleks apo kufizim që mbështetemi nga një bankë. Në edicionet e këtij programi studentor ka pasur edhe kritika për sistemin bankar, për mjaft aspekte të performancës së tyre. Po të shikoni publikimet që janë bërë në kuadër të programit ‘Edukimi ekonomik dhe financiar i publikut’ aty ka dhe kritika dhe sugjerime dhe askush nga Raiffeisen Invest nuk na ka thënë asnjë fjalë apo koment. Edhe kjo duhet pëshëndetur nga mbështetësi”, tha Johan Muka.
