Hacendaria yu’un Estaro

SPUKEL A’YEJ/TUXTLA GUTIÉRREZ

K’alal i-ay ta tsobajel sventa XII Convención Hacendaria yu’un Estaro, ti jtunel jvu’el Rutilio Escandón Cadenas lajyal ti Chiapas oy lek stak’inal yu’un xchi’uk lek ta jamal chajal ta x-abtej ti jtunel jvu’ele, ja’ kolyal ti jech lek jamal ta xich’ ak’el ta ojtikinel k’usitik ta xich’an pasel xchi’uk ti ta xich’an tubesel spasel elek’ ta abtelal xchi’uk ti ta jmoj ta x-abtejik batel ti ajvaliletik ta Federal, Estatal xchi’uk Municipal.

Lajyal ti k’u x-elan slekil sk’elel xchabiel stojel spatanil ta Chiapas ja’ ta skoj ti lek ta xich’ pasel abtelal xchi’uk ti jamal ta xich’ ak’bel sna’ ti jnaklumetike, xchi’uk ti lek ta xich’an tunesel ta programaetik ti ta sventa sk’elel yabtelanel k’usitk jtunel yu’unik ti jnaklumetike, yuun ja’ tsots sk’oplalik ti boch’otik toj abol sbaike skuxlejalike yo’ jech xlekub batel ti xch’iel sk’opojelik jnaklumetike.

Jech o xal un, Escandón Cadenas lajyal ti k’u x-elan stsatsal sk’oplal spasel ti li’ tsobajele yu’un ja’ te stak’ tael ta chanel k’usitik lekik pasanbil, xchi’uk ja’ jech te ta staik ta ilel xchanel spasel lek xchi’uk ta snopel lek k’usi stak’ spasi kti jtunel j-abteletik yo’ jech lek xich’ tael ta tsobel xchi’uk lekuk xich’ tunesel ti stak’inalile. Xchi’uk xtok, te laj sk’anabe jujun peserenteetik ta jujun jtekklume yu’un estaro ak’o mu xchoybeik sk’obalil xchi’uk jech bisiluk jamal xak’ik ta ilel bu ta slajes tak’in xchi’uk ja’ te lajyak’ ye ti yo ta yo’on ta skolta sba ta sk’anel talel ep inversionetik ta slekilalik ti jteklumetike.

Ti secretario técnico yu’un Auditoría Especial del Gasto Federalizado de la Auditoría Superior de la Federación

(ASF), David Isaac Ortiz Calzada, layal ti k’alal o no’ox ilik spasel yabtel ti li’ jtunel jvu’ele, Chiapas ja’ to’ox jun estaro ti ep k’usi tabil ta ilel yu’un ASF, pe ti li’ ta orae jelem xa, yantik lekuben spasel yu’un ti k’u x-elan lek ta sk’el ta xchabi stunesel ti tak’in akbil talel yu’un federale.

Jech o xal un, te laj stabe ta ojtikinel jtunel jvu’ele ta Chiapas ti jech lek ta sk’el xchabi stunesel ti tak’ine, xchi’uk jech k’ucha’al lek staoj ak’bel tael stak’inalil xchii’uk ti lek yak’oj ta yo’on stubesel ti spasel elek’ ta nail abtelalile; xchi’uk xtok te laj sk’ananbe Ayuntamientoetik ak’o jechuk spasik batel ek yo’ jech chan batel spasel ti jamal chajal ta xich’an ak’el ta ilel k’usi spasel ta jlumaltike.

Yanuk ti secretario de Hacienda yu’un Estaro, Javier Jiménez Jiménez, lajyal ti li’ fiscalización ja’ jun chapal k’op yu’unik xchi’ukik ajvalil ta federal Estatal xchi’uk Munisipal, ti ja’ ta sk’el batel k’u x-elan ta xich’an tunesel ta lajesel ti stak’inalil jujun jteklumetike ta estaroe. “Jamal ta xak’ik ta ilel bu ta xich’an lajesel xchi’uk lek ta xich’ k’elel ta chabiel ti stak’inal jteklumetik ta Chiapas”.