"Paghalong, Sa Diin Na?" ni Mariposa sang New Lucena, Iloilo
Marso kinse sang nag umpisa ang pandemya Isa ka masakit nga ginatawag Corona Tanan nga katawhan nagakahangawa Basi sa sakit malatnan sila Kadamo sang ginhimo nga pagpaalinton Kag wala nagkulang sa pagpahibalo ang gobyerno sa aton Paglikaw sa sakit, ano ang dapat himuon Agud indi malatnan mga kauturan naton Apang ngaa nga asta subong kadamu pa gid ang daw wala nakaintyende Sa mga ginapatuman nga laye Simple nga safety protocol, ngaa indi mo mahimo Ini para lang man tani sa segurida naton nga mga pumuluyo Kun may Gina quarantine sa imo balay Physical distancing lang gid kamo anay Pagkaon nga dungan, pagtulog nga imaway: ipaiway anay Katorse ka adlaw man lng ina kag indi gid man buhay. Kun may na swab test nga miyembro sang pamilya Ay abaw! Dapat gid nga maghalong ka Indi gid tani maggwa sa besinidad sang balay ang tanan nga miyembro sang pamilya Samtang waay pa mag abot ang negatibo nga resulta Kasimple nga mga buluhaton, ngaa indi naton sundon Kahimtangan sa sulod balay ngaa itago pa gid naton Nagakaangay lang nga ka barangay mo mapaalinton Agud pandemya matapna tani naton
16
The Reflection
