Il-Familja prijorità assoluta
L-Onor. Michael Falzon Ministru għall-Familja, Drittijiet tat-Tfal u Solidarjetà Soċjali
Ħ
bieb, għixna l-aħħar ġimgħat mimlija sfidi, li ħadd fiddinja ma kien jistenna. Fortunatament, sforz il-kollettività u r-reżiljenza li wrejna bħala pajjiż, jidher illi qed nirritornaw lura għannormal. Sa mill-ewwel ġranet tal-pandemija, dan il-Gvern wera’ impenn ċar sabiex jipprevjeni t-tixrid ta’ dan il-virus, iżda mhux biss. Rajna li nsalvaw eluf t’impjiegi, u li kieku m’għamilniex dan, konna nispiċċaw f’sitwazzjoni diżastruża għall-familji tagħna. Bħala Ministeru għall-Familja, Drittijiet tat-Tfal u Solidarjetà Soċjali, introduċejna ħlasijiet ta’ benefiċċji soċjali għal dawk il-persuni li kellhom l-impjieg tagħhom affetwat minħabba l-COVID-19. Ibbenefikaw ġenituri, persuni b’diżabilità u b’xi kundizzjoni medika, kif ukoll persuni illi spiċċaw bla xogħol. Ma waqqafniex hawn, ħabbarna rati ġodda tal-in-work benefit, fejn b’kollox ibbenefikaw 900 familja u medja ta’ 6,440 tifel u tifla. Dawn il-persuni se jibdew jieħdu wkoll iż-żieda adizzjonali dovuta lilhom ta’ €250 mill-pagament ta’ Lulju. Dawn iż-żidiet se jammontaw għal €4 miljun. Bqajna nħaddmu miżuri bħat-‘Tapering of Benefits’, Childcare b’xejn, filwaqt li komplew jiġu ndirizzati inġustizzji tal-passat, pensjonijiet u għexiren ta’ miżuri soċjali oħrajn. Daħal fis-seħħ ukoll iċ-Child Bonus, li minnu diġà gawdew madwar 4,000 koppja. Dan jingħata f’forma ta’ bonus ta’ darba ta’ €300 għal kull wild jew adozzjoni.
Paġna 8
familja Ħarġa Nru. 11 - Awwissu 2020
Se nagħtu voucher ta’ €100 għal kull persuna ’l fuq minn 16-il sena sabiex jintefqu f’xi post tad-divertiment jew akkomodazzjoni. Iridu nerġgħu naraw lill-familji jgawdu flimkien. Dan kollu qed isir mingħajr ma ntroduċejna l-ebda piż ta’ taxxi jew forma ta’ piżijiet oħra. Raħħasna wkoll il-prezzijiet talpetrol u d-diesel b’7c. Ħbieb, ejja nżommu dir-reżistenza u nkomplu nippromwovu l-bżulija, u b’dan il-mod nerġgħu nersqu lejn ekonomija b’saħħitha li bnejna u li kienet kapaċi tindirizza dawn l-isfidi straordinarji li għixna fl-aħħar ġimgħat!
