TE LON CHOPOLIL, TE MA’YUK XK’EXLALIK SOK TE SBOLILIK AY

TA XCH’ICH’ELIK

Ya spasik lotil.

Bayel a elk’ajik te k’alal a k’axik ta a’teluunelil te nailaltel.

Yakalik ta bolobel yun te poder sok te tak’in

POR: RAYMUNDO DÍAZ S

Ja’ tey talemik o lok’emiktel a te k’alal a k’axik ta a’tel te elek’ a’teltuuneletik yun Chiapas (20122018), te k’alal a chiknajik jich bit’il xanich te k’ulejetik, te k’alal junax a beniksok te ELEK’ETIK, te mach’atik la yelk’anbey te stak’in chiapanekoetik, ja’ tey lok’emtel a te Sasil de León Villard, te ma’yuk xkexlalik, bolik sok chopoluk, maba ja’nax te ay ta xch’ich’elik te elk’ajel, soknix yakal spasbelik lotil ta swenta slo’loyel te jlumaltik chiapaneko.

Te k’alal a k’ax ta Wolawal yun te Desarrollo sok

Empoderamiento yun te Antsetik (2013-2015), te Sasil del León Villard sok te SJOYTAK TA

ELEK’ ma la SUJTESIK

TE MILLONES TA PESOS

TAK’IN la yelk’anik, yakalto slejbelikxan te poder pa’ ke ya x-och ta kandidata sok ajwalil yun Chiapas ta ya’wilal 2024, te k’alal na’bil sbaj te lon chopol sbaj.

Ta skaj te ma sna’bey swentail sok maba yiloj te socio-polítiko, melel te k’alal ya skuy sbaj ta yuch’el mats’ ya skuy ja’ estadista o spas lotil, te León Villard ya slap bats’il k’uil sok ya skuy sbaj bats’il ants (indígena) te k’alal maba bats’il ants, y te binta lon chopolxan sbaj ja’ te yakal slo’lobel sok yelk’anbel stak’inal te jlumaltik, ja’ tul polítika te la yuts’in sok yakal yuts’inbel te bats’il lumetik yun Chiapas.

Te Sasil de León, soknix te yantik chopol sok ELEK’ polítikoetik, te MA’YUK XK’EXLALIK ta Chiapas, te patil ya kalbeytik sbiilik, ya sk’an ma sujtikixtel ta jlumaltik. Te binta ya sk’an ya sujtesiktel, ja’ te millones ta pesos stak’inal naetik sok yantik proyektoetik la yelk’anbeyik stak’inal, te ma la yak’ik y la stsakik ta swenta spasel kampaña sok spasel bolil ta jlumaltik.

Te ants-ito chiknaj sok ch’ijsok te Yaxal Partido Ekojista yun Méjiko, ta patil, k’axbel ta Partido Enkuentro Sosial y te orita ay ta Morena, te Sasil de León ja’ jun SLOK’OMBA te ELK’AJEL, yakal YUCH’EL MATS’ sok SLAPBEL SK’UJ BATS’IL LUMETIK ta Chiapas.

¿Yabal stak’ yalbey sk’olal elk’ajel sok stup’ik te elk’ajel te Sasil de León Villard sok te yantik elek’ polítikoetik? ¿Yabal xu’ ta tup’el kuntik te elk’ajel ta Chiapas tame ya jkoltay sok kak’tik ochel ta ajwalil tul elek’ ants o elek’ winik?

Ta yan buelta, ta yan k’op la jcholbeytik sk’olal te YANTIK MILLONES TA PESOS ma a k’ot ta komunidadetik yun Te Parral sok ta yantik munisipioetik yun Chiapas, teyuk te ay mach’atik yakal spasbelik chopol polítika jich bit’il te Sasil de León, sok yantik te yakal spasbelik kampaña te ma’yuk xk’exlalik, sok yakal spasbelik lotiletik ta swenta slo’loyel te chiapanekoetik.

Te Chiapas sok te chiapanekoetik bayel bitik ya sk’anik, maba tik’-a te muñekaetik ta karikatura, maba tik’-a te ya sk’ainik xk’uxel ajan ta paraje, maba tik’-a te nuxel ta tanga ta kañon yun sumidero, sok maba tik’-a te ya xbajt sloik on ta Chiapilla ta joeb ora sakubel k’inal.

¡¡¡Boletik, elek’etik!!!

Ya kalbeytikxan lek sk’olal ta patilal.

¡¡¡Chiapas, JAJCHANME!!!