Ibilgailu elektrikoen lehiaketa Bilbon
Euskelec 2023: Lanbide Heziketako ikasleek egindako auto elektrikoek lasterketa-zirkuito bihurtu zuten San Mames ingurua,Bilbon
Jon Lasa Galdos
Mondragon UnibLehiaketako auto elektrikoak Bilbora itzuli ziren berriro,eta San Mameseko zabalgunean aritu ziren proba dinamikoak egiten ekainaren 3an.Rikardo Lamadrid Hezkuntza Saileko Teknologiaren eta Ikaskuntza Aurreratuen zuzendaria eta Jon Labaka TknikaEuskadiko Ikerketa Aplikatuko Zentroko zuzendaria San Mameseko zirkuitoan izan ziren,Lanbide Heziketako ikasleek egin zituzten auto elektrikoak probetan nola moldatzen diren bertatik bertara ikusten. San Mames inguruko zabalgunean ari ziren burutzen Euskelec txapelketaren azken faseko probak.20 talde eta ibilgailu ziren lehian,Euskadikoak zein beste erkidego batzuetakoak.Horiez gain,beste bi talde gonbidatu gisa ari ziren.Parte hartzen zuten ibilgailu guztiei ostiral arratsaldean egin zitzaizkien egiaztapen teknikoak,eta ondoren,ekainaren 3ko 10: 30etik aurrera proba dinamikoak egin ziren: azelerazio-,balaztatze-, slalom- eta eraginkortasun-probak,hain zuzen ere.Tknikak (Euskadiko Lanbide Heziketako Ikerketa Aplikatuko Zentroa,Hezkuntza Sailaren
mendekoa) antolatu zuen ekitaldia,eta Lanbide Heziketako ikasleen lana aitortu eta ikusarazi nahi zuen,baita haien irakasleen eta ikastetxeen laguntza eta inplikazioa ere.
Euskelec-en aurtengo edizioan, Euskadiko Lanbide Heziketak garatu duen eta hidrogenoz
dabilen ibilgailu baten
prototipoa ere erakutsi da
EUSKELEC
Egutegian dagoeneko bere lekua eginda daukan txapelketa da Euskelec.Bertan parte hartzen duten Lanbide Heziketako ikastetxeetako ikasleek ibilgailu %100ean elektriko bat diseinatzen eta eraikitzen dute,oinarri motor komun batetik abiatuta (motorra,motor-kontrolagailua eta bateriak).Ekimenaren helburua da ikasleen talde-lana sustatzea eta jarduera esperimenta-
lari eta sormenezkoari oinarri bat ematea,ibilgailu elektrikoen ezagutza teknikorako elementu pedagogiko gisa.
Txapelketa,halaber,trakzio elektrikoko ibilgailuetan espezializatutako teknikariak trebatzeko eta sustatzeko plataforma da,eta fabrikazioteknika berrien esperimentazioa eta material berrien erabilera sustatzen du.
Euskelecek bi fase ditu: prototipoa aurkezteko fase teknikoa eta sormenezkoa,lehena; eta fase dinamikoa,bigarrena.Bigarren fase horretan, ibilgailuen prestazioak,ezaugarriak eta diseinua ebaluatzen dira slalom,azelerazio eta gehieneko balaztatzeko proben bidez,besteak beste:
❚ 1 fasea: arlo teknikoa eta sormenezkoa.Lehen fase hau maiatzaren 18an egin zen,Amorebieta-Etxanoko Boroa Enpresa Parkeko AIC Center-en instalazioetan.Bertan,talde parte-hartzaileek beren proiektuen aurkezpenak eta ibilgailuen aurre-egiaztapenak egin zituzten epaimahai baten aurrean (proiektuaren memoria,diseinua eta berrikuntza,besteak beste).
❚ fasea: proba dinamikoak. Ekainaren 3an ari zen burutzen Bilboko San Mames estadioaren inguruko zabalgunean.Taldeek beren prototipoa proban jarri behar zuten zirkuitu batean.
Ekainak 3,proba dinamikoak Bilbon
Ibilgailu elektrikoek honako proba hauek aritu ziren egiten hilaren 3an,txapelketarako berariaz egokitutako zirkuitu batean:
❚ Balaztatzea: autoa ahalik eta distantziarik laburrenean gelditu behar da,gutxienez orduko 20 km -ko abiaduran doala.
❚ Azelerazioa: ibilgailuak geldi dagoenetik 60 metro ibiltzeko behar duen denbora kronometratzen da.
❚ Slaloma: ibilgailuak slalom-zirkuituari buelta bat emateko behar duen denbora kronometratzen da.
❚ Eraginkortasun-proba: 60 minututan distantziarik handiena zein autok egiten duen ebaluatuko da.Helmugatik igarotzen den aldi bakoitza zenbatuko da,eta puntu horretatik gehien igarotzen den taldea izango da irabazlea (hots,buelta gehien ematen dituena).
Proba dinamikoak egiten hasi aurretik,auto guztiei egiaztapen teknikoak egin zitzaizkien goizean. Egiaztapen horiek baztertzaileak izan ohi dira:
araudia betetzen ez duen taldea desklasifikatu egin daiteke.Egiaztapen horiek amaitzean,bateriak zigilatu egin dira,berriz kargatzeko aukera eragozteko.Ibilgailu guztiek bateria-karga bakarrarekin egin behar baitituzte egun guztiko probak. Aurtengo edizioan,San Mames inguruan prestatutako zirkuituak aldapa zuen (igoerak eta jaitsierak),%4ko batez besteko maldarekin. Maldarik handieneko gunea %8ko igoera da. Euskelec txapelketan ez du beti autorik bizkorrenak irabazten.Abiadaz gain,taldeek garatu duten berrikuntza eta proiektu metodologikoa, diseinua edo energia-eraginkortasuna ere baloratzen dira.
Somorrostro Heziketa Zentroko ikasleak zuzenean aritu ziren eskaintzen ekitaldia,streaming bidez,Youtuben,5G komunikazio teknologia erabiliz.Horretarako,6 kamera ipini zituzten zirkuituan zehar,baita parte hartzen zuten ibilgailuei atxikitako beste sei kamera ere.Emanaldia dronek hartutako irudiekin ari ziren osatzen.
Hidrogenoaren aldeko apustua
Euskadiko Lanbide Heziketa energia alternatiboen inguruan garatzen ari den lan-ildoaren barruan,Euskadiko Lanbide Heziketak garatutako ibilgailu prototipo bat ere erakutsi zen,hidrogenoz bultzatutako ibilgailua,San Mames ondoko zirkuitoan.Horrekin batera beste bi ibilgailu komertzial ere erakutsi ziren,hauek ere hidrogenoz mugitzen zirenak eta Euskadiko automobilgintza-sektorea alor horretan prestatzeko didaktizatu zirenak.
"Ekintzailetza Iraunkorra Lanbide Heziketan" jardunaldiaren arrakasta
Calasanz Santurtzi Lanbide Ikastegiak antolatu zuen jardunaldia,bere
Urratsbat programaren baitan,non SanturtziLAN,DEMA,Thinking Green Bizkaia,BBK Bootcamps,Eguzkirolak eta Calasanz Centerreko hizlariek parte hartu zuten
Jon Lasa Galdos
Ekintzailearen Egunean,Calasanz Lanbide Ikastegiak gizarte-ekintzailetzako eredu jasangarrien inguruko jardunaldia antolatu zuen.“Ekintzailetza Lanbide Heziketan” izeneko jardunaldia maiatzaren 26an 09:00etatik 11:30era egin zen Santurtziko Torre Etxean,lekua bete egin baitzen.
SanturtziLanen izenean,Susana Pérez Azkarate, enplegu-arduraduna,eta Beatriz Ruiz,ekintzailetza-arduraduna bertaratu ziren.Beatriz Rui egunari hasiera emateaz arduratu zen "Ekintzailetza Santurtzin" izeneko tesiarekin,eta arreta handiz jarraitu zitzaion.
Haren ostean,ENPRESARI programako bere talde guztiarekin bertaratu zen DEMAren txanda izan zen,Pilar Carranza,Proiektu zuzendaria, buru zela.Itziar Carranza Enpresariren tutoreak Bizkaiko Foru Aldundiko entitate honek ekintzailetzaren hedapen eta laguntza programak azaldu zituen.
Rafa Balparda,Calasanz Santurtzi Lanbide Ikastegiko Urratsbat de Tknika programaren dinami-
zatzailea eta Calasanzeko Nazioarteko Campuseko koordinatzailea izan zen.Zentro hau,modu berezian,nazioarte mailan nabarmentzen ari den elementu nagusia nabarmentzeaz arduratze da eta Europa osoko lanbide heziketako zentroen etengabeko bisitak jasotzen ditu,eta Ekonomia Zirkularreko Hezkuntza Ekintzailea eta Iraunkortasunaren arteko harremana baino ez da.Luisa Pardok bere aldetik,Calasanz Santurtzikoa ere bai,Ikasenpresa programaren bitartez “Power Skills” ekintzailetza gaitasunak garatzearen zeregina azaldu zuen,hezkuntza kooperatibak sortzeko eredu arrakastatsuarekin.
Ekintzailearen Egunean, Calasanz Lanbide Ikastegiak gizarte-ekintzailetzako eredu jasangarrien inguruko jorratu zuen jardunaldia antolatu zuen
Aipatutako hiru aurkezpenen ostean,hiru protagonistekin ekintzailetza jasangarriko hiru proiektu aurkezteko gunea ireki zen,ekintzailetza sozial eta jasangarriko Praktika Onen inguruko ideiak aurkeztuz,eta Alberto Díaz de Ataurik bere iritzia eman zuen,Thinking Green
Bizkaia proiektu berritzailearekin,Calasanz-en Urratsbat programan sartuta,hiri bateko baliabide jasangarrien kudeaketa integrala bideratua plataforma digital baten bidez,eta tokenizatutako sarien kudeaketa Blockchain-en; BBK Bootcamps-eko Jorge González Revilla,ekintzailetza-proiektu ugariren sorreran,tutoretza eta Startup-en akonpainamenduan izandako esperientzia guztia azalduz; eta Eguzkirolak enpresa, hau ere Calasanzeko Urrastsbat programakoa
eta David,Oier eta Xabierrek sustatua,Zentroko Gizarteratzeko zikloko ikasleek eta kirol inklusiboaren bitartez aniztasun funtzionala duten pertsonen garapen pertsonal eta sozialeko zerbitzuak eskaintzen dituena.
Calasanz Santurtzi
Calasanz 50 urteko historia duen zentroa da. Hezkuntza-ibilbidea 1969an hasi zuen,eskolaurreko eta OHOko ikastetxe gisa,eta,sei urte geroago,LH ematen hasi zen,oraindik Administrari,Haur Hezkuntza eta Osasun familietako oso talde gutxirekin.
Gaur egun,zentro aitortua eta finkatua da Ezkerraldean,eta Derrigorrezko Hezkuntzako eta
LHko 1.000 ikasle inguru eskolatzen ditu.
Xedea: Calasanz Santurtzi kalitatezko hezkuntza integrala eskaintzen duen hezkuntza-erakundea da,etorkizuneko gizarteari balio positiboak emango dizkioten pertsona osoak biltzen dituena.Etorkizuneko gizarteari balio positiboak emango dizkiotenak,bizi behar duten mundua eraiki eta hobetzeko,arlo teknikoaz harago balioetan oinarritutako prestakuntza eskainiz. Calasanz Santurtzin arreta pertsonalizatuarekin eta indibidualizatuarekin hezten dugu,zerbitzu sorta zabalarekin,hobetzeko eta berritzeko espirituarekin eta ikastetxean lan egiten dugun pertsona bakoitzaren konpromisoarekin.
Balioak:
❚ Errespontsabilitatea: Inplikatzeko eta beste batzuekin,norberak berarekin eta bizi garen gizartearekin hartutako konpromisoa betetzeko gaitasuna,gertatutakoaren ondorioak aitortuz eta onartuz,pertsona osoa,trebea eta enplegagarria izateko behar den aldaketa eta hobekuntza pertsonala eta profesionala lortzeko helburuarekin.
❚ Errespetua: Inguratzen gaituen ingurunea zaindu.Bizikidetza-giro positiboa sortu,pertsonak diskriminaziorik gabe,behar bezalako begirunez eta hurbiltasunez tratatuz,bakoitzaren ezaugarrien aurrean eskuragarriak eta toleranteak izanik,norberaren eta besteen eskubideak eta betebeharrez aitortuz.
❚ Berrikuntza: Sormena garatu hobetzeko modu berriak hobetuz,prozesuetan,antolaketan eta bizitza pertsonalean sortzen diren erron-
kak hobetzeko eta horiei erantzuteko,jakin minetik abiatuz.
❚ Autoezagutza: Pertsona bakoitzak bere barruan ezkutatzen dituen baliabide eta potentzialak aurkitu,garatu eta kudeatzeko gaitasuna.Bakarra eta erabilgarria egiten dituen bere ezaugarriak ezagututa.
Proiektu batzuk
❚ Ulermen proiektuak: Calasanz ikastetxeak Haur Hezkuntzan Ulermen proiektuak garatzen ditu.Ulermen proiektuetan ikasleak pentsakor bihurtzen dituzten jarduerekin ikasten da.Hau gauzatu ahal izateko Harvard unibertsitateak Proyect Zero Visible Thinking-ekon proiektuaren barruan ohitura,trebezia eta pentsamendu giltzak sortu ditu.Ildo berean klaseak era honetan aurrera eraman ahala pentsamendu trabeziak garatzen dira ikasleak pentsatzeko eta ideiak erlazionatzeko gai izanik.
❚ Singapur Matematika Metodoa: Calasanz Ikastetxeak orain dela hiru urte matematiken ikaskuntza prozesua Singapu metodoaren eskutan jarri zuen.Metodo honek matematikak ikasteko eta irakasteko bidea errotik eraldatzen du,kalkulu errepikakorrez beteriko memoria eta ohiturazko prozeduretan oinarritutako ikaskuntza alde batera utzita.Singapur metodoak matematikak pentsatzea eta ulertezea du helburu.“Concreto-Pictórico-Abstracto (CPA)” ikasteko metodologiaren bidez,erabilera eta azterketa bultzatzen da.Metodologia honek edozein eduki berri era honetan egiten du: manipulazioa,irudikapena eta abstrakzioa.
ELKAR-LAN,kooperatiben sortzaile
ELKAR-LANek 137 kooperatiba sortzen lagundu du 2022an
Jon Lasa Galdos
2022an 137 kooperatiba sortzen lagundu duela jakinarazi du Iñaki Nubla Otaolak,ELKAR-LANeko lehendakariak.Horrez gain,hainbat arrazoirengatik azkenean enpresa bihurtu ez diren beste 23 ekintzaile talderekin ere egin du lan ELKAR-LANek 2022an.
Kooperatiba gehienak,lan elkartukoak
137 kooperatiba horiek motaren arabera aztertuta,gehienak,121 hain zuzen,lan elkartukoak dira,9 etxebizitzakoak,5 kontsumokoak,1 nekazaritza eta elikagaien sektorekoa eta beste 1 garraiolariena.
Jarduera-sektoreari erreparatuta,gehienak,57 hain zuzen,zerbitzu-sektorekoak dira,26 eraikuntzakoak,9 etxebizitzakoak,8 ostalaritzakoak,6 merkataritzakoak,6 metalaren eta mekanikaren alorrekoak,5 elikadurakoak,4 energiakoak,3 hezkuntzakoak,3 elektrizitatearen eta elektronikaren sektorekoak,2 nekazaritzakoak,2 telekomunikaziokoak,2 garraiokoak,1 automobilgintzakoa,1 egurraren sektorekoa,1 makina-erremintakoa eta 1 ehungintzakoa.
Zerbitzuen sektorearen barruan,askotariko jarduerak garatzen dituzte kooperatiba sortu berriek; azpimarratzekoak dira hauek: kontsultoretza (8),arkitektura (7),ikus-entzunezkoak (5),gizarte-arloa (5), kultura (4),higiezinak (4) eta odontologia (4).
Lurralde historikoaren arabera,% 45 Bizkaian sortu dira (62 kooperatiba,hain zuzen).Beste 57 Gipuzkoan sortu dira,eta 18 Araban.
Hemezortzigarren txosteneko datuak
ELKAR-LAN Enpresa Ekimen Kooperatiboen Behatokia denez,Javier Sanz zuzendariak horri buruzko Hemezortzigarren txostenaren alderdirik garrantzitsuenak ezagutarazi ditu.Euskal
Autonomia Erkidegoko administrazio publikoei aholkularitza ematea da behatokiaren eginkizunetako bat,eta Euskadin kooperatibismoa sustatu eta garatzeko politika publikorik egokienak abian jartzeko behar duten informazioa eskaintzea.
Datu hauek azpimarra daitezke Javier Sanzen
txostenetik:
❚ ELKAR-LAN sortu zenetik (2002ko abenduan), 1.967 kooperatiba sortzen lagundu du (202212-31ko datua).
❚ ELKAR-LANek eratutako kooperatiben itxieratasa txikia da,% 10,32koa besterik ez.Hala, 2022ra arte sustatutako 1.967 kooperatibetatik 203 likidatu dira soilik.Dena dela,310 kooperatiba ez-aktiboak dira,eta horiei likidatutakoak gehituz gero,1.454 kooperatiba daude aktibo; ondorioz,itxiera-tasa % 26,02koa da.
❚ Enpresa-ekimenik gehienak zerbitzuen sektorekoak dira.Industriari eta nekazaritzari lotutako jarduerak,berriz,oso urriak dira.
❚ EAEko ekintzailearen profila: 35 eta 44 urte bitarteko emakumeak (% 36,3) eta gizonak (% 63,7),goi edo erdi mailako ikasketadunak.
❚ Ekintzaileen % 48,6k aurretiko esperientzia du ekintzailetzan.
❚ Kooperatibaren forma juridikoaren alde egiteko arrazoiak:
- Filosofia (horrelako sozietateekiko uste sendoa): % 18,6
- Abantailak eta laguntzak: % 38
- Aholkularien gomendioa: % 22,4
❚ Finantza-ikuspegitik:
- Kooperatiben batez besteko inbertsioa 8.000 eurokoa da eratzeko unean.
- Proiektuen % 31k kanpo-finantzaketa behar du.
❚ Gizarte Segurantzako araubideari dagokionez, kooperatibisten % 86,8k Langile Autonomoen
Araubide Berezia aukeratzen du,eta % 13,2k Gizarte Segurantzako Araubide Orokorra.Hona hemen aukera horren arrazoiak: Autonomoen
Araubidea merkeagoa da,aholkulariek gomendatzen dute eta,gainera,kotizazioetan aurrezten dutena aseguru pribatuetara bideratzen dute.
ELKAR-LAN
ELKAR-LAN,S.COOP.bigarren mailako Kooperatiba bat da,eta bere helburua,Kooperatiben sustapena eta lanpostu kooperatiboen sorrera eta garapen ekonomikoa eta soziala.
Laguntzen du
Elkar-Lan,S.Coop.ek honako zerbitzuak eskaintzen ditu: orientabide eta aholkularitza,proiektuaren bideragarritasunaren azterketa,formazio kooperatiboa,arreta pertsonalizatua,dirulaguntza eta subentzioei buruzko informazioa,kooperatiben eraketa eta,lehen urtean zehar,tutorizazioa eta jarraipena.
Norentzat?
❚ Sustatzaileentzat.
❚ Aholkularientzat.
❚ Kooperatiba bihurtu nahi duten enpresa txiki eta ertainentzat.
❚ Besteren konturako langileentzat,beren kooperatiba sortu nahi badute.
❚ Beren jarduerak dibertsifikatu eta beste kooperatiba batzuk sortu nahi dituzten kooperatibentzat.
❚ Enpresa Sustapenerako Zentroentzat eta Toki Garapeneko Agentzientzat.
❚ Kooperatiba gisa martxan jarri nahi dituzten ekimenak dauzkaten taldeentzat.
❚ EAEko Herri Administrazio eta Erakunde guztientzat.
Kooperatiba moduan ekiteko asmoa dutenei aholkularitza emateko erabat prestatuta dagoen lantaldea da.Bakoitzak bere espezialitate profesionala dauka,etengabe hobetzen duguna eta,gainera, jakintza-alor anitzeko ezagutzak jaso ditu ElkarLan,S.Coop.en lanean hasi zen momentutik.
Batez ere,eguneroko jardueran harremanetan jartzen diren pertsona guztien beharrak erantzun eta asebetetzen ditugun lantaldea da.
Ohiko galderak
❚ Zer da kooperatiba bat?.Pertsonen elkarte edo baltzu bat,enpresa-jarduera duena eta bere erabakiak demokratikoki hartzen dituena (bazkide bakoitzak boto bat).
❚ Zein da gutxieneko bazkide-kopurua kooperatiba bat eratzeko?.Kooperatiba Txikientzat: gutxienez 2 bazkide langile eta gehienez 10. Kooperatiba Ez Txikientzat: gutxienez 3 bazkide eta gehienezko mugarik ez.
❚ Zein da gutxieneko Kapital Soziala,kooperatiba bat eratzeko behar dena?.3.000 euro,eratzeko unean ordainduak (eskudirutan edo ondasunetan).
❚ Zein da bazkideen erantzukizuna?.Kooperatibaren zorrei buruz duten erantzukizuna harpi-
deturiko kapital sozialera egiten dituzten ekarpenetara dago mugatuta.
Guztira 366 lanpostu sortu dituzte kooperatibek; hau da, kooperatiba bakoitzak batez beste 2,7 lanpostu sortu ditu eratu den unean
❚ Nola eratzen da kooperatiba bat?.Notarioaren aurrean,eratzeko eskritura publikoa egin eta Euskadiko Kooperatiben Erregistroan inskribatzen da.
❚ Zer dira Estatutu Sozialak?.Kooperatibaren funtzionamendua arautzen duten arauak dira, eta Euskadiko Kooperatiben Legean dauden gutxieneko edukiak jaso behar dituzte.Bazkideek -Batzar Nagusian- askatasunez finka dezakete eta finkatu behar dute horien edukia, Legeak ezarritako mugen barruan.
❚ Zer da Barne Araudia?.Estatutu Sozialen edukia garatzen du eta Kooperatiben Legeak aipatzen dituen gai espezifikoak arau ditzake,adibidez, bazkideen lan- edo zigor-araubidea.Ez da nahitaezkoa,eta ez dago Eskritura Publiko bihurtu beharrik ere.
❚ Gizarte Segurantzako zein erregimen edo araubide aplikatzen zaie Kooperatibako bazkide langileei?.Kooperatibak bere Estatutu Sozialetan aukeratzen duena.Kooperatibak aukera du,bere bazkide langile guztiei dagokienez, Erregimen Orokorrean edo Langile Autonomoen Erregimen Berezian sartzeko.
Laguntzen du
Ekintzailetzaren garrantzia gizartean
Aurkeztu zen Gaztenpresaren 2022ko Memoria Donostian
Jon Lasa Galdos
Duela egun gutxi batzuk,Gaztenpresak bere 2022ko Memoria aurkeztu zuen Donostian.Izan ere,aurten Donostia Gizarte Ekonomiaren Hiriburu izendatu dute.Prentsaurrekoaren ondoren,Gaztenpresatik ekitaldia egiteko aprobetxatu zuten,hain zuzen ere,erkidego ekintzailea inspiratu,motibatu eta babesteko ekitaldia.Topaketa hori oso mamitsua izan zen. Gaztenpresatik ekitaldia mahai-inguru batekin hasi zen,eta moderatzaile-lanetan Gaztenpresako lehendakari Ibon Urgoitik jardun zuen.Hona hemen mahaikideak: Víctor Meseguer,gizarte-ekonomiarako komisionatu berezia; Cristina Dumitrescu,Europako Inbertsio Funtseko (EIF) mikrofinantza-inbertsioetako kudeatzailea; eta Gloria Múgica,Lanbideko zuzendaria.
Gizarte-ekonomia
Víctor Meseguer pasa den otsailetik egon da karguan,eta bere esku-hartzean azpimarratu zuen zein pribilegio handia den beretzat hain sektore garrantzitsu batean lan egitea,gizarte-ekonomian hain zuzen ere.“Espainiako BPGd-aren % 10 da,43.000 enpresak osatzen dute eta biztanleria aktiboaren % 10 baino gehiago ari da lanean bertan”.Gainera,nabarmendu zuenez,oso ekonomia berezia da,lurraldean oso errotuta baitago eta kide diren “enpresek behar kolektiboei eta erkidegoen beharrei erantzuten diete”. Ildo horri jarraikiz,oso balorazio positiboa eman zion gizarte-ekonomiak Euskadin duen ezarpenmailari.“Enpresa horiek ez dute lana deslokalizatzen,oso berritzaileak dira eta gizartearekin konprometituta daude; hala,Euskadi Europan eta munduan desparekotasun gutxien dituen lurraldeetako bat da”.
Finantzaketa,prestakuntza eta babesa
Bestalde,Cristina Dumitrescuk “mikroenpresaburuei eta,batik bat,ohiz kreditu konbentzionala lortu ezin duten edo aukera mugatuak dituzten kolektiboei,hala nola emakumeei,gazteei, migratzaileei eta gaitasun desberdinak dituzten pertsonei,finantzaketa eskuratzeko erraztasu-
nak” emateaz hitz egin zuen.
Baina guztia ez da finantzaketa.Dumitrescuk azpimarratu zuen ekintzaileentzat zerbitzu ez-finantzarioak ere beharrezkoak direla.Diruaz gain,mikroenpresaburuek prestakuntza eta babesa behar dituzte,beren negozio-ideia itxuratzeko eta errealitate bideragarri bihurtzeko,betiere arrakasta-aukerekin.
Mahai-inguruaren ondoren,hiru ekintzailetza-proiekturen benetako istorio errealak entzun
ziren
Aberastasuna eta enplegua sortzea
Gloria Múgicak eman zion amaiera mahai-inguruari.Nabarmendu zuen “ekintzailetzaren garrantzia,aberastasun eta enplegu sortzaile gisa, bai eta gizartearen etorkizunari begira oinarrizko proiektuak bultzatzeko ere,besteak beste,zaintzen eta jasangarritasunaren ekonomiarekin zerikusia dutenak”.
Istorio ekintzaileak
Mahai-inguru horren ondoren,hiru ekintzailetza-proiekturen benetako istorioak entzun ziren. Lehenengo kontakizuna Txitatokiko Elsa Pamparacuatro eta Keko Salvadorrena izan zen.Bi artista dira eta amets bat dute: eskualdean zirku-eskola bat antolatzea.
Inguruko errealitate soziala hobetzeko helburuari jarraikiz,Gaztenpresan 314 negozio berri abiarazten lagundu dute 2022an,eta horiei esker 637 lanpostu sortu dira.Hori horrela izanik, ia 30 urteko ibilbide honetan,6.578 enpresa eta 12.041 enplegu sortzen lagunduko dute,eta LABORAL Kutxaren bitartez 192 milioi euro lortzeko aukera eman dute,mailegutan.
Datu horiek guztiak 2022ko Urteko Memorian bilduta daude; Donostiako Kursaal jauregian aurkeztu berri dugu txosten hori,eta ekitaldi horretan izan di-
Laguntzen du
ra Ibon Urgoiti,LABORAL Kutxako Negozio Garapeneko zuzendari eta Gaztenpresa Fundazioko lehendakaria; Gloria Múgica,Lanbideko zuzendari nagusia; Cristina Dumitrescu,Europako Inbertsio Fun-tsaren Mikrofinantzetako inbertsioen kudeatzailea; eta Inma Ramos,Gaztenpresako zuzendaria. Baina,Gaztenpresan,negozio berriak abiarazteko unean ez ezik,gero ere lanean jarraitzen dute,sortutako enpresei jarraipena egiten eta laguntza ematen merkatuan egoten jarraitu dezaten.Horrela,bada,gure erakundearen babespeko proiektuen
% 69k martxan jarraitzen dute zabaldu eta handik 5 urtera,eta Euskadin enpresen batez besteko biziraupen-tasa % 45 da epe horretarako (Eustat).
gizarte-ekonomiak
Euskadin duen ezarpen-mailari
Ekintzaileak ezagutzen
2022.urtean negozioa sortzeko asmoz Gaztenpresara jo zutenen batez besteko adina 39 urte izan zen,eta generoan erabateko parekotasuna izan zen (% 50 emakumeak,% 50 gizonak).
% 73k ez du unibertsitateko titulurik eta,aurretiazko lan-egoerari dagokionez,% 29 langabezian zeuden eta % 47k lehengo lana utzi zuen ekintzaile izateko.
Forma juridikoa erabakitzeko garaian,% 73k enpresaburu indibidual izatea aukeratu zuten,eta % 26k sozietatea eratu zuten (% 89k sozietate mugatua eta % 11k kooperatiba).
Ekintzaileen iritzia
Guregana jotzen duten ekintzaileen bizimodua nola aldatzen den ere jakin nahi izan dute.Zentzu horretan,ekintzaileek adierazi dutenez,enpresa sortzeko prozesuan 3 faktore hauek baloratu dituzte hobekien bere laguntzari dagokionez:
1. Negozio-plana egiteko laguntza.
2.Finantzaketa-iturriak
3.Ziurgabetasuna gutxitzea. Eskertuak agertu dira,halaber,kudeaketa-lan burokratikoak egiten,“ibilbide-orria” antolatzen eta dirulaguntzak eskatzen lagundu dietelako.
Eta,oro har,ekintzaile izatea haiek espero zuten bezalakoa izan da,nahiz eta egin behar izan duten sakrifizio pertsonala eta eskaini behar izan dioten denbora hasieran uste zutena baino handiagoak izan.
Era berean,jarduneko lehen urtea gainditu ostean, ekintzaileek diote ekintzailetzak bizimodua hobetu diela,bereziki,norberaren errealizazioari dagokionezeta norberak ezarritako arauen arabera lan egiten dutelako.
Inpaktua negozioetan
Gure proiektuen biziraupen-tasaz gain,beste faktore batzuk ere aztertu dituzte,hala nola gizartearen eta ingurumenaren arloko inpaktua, fakturazioaren bilakaera,enplegua sortzea eta ekintzaileen soldata.
Horrela,bada,2022an,lagundutako enpresen % 24 ingurumenean eta gizartean inpaktua duten negozioak dira,hainbat arlotakoak: enplegua eta prestakuntza,osasuna eta ongizatea,ingurumena,garapen komunitarioa eta kooperatibismoa. Bestalde,Gaztenpresak bultzatu dituen enpresa gehienek (% 68) fakturazioan gorakada izan dute azken urtean eta % 45ek jardueraildo berriak txertatu dituzte.
Lanpostuak sortzeari dagokionez,negozioen % 56k lanpostu gehiago sortu ditu,eta enplegu hori mugagabea izan da kasuen % 90ean.Gainera,enplegu berri horien erdietan baino gehiagotan (% 57) emakumeak aritu dira lanean.
Jardunean lortzen dituzten diru-sarrerei erreparatuta,% 73k diote negozioari esker soldata duina ateratzen dutela.Bestalde,jabetu gara zenbait ekintzaileren kasuan soldata murriztu behar izan dutela kontratazio berriak zirela eta.
Laguntzen du
Oso balorazio positiboa eman zitzaion
"Lup-ekin,testua hizketa bihurtzen dugu; beraz,irakurtzea inoiz baino errazagoa da"
Jon Lasa Galdos
Eneko Calvo Kudeaketa eta Informazio Sistemen Informatika Ingeniaritzan lizentziatua da UPV/EHUn.Uxue Mancisidor eta Apurva San Juanekin batera,LUP zuzentzen du,zeinaren bidez irakurketa errazten dieten ikusmen-zailtasunak dituzten pertsonei,poltsikoko lupa baten bidez edo aplikazio baten bidez.Elkarrizketa honetan,Enekok bere enpresa,dagoeneko saritua,aurkezten digu eta,besteak beste,LUP erabiltzearen onurak kontatzen dizkigu.
Zer da Lup eta nola funtzionatzen du? Konturatu ala ez,irakurketa gure egunerokoan egiten ditugun ekintza gehienen parte da.Horregatik,irakurtzeko arazoak dituzten pertsonek oz-
topo asko aurkitzen dituzte euren bizitzan eta,askotan,autonomia gal dezakete.Eta hau da LUPetik hausten ari garen langa,irakurtzearena.LUPen ikusmen informatikoa eta adimen artifiziala erabiltzen ditugu irisgarritasunerako.
Testua hizkera bihurtzen duten irtenbideak garatzen ditugu,irakurketa egunerokotasunean oztopo izan ez dadin.
Ahalegin berezia egiten dugu 3 arlotan:
❚ Ikasgelan.
❚ Adinekoetan.
❚ Eta IKUSMEN GALERA jasaten duten pertsonengan.
Dagoeneko errealitatea da,ikasgelan,5 milioi gazte baino gehiagok,Espainian bakarrik,ikasketetan huts egiten dutela dislexiak edo ikusmen patologiaren batek eragindako irakurketa zailtasunengatik.Testuak irakurri eta ulertzeko gai ez direlako ikasketetan huts egiten duten 10 umetik 7z hitz egingo genuke.LUPek eskaintzen duen irakurketa lagunduari eta testu-ahozko bihurketari esker,irakurketaren oztopoa konpontzen ari gara,ikasle gazte hauek ulermenean eta ikaskuntzan zentratu daitezen.Eskola porrota % 65 murrizten dela ari gintezke.
Ekintzailetza ez da bide erraza, baina grinaz eta gogoz, infinitura iritsiko zara
Bestalde,gaur egun,biztanleriaren piramidea gero eta zahartuagoa da,hau da,biztanleriaren % 50 inguruk 55 urte baino gehiago ditu.Adinarekin lotutako irakurtzeko zailtasunak saihestezinak dira eta horregatik,irakurketa erraztuko duten irtenbideak emateak zahartze aktiboa sustatzen eta faboratzen du,baina batez ere, pertsona horien bizi-kalitatea hobetzen du.LUPetik eguneroko ekintza horiek,hala nola egunkari
bat irakurtzea,faktura bat,liburuxka bat,bankuaren gutun bat...gure erabiltzaileen errutinaren parte bihurtzen ditugu berriro.Zure laguntza gara,egin nahi duzun guztia egiten jarrai dezazun. Ikusmen urritasunaz hitz egiten badugu,hala nola,ikusmen baxua,presbiopia,hipermetropia, astigmatismoa,AMD,kataratak eta abar,denak irakurketa zailtzen duten patologiak dira,baina batez ere ikusmen kaltetutako pertsonen kopurua 300 milioitik gertu dago,munduko biztanleriaren % 50 baino gehiago.LUPen gure eginkizuna pertsona horiei egunerokoan bidelagun izango den irakurle adimentsu bat eskaintzea da,irakurketa oso garrantzitsua den eguneroko ekintzetan konfiantza eta segurtasuna sortuz.
edozein telefono mugikorrekin argazki bat aterako bagenu bezala.Hau da,ez da beharrezkoa testuan mugitzea,baina nahikoa da kaptura bakarra egitea.Behin eginda,gailuak irakurtzen du eta testua gordetzen du,jada ez argazki gisa,baizik eta entzungailuekin edo gabe entzun dezakegun audio gisa.
Mugikorrerako aplikaziora pasatuz,irakurketa oztopo denean irakurriko dizun lagundutako irakurketa digitalaren irtenbide baten aurrean egongo ginateke.Erabilera pribatuko baina baita profesionalerako lehen aplikazioa gara,klinika,egoitza, eguneko zentro,ikastetxe eta abarretan integra daitekeena,irakurketa errazteko eta edozein testu mota eskuragarri izateko helburuarekin.
Zein irtenbide proposatzen dituzue?
Gure irtenbideak aurkezten ditut:
Alde batetik,irakurketa inoiz baino errazagoa izan dadin,adimen artifiziala eta konputazio bisuala integratzen dituen lehen POLTSIKO-LUPA. Testuak irakurri eta ia berehala hizkera bihurtuko dituen begitik independentea den lehen lupa.
Eta bestetik,gure mugikorretarako aplikazioa, LUP APP,teknologia irisgarritasunaren zerbitzura jartzen duen aplikazio iraultzailea.Irakurketan autonomia berreskuratzeko aplikazio ezin hobea,baina ikusmen patologia baten tratamendua osatzeko ere baliagarria.
Sakonago eginez,lehenik,lupan,munduan gailu paregabe baten aurrean gaude,babestuta eta patentatua.Poltsikoko lupa adimenduna poltsikoan eramateko diseinatutako gailua da, produktu eramangarria,erabiltzeko erraza eta Interneteko konexiotik independentea. Gure lupak konfiantza hori ematen du zauden lekuan eta edozein egoeratan irakurtzeko,ilunpetan ere.Poltsikoko lupa adimendunak punta-puntako elektronika eta hardwarea integratzen du,eta horri esker,erabiltzaileen beharren arabera eginbide berriak hobetu eta txerta ditzakegu.Denborarekin eguneratu daitekeen gailu eskalagarria eskaintzen dugu.Bere erabilera oso erraza da.Zehazki,
LUP APP-arekin,erabiltzaileak bere irakurketak eskaneatu,gorde eta partekatu ahal izango ditu,baina aldaketa txiki batekin,gure karaktereak hautemateko eta ahots-sintesi sistemari esker,entzuteko aukera izango du.Gure aplikazioa 30 hizkuntza baino gehiago detektatzeko gai da eta ahotsaren ahoskera horietako bakoitzari egokitzeko.LUPen beti uste izan dugu ikusizko atsedenaren erabilera puntu kritikoa zela.Erabilera sustatu,lagundu eta pertsonen atseden bisuala hobetzen du.Horregatik,LUP APP da lehen aplikazioa,irakurketa lagunduarekin,iragazki optikoen sistema bat integratzen duena,patologia bakoitzerako moldagarria,zeina,bistan laguntza ematen duena.
Nola bururatu zitzaizuen ideia?
Oraindik unibertsitatean geunden eta teknologia bat ezagutarazi ziguten,ordenagailu bidezko
Espainian 1,2 milioi pertsona daude ikusmen baxua dutenak, eta 4,6 dislexia dutenak
ikuspegia,eta gizartean eragin handia izan zezakeen tresna bat zela ikusi genuen.Teknologia hau pertsonen eguneroko bizitzan txertatu nahi izan dugu eta,azterketa luze baten ondoren,irakurtzeko zailtasun motaren bat duten pertsonei bizitza erraztu eta autonomia sor zezakeela konturatu ginen,Espainian biztanleriaren ia % 50.
Zer sentitu zenuten mundu osoko 350 hautagaitzen artean Gizarte Berrikuntzarako Mapfre Fundazioaren sarietako bat jaso zenutenean,Gizarte Ekonomia Saria zehazki?
LUPentzat,aitortza mota hau aurrera jarraitzeko gasolina eta energia da.Sari honek sortzen ari garen eta gure irtenbideen bidez sortzen jarraituko dugun eragin soziala berresten du. Plazer bat izan da Madrilen mundu osoko gizarte ekintzaileen komunitatearekin batera egin ditugun esperientziaz eta jarduerez gozatzea.
Espainian zehaztasunez ikusteko zailtasunari buruzko daturik ba al duzue?
Zuzenean,Espainian 1,2 milioi pertsona daude ikusmen baxua dutenak,eta 4,6 milioi pertsona dislexia jasaten dutenak.SEEBVren arabera, % 10eko igoera espero da.
Irakurketa zailtzen duten beste baldintza batzuez hitz egiten badugu,hala nola kataratak, miopeak,hipermetropia,astigmatismoa,presbiopia...biztanleriaren % 54,3az hitz egingo genuke (gutxi gora behera,25 milioi pertsona).
Etorkizuneko zein proiektu dituzue Lupekin? Etorkizuneko inbertsioei buruz hitz egiten badugu, oso argi daukagu.Gaur egun inbertitzen dugu eta denboran zehar inbertitu nahi dugu irtenbide berrien ikerketan eta garapenean,baina baita egungoen hobekuntzan eta sendotasunean ere.Bestalde,LUP klinika,egoitza,ikastetxe,eguneko zentro... gehiengoetara eraman nahi dugu,laburbilduz, egunerokotasunean irakurketa oztopo den lekuetara.Azkenik,nazioartekotzea,gure irtenbideak egokitu eta mundu osoan ezagutarazi nahi dugu.
Beti nahi izan al duzu proiektu bat egin eta sortu? Zein da zure iritzia ekintzailetzari buruz?
Sortzea,modu autodidakta batean ikastea eta besteekin partekatzea gustatu zaion pertsona izan naiz beti.Txikitatik,nire gela azterketa laborategi bat izan da.Hazten hasi nintzenean,konturatu nintzen nire gaitasun asko negozio ideiak sor zitezkeela eta horrela,18 urterekin,nire lehen enpresa sortu nuen,3D inprimatzean oinarrituta. Niretzat,ekitea zure ideiak egia bihurtzea da eta haien alde borrokatzea da,amets bat egi bihurtzea da eta onena,guztion eskura dagoela da.
Zer da ekintzailetzaren onena eta txarrena? Hoberenak eskuratzen dituzun kontaktuak,lagunak,esperientziak,ezagutzak eta gaitasunak dira.Okerrena,zure helburua lortzeko egin behar dituzun sakrifizioak dira.Ez da bide erraza, baina grinaz eta gogoz infinitura iritsiko zara.
Nola animatuko zenuke jendea Lup erabiltzera?
Irakurtzeko zailtasunek eguneroko jarduerak egiteko zure autonomiari eragiten badiote,hemen gaude zu laguntzeko.Lup-ekin testua hizketa bihurtzen dugu irakurketa inoiz baino errazagoa izan dadin. Berreskuratu independentzia erosketak egiteko, egunkari bat irakurtzeko,faktura bat...nahi duzuna.
www.lup.es
Ia ikasle guztiek gainditu dute USE
Unibertsitatera Sartzeko Ebaluazioa egin zutenen % 98,07k gainditu du
Jon Lasa Galdos
Lehenengo datuen arabera,Euskal Herriko Unibertsitatean,Unibertsitatera Sartzeko Ebaluazioko (USE) sarbide-fasera aurkeztu diren Batxilergoko 12.049 ikasleetatik 11.817k gainditu dute,; hortaz,ikasleen % 98,07k gainditu du.Iazko USEn gainditutakoen portzentajea % 97,62 izan zen. USEk bi fase ditu: sarbide-fasea,unibertsitateko gradu ofizialak ikasi ahal izateko Batxilergoko ikasleek gainditu behar dutena,eta onarpenfasea,borondatezkoa,sarbide fasean lortutako kalifikazioa hobetzeko balio duena.Batxilergoko ikasleez gain,Goi Mailako Heziketa Zikloetako 815 ikaslek izena eman zuten onarpen-faseko irakasgai desberdinak egiteko. Datuak behin-behinekoak dira,berrikusketaren ebazpenaren aurretikoak.
Notak eta hurrengo deialdiak
Ikasleek kalifikazioak kontsultatu ahal izan dituzte gaur,hilaren 15ean,SARBIDEA aplikazioaren bitartez.Edonola ere aurten,lehenbiziko aldiz ikasleek mezu elektroniko informatibo bat jaso dute,non,notez gain,USEri dagozkion gainontzeko izapideen berri eman zaien.Lehen orduan,bidalitako mezu batzuetan akats informatiko bat izan dela jabetu da unibertsitatea,Horrela,kaltetutako pertsonei mezu berri bat igorri zaie,haien notak SARBIDEA aplikazioan egiaztatzeko eskatuz.Izan ere,emaitza ofizialak ikusgai izan dira goizeko 9:00etatik aplikazio horretan.
USEren izapideei dagokienez,berrikusketa eskatu ahal da ekainaren 16tik 20ra bitartean.Behin betiko emaitzak ekainaren 27an argitaratuko dira.Azkenik,azterketak ikusteko eskaera ekainaren 28 eta 29an egin ahal izango da.
Bestalde,Unibertsitatera Sartzeko Ebaluazioaren ezohiko deialdia uztailaren 5,6 eta 7an izango da.Aurkeztu nahi dutenek matrikula egin behar izango dute ekainaren 22tik 27ra arte.
USEko emaitzak
USEko emaitzak webgunean argitaratu ziren ekainaren 15ean,12:00ean.
Kalifikazioen kontsulta honetatik,sinadura elektronikoko kalifikazio-txartela eskura dezakezu,eta UPV/EHU ez den beste unibertsitate batean onartua izan bazara,USEko espedientea unibertsitate horretara (AZO) lekualdatzeko izapideak ere egin ditzakezu.
❚ Espedientea lekualdatzeko eskaera: ekainaren 16tik aurrera.
Emaitzen txartelak
Sinadura digitala daukan USEko noten txartela behar baduzu beste unibertsitate batzuetan aurkezteko,SARBIDEAren bidez eskura dezakezu. Horretarako,ekainaren 21etik aurrera,SARBIDEAn sartu beharko zara,eta noten txartela lortu. Gogoan izan honako hauek:
❚ Azterketaren bat berrikusteko eskatu baduzu, behin-behineko kalifikazio-txartela lortuko duzu.Ekainaren 27tik aurrera,berrikuspena eskatzeko epea amaitu ondoren,behin betiko nota-txartela lortu ahal izango duzu.
❚ Noten txartela behin betikoa izango da:
❚ Ekainaren 22tik aurrera,azterketaren bat berrikustea eskatu ez baduzu.
❚ Ekainaren 28tik aurrera,azterketaren bat berrikustea eskatu baduzu.
Jarduera zientifiko-teknologiko berriak hurrengo ikasturterako
STEAM Sarek ikasleentzako 44 jarduera zientifiko-teknologiko eskainiko ditu datorren 2023-2024 ikasturtean
Jon Lasa Galdos
STEAM Sare,Eusko Jaurlaritzako Hezkuntza Sailak sustatutako eta Innobasque Berrikuntzaren Euskal Agentziak koordinatutako ikastetxeen eta eragile sozioekonomikoen sareak jarduerakatalogo zabala eskainiko du datorren ikasturtean ere (2023-2024),ehun bat erakunderen lankidetzari esker: ikastetxeak,Lanbide Heziketako zentroak,enpresak,unibertsitateak eta teknologiako eta ikerketako zentroak daude sare horretan.Ikastetxeek STEM espezialitateetako lanbide-profilen erakargarritasuna eta askotariko aukerak erakutsi ahal izango dizkiete ikasleei, euskaraz nahiz gaztelaniaz eta hiru lurralde historikoetan garatuko diren 44 ekimenetan parte hartzearen bidez.
Eusko Jaurlaritzako Hezkuntza Sailak sustatzen duen STEAM Euskadi Estrategiaren barruan dago ekimen hau eta STEAM Hezkuntza programaren osagarria da bere eskaintza.Helburua da irakasleen lana laguntzea eta ikasgeletan ikaskuntza-testuinguru errealak sortzen lagunduko duten kontaktu berriak eskaintzea,betiere az-
ken begirada ikasleengan jarrita,horien artean zientzia eta teknologiako bokazioak sustatzeko. Ikastetxeek eta eragile sozioekonomikoek elkarlanean dihardute STEAM Sare ekimenean gazteei STEM lanbideen eta gaien irudi errealista,positiboa eta askotarikoa eskaintzeko,arlo horietan bokazio eta interes profesionalak pizteko (zientziarekin,teknologiarekin,ingeniaritzarekin eta matematikekin zerikusia duten arloetan),betiere neskei arreta berezia eskainiz. Hori dela eta,STEAM Sare katalogoko jarduerek lanbide horiek garatzen dituzten enpresa,erakunde edo ikerketa-zentroetara hurbiltzen dituzte DBHko eta Batxilergoko ikasleak.
Ehun bat erakunde publiko eta pribatuk osatzen dute STEAM
Sare jarduera
zientifiko-teknologikoen katalogoa,eta dagoeneko
Bigarren Hezkuntzako
ikastetxeen eskura dago
Katalogoa
Katalogoak barne hartzen ditu bai iraupen laburreko jarduerak (ikastetxeek planteatutako premietatik sortuak) bai programa luzeagoak (zenbait astetako edo hilabetetako iraupena dutenak), erakunde laguntzaileek sustatutakoak; horiekin batera,baita jardunbide egokien tailerrak ere.Horrela,lehenbizikoetan,ikasleak lanbide-orientaziorako saioetara joan ahal izango dira,baina,gainera,korronte alternoko sorgailu bat edo gitarra elektriko bat muntatzen ikasteko,pentsamendu konputazionala garatzeko edo eraikin adimendunen sekretuak ezagutzeko aukera ere izango dute,adibide batzuk aipatzearren.
Bigarrenetan,aldiz,ikasleei,esate baterako,Elhuyar Zientzia Azoka edo FIRSTLEGO League
Euskadi ekimenetan parte hartzeko aukera
emango zaie,edo teknika forentseen bidez Polizia Zientifikoak planteatutako fikziozko krimenak ebazteko erronka joko zaie.Bestalde,tailerretan ikastetxeek STEAM jardunbide egokien kasuak erakutsiko dizkiete irakasleei.
Katalogoko ekimenetan parte hartzeko interesa duten Euskadiko DBHko eta Batxilergoko ikastetxeek maiatzaren 31 baino lehen bete behar dute aurretiko izena emateko eskaera.Ikasturte berrirako jardueren katalogo osoa eta aurretiko izena
emateko inprimakia esteka honetan daude eskuragarri: STEAM Sare Katalogoa - Steam Euskadi
STEAM Sare ekimenean parte hartzen duten ehun erakundeen zerrenda osoa (ikastetxeak,Lanbide
Heziketako zentroak,enpresak,unibertsitateak eta teknologiako eta ikerketako zentroak) esteka honetan ikus daiteke: STEAM Sare: ikastetxeak eta enpresak elkartuta - Steam Euskadi.
Katalogoko ekimenetan parte
hartzeko interesa duten
Euskadiko DBHko eta
Batxilergoko ikastetxeek
maiatzaren 31 baino lehen bete behar dute aurretiko izena
emateko eskaera
Zer
da STEAM SARE katalogoa?
STEAM Sare katalogoak Euskadin garatzen diren
STEAM Hezkuntzako ekimen nagusien eskaintza jasotzen du.Eskaintza honek 2023-2024 ikasturterako 44 jarduera,hezkuntza-programa eta praktika onak trukatzeko tailerrak biltzen ditu.Katalogo hau Eusko Jaurlaritzako Hezkuntza Sailak
bultzatzen duen STEAM Euskadi estrategiaren barruan dago,STEAM Hezkuntza programaren osagarria da eta euskal ikastetxeei zuzenduta dago.
STEAM jarduerak
Hezkuntza-curriculumera bideratutako 27 jarduera labur,ikastetxeen beharrizanetatik sortutakoak eta profesional zientifiko eta teknologi-
koen arteko lankidetzaren bidez garatutakoak. Lanbide-orientaziorako jarduerak ere sartuta daude.
STEAM hezkuntza-programak
STEAM hezkuntzako 8 ekimen,zenbait aste edo hilabetetako iraupena dutenak eta EAEko hainbat erakundek sustatutakoak (besteak beste, ikastetxeak,enpresak,unibertsitateak,LHko zentroak eta ikerketa-zentroak dira erakundeok).
Praktika onak trukatzeko STEAM tailerrak
Praktika onak trukatzeko aurrez aurreko 9 tailer dira.Ikastetxeek ematen dituzte eta irakasleentzat baino ez dira.
¿Zer da STEAM hezkuntza?
Honako ezaugarri hauek ditu:
1. Uztartu egiten ditu zientzia,teknologia,ingeniaritza eta matematika,Artearekin eta Humanitateekin lotuta.
2. Oinarrizko konpetentziak garatzen ditu,bai zeharkakoak,bai diziplina-konpetentziak.
3. Ahaldundu egiten ditu ikasleak,gure gizartearen erronkei arduraz aurre egin diezaien.
4. Honako hauek dira helburuak:
- Bokazio zientifiko-teknologikoa sustatzea.
- Ikasleen STEM gaitasunak hobetzea.
- Ikasleak bultzatzea,haien inguruko mundua eraldatzen modu aktiboan parte har dezaten.
