Aslag

Aslag

Jamel Aaron Dauz

Abak a maranun ginising nakung ima, “Mangan tana!” ngana, sabe akbe king gulut ku papunta king mesa.

I koya ku naman ampong atchi, magkwentu la nung makananu kasanting ing pintalan da napun. Mapunu, matanaman, at mangasanting a bulaklak ing karelang mapilan a banggit. Kayaring mengan, dinilwan ampong piniblasan na nakung tatang at etad king iskwela.

Pangaras iskwela, sinagana ya kaku ing mestra ku. Banggit ku kaya, “O madam, kasala na ning aldo ne?”, “O makananu mung asabing masala?”, pakibat na. “Eyamu pala akakit ing sala madam, araramdaman ya rin. Ing lugud ning kakung pengari at kapatad ing mamye sala kaku aldo-aldo.” Pasalamat ku king Apung Guinu na agyang bulag ku, dininan nakung sala.

At ita ing lugud da reng taung makapalibut kaku. 64