Te Rutilio Escandón xk´otok ta tsoblej ta Sjukebal Tsoblej Hasendaria yun te Estado

COMUNICADO/TUXTLA

GUTIÉRREZ

Te k´alal xk´otok ta tsoblej ta Sjukebal Tsoblej Hasendaria yun te Estado, te ajwalil Rutilio Escandón

Cadenas la yal te lek ay stak´inal orita te Chiapas, sok lek yakal ta a´tel te a´teltuuneletik, lek yakal ta tuuntesel sok lek yakal ta ilel te binta ut´il la yich´ lajinel te stak´inal jlumaltik, ja´ wokolayalyun te lek yakal ta ak´el ta na´el te binta ut´il ya yich´ tuuntesel te tak´in, te yakal ta tup´el te elk´ajel sok te junax yakalik ta a´tel te ajwaliletik Federal, Estatal sok Munisipal.

La yal te lek ju´em ta pasel te a´teliletik yun te hacendaria ta Chiapas ta skaj te lek yakal ta pasel te a´teliletik, ma´yuk lotil sok junax yakalik ta beelsok te jlumaltik, soknix te lek yakal ta kanantayel te stak´inal jlumaltik sok yakal te tuuntesel ta programaetik, a´teliletik sok ta proyektoetik te tulan sk´olal ta swenta slekubtesel te jlumaltik, ta swenta skoltayel te mach´atik wokol ayik, soknix ta swenta slekubtesel te xkuxinel te jlumaltik.

Jichyunabi, te Escandón Cadenas la yal te tulan sk´olal te ya sk´an ya yich´ pasel te tsoblejetik-ito, melel ja´ tey ya stak´ xcholbey sbaik te bitik ya snaik spasel, te bitik snopojik sok te bitik lek ju´em ta paselyunik, pa´ ke jich lek ya xchapik te a´teltuuneletik te binta ut´il ya stak´ yich´ tuuntesel te tak´in. Soknix la yalbey te alkalde ants winiketik te ya sk´an ma sts´ujtesbeyik yipal te a´telil, sok te ya sk´an joyob ya yak´ik ta ilel te binta ut´il ya stuuntesik te tak´in, soknix la xcha´ yalbey te ya skoltayxanbel ta slekubtesel te slumalik.

Te sekretario tékniko yun te Auditoría Espesial yun te Gasto Federalisado yun te Auditoría Superior yun Federasión (ASF), David Isaac Ortiz Calzada, la xcholbey sk´olal te k´alal a kaiktel ta ajwalil, te Chiapas ja´ pam lum te bayel la yich´ ilelyun te ASF, ja´naxyunts´in, te orita yanejemix sok chikanix ta ilel te ja´ pam lum te lek yakal ta stuuntesbel te tak´in.

Jichyunabi, te Ajwalil yun Chiapas la yal wokolyun te lek yakal ta ak´el ta na´el te binta ut´il yakal ta tuuntesel te tak´in, sok te lek yakalik ta abeyel stak´inik, melel ja´tey chikan ta ilel te talem ta o´tanik stup´el te elk´ajel; soknix la yalbey te Ayuntamientoetik te ya sk´an joyob lek ya x-a´tejikbel ta spasel sok slekubtesel te Chiapas.

Jichek te wolawal yun te Hasienda yun Estado, Javier Jiménez Jiménez, la yal te fiskalisasión-ito ja´ ta swenta xchapel sk´opik te ajwaliletik Federal, Estatal sok Munisipal, swenta jich lek ya yich´ tuuntesel te stak´inal jlumaltik, jich lek ya x-a´tejik ta spisi te munisipioetik yun te slu- mal Chiapas. “Tame jamal ya yich´ ak´el ta ilel o na´el te binta ut´il ya yich´ tuuntesel te tak´in, lek ya yich´ tuuntesel te tak´in, ja´ jich ya xlekubel te Chiapas”.