TE RUTILIO ESCANDÓN LA SPASBEY SK´INUL TE BEJ SAN ANTÚN LA YICH´ PASEL TA LAS

ROSAS-KANDELARIA-JOBEL

COMUNICADO/SCLC

Te k´alal la yich´ pasbeyel sk´inul te bej San Antún la yich´ pasel ta Las Rosas-E. C. (Kandelaria-Jobel), te ja´ jun a´telil te banti k´ax ta 6.9 millones ta pesos la yich´ lajinel tak´in, te ajwalil Rutilio Escandón Cadenas la spak´ sk´abyun te, ja´ wokolayalyun te yakal ta pasel karreteraetik, soknix te snaul nopjun sok salud, yakal ta lekubel te xkuxinel te jlumaltik, ja´xan bayel yakal ta koltayel te bats´il lumetik.

Te k´alal a k´ax te Sk´aalel Internasional yun te Bats´il Lumetik, te banti la yich´ ta wenta te usos, kostumbreetik sok te namey k´inal kulturaetik te kuxulto li´ ta jlumaltik, te ajwalil la yal te jich te bit´il la yich´ pasel pabimentar te bejito, jich ya xlekub sbeik sok ma xk´axix swokolik te jlumatik, jich ya stak´ xbenikix sok xku- chikbel ta xchonel te bitik ay yunik.

“Jich te bit´il la yich´ pasel te karretera-ito, jich maba jal ya xbenikix sok maba wokol ya xk´otik ta yolilal munisipio sok ta yantik muk´ul lumetik yun te Chiapas; sok jich maba wokol ya xlok´bel yunik te bitik ay yunik sok te bitik ya xchonik; jich ma xk´ax swokolik ta salud sok ta nopjun, lek ya yich´ chajpanel”, xi la yal te k´alal la xcholbey sk´olal te talem ta yo´tan te lek ya x-a´tejxanbel ta swenta xchajpanel te bitik tulan sk´olal ya sk´an te komunidadetik.

Te k´alal la xcholbey sk´olal te ja´ wokolayalyun te lek yakal ta pukel te stak´inal jlumaltik, te yakal ta ak´el ta programas sosialetik sok te yakal ta pasel muk´ul a´teliletik, te Escandón Cadenas la yal te ja´tey chikan ta ilel te ya x-a´tejik te ajwaliletik yun te Xchanebal Transformasión ta swenta skoltayel te mach´atik wokol ayik, ma x-elk´ajik sok ya yich´k ta wenta te jlumaltik, teyuk-a te la yalbey te ya sk´an junax ya yak´ sbaik, te manchuk ya xat´ sbaik.

“Te muk´ul ajwalil Andrés Mayel López Obrador bayel spasoj lucha ta swenta slekubtesbeyel xkuxinel te jlumaltik; maba jichuknax te och ta ajwalil, nameyix skael ta beel, ma´yukbay la xkux sok ma´yukbay a jin yo´tan ta slekubtesel te jlumaltik Méjiko. Teyuk-a te bujts´an k´inal ya ka´ayun te yakalix ta k´oel ta pasel te Xchanebal Transformasión, maba sk´olalnax, yakalix ta k´oesel ta pasel”, xi la yal.

Te k´alal a k´opoj te wolawal yun te Komisión yun Beetik sok Infraestruktura

Hidráulika, Jorge Luis Gómez Jiménez, la yal te pajal yakalik ta a´tel te ajwalil Federal,

Estatal sok Munisipal ta swenta skoltayel ta lek te komunidadetik, te yakal spasbelik obraetik ta swenta slekubtesel xkuxinel te jlumaltik.

Ta representasión yun te mach´atik la staik lekubtesel yun te San Antún Las Rosas,

Domingo Ruiz Jiménez, la yalbey wokolyun Rutilio Escandón te ja´ sbabial ajwalil te tal yil te slumalik, sok te la yich´ lekubtesel ta lek te bejito, jich ma xk´axix swokolik ta beel sok ta chonbajel, sok jich ma xk´ax swokolik ya xbajtik ta snaul poxilal.