Aldo Jobbely Figueroa “Ma, ot kapula neng aldo?” “Kamalasan ing dala ne yan, nak.” Iyan na mu ing palagi nang sagot kakung ning inda ku kapag kutnangan ke king bayu magbengi pauli king bale. Magtaka na ku man eh kasanting nang lalawen king malawak na asikan, balamu bolang apoy yang lalabanan ing paratang a dalumdum. “Ma, ot kapula neng aldo ne?” kutang ku ulit kaya. “Ot kakulit mung anak ka!” sabe lapirot king tenga ku. “Sinabi nang malas ya pin yan.” King subrang sakit neng tenga ku, minuna ku tuloy minuli kaya. Pero abak na ala ya pa rin ing ima ku, a balitaan mi nemu, malas yang mipayabe king engkwentro neng mga rebelde kening kekami.
6
