Kuptimi dhe vlerësimi në mënyrë kritike i përmbajtjeve mediatike nga studentët
39
Mbulimi mediatik i projektit dhe galeria fotografike ABC Tirana Club krahas realizimit të objektivave të projekteve punon dhe për promocionin e mbulimin mediatik të tyre, kështu dhe në rastin e projektit “Kuptimi dhe vlerësimi në mënyrë kritike i përmbajtjeve mediatike nga studentët” me qëllimin e prezantimit sa më të mirë në publik të dinamikës në etapa të ndryshme të projektit. Veçori ishte se u bashkëpunua me mediat lokale në Elbasan dhe Durrës meqenëse dhe projekti i zbatua me studentët në universitetet publike në këto dy qytete të vendit. Pas përfundimit të sondazhit me studentët e përditshmja KOHA JONË publikoi më 23.03.2020, një artikull të zgjeruar mbi treguesit kryesorë që ishin përftuar nga përgjigjet e tyre, si dhe një prezantim të përgjithshëm mbi projektin. https://kohajone.com/kuptimi-dhe-vleresimi-ne-menyre-kritikei-permbajtjeve-mediatike-nga-studentet/?fbclid=IwAR24G1CSp_ Q02MLQ_NSaS9zyR1kJWds1XAnuII190CSGqwc74nTs9k-R1xc)
Mes të tjerave gazeta shkruante se “Që nga fillimi i këtij viti projekti studentor është fokusuar në dy universitetet publike, “Aleksandër Moisiu” në Durrës dhe “Aleksandër Xhuvani” në Elbasan. Një nga produktet e para të projektit të ABC Tirana Club ishte realizimi i një sondazhi me studentët, ku u pyetën 300 studentë nga këto dy institucione të arsimit të lartë dhe ku në fokus ishte kuptimi dhe vlerësimi në mënyrë kritike nga ata i përmbajtjeve mediatike. Projekti ka si synim nxitjen e të menduarit kritik mbi informacionet që lexojnë, shikojnë dhe dëgjojnë të rinjtë, për të arritur të kuptojnë dhe dallojnë ato përmbajtje, të cilat janë të pabazuara në fakte,
