GACETA PARNASUS JULIO 2021 | VOL. 07
GUARANI ÑE’Ẽ ÁRA Jaguerovy’a ha ñamomorãvo guarani ñe’ẽ ára, péina jajykýi ha ñamyapesãta haihára Mauro Lugo ñe’ẽpoty, okukuipámava ñande resa renondépe yvoty ropéicha.
ROHAYHU CHE ÑE’Ẽ Rohayhu che ñe’ẽ cheñandúpa. Cherejána taikove nde pepo ha nde resa, ne ko’ẽ poty sakãme. Che ñe’ẽ: -Che ánga ykua niko nde. Kóina che rekove, tanemba’e memete tañaime oñondive nde ysyry syrýre, nde rata sununúre, nde yvy resãire, nde yvytu ko’ẽjúre. Nde ha che oñondive tajaiko oñoñe’ẽme yvy memby teetéicha, japurahéi arapýre ñe’ẽ rekove añete.
Ohai maurolugo
51
