RUTILIO ESCANDÓN LAJ STSAJ STUNESEL

SBELAL SAN ANTONIO LAS ROSAS-

CANDELARIA-SAN CRISTÓBAL DE LAS CASAS

SPUKEL A’YEJ/SCLC

Ta sk’ak’alil stsajel stunesel sbelal San Antonio Las Rosas-E. C. (Candelaria-San Cristóbal de Las Casas), ja’ jun obra ti te lajyich’ ak’bel ta 6.9 millones de pesos stak’inalil, ti jtunel jvu’el Rutilio Escandón Cadenas xmuyubaj lajyal ti kolyal ti jech ta xich’an lekubtase beetiik xchi’uk jech k’ucha’al ta sventa nail k’elel poxtael xchi’uk chanobvunetik, ta Chiapas yantik ta xlekub batel ti xch’iel sk’opojelik jnaklumetike, ja’ jech ta xk’otan ta pasel ti ta slumalik bats’i jnaklumetike.

Ta sk’ak’alil Sk’inalil Bats’i jnaklumetik tas bejel banamil, ja’ te laj stabe ta ojtikinel svo’nejal stalel skuxlejalik ti jech mu’yuk to t’uben o yu’unik li’ ta jlumaltik estaroe, ti jtunel jvu’ele lajyal ti li’ yak’bel spavimentoal ti bee, ti jnaklumetik mu ja’uk no’ox te lekub xa o sbeik, xchi’uk ja’ jech ta xlekub slok’esel batel sbolomalik.

“Ta spasel ti li’ kareterae ja’ jech te ta xkomib xchi’uk ja’ jech ta xlekub k’otelik ta jol um xchi’uk ta butik yantik lumetike; xchi’uk xtok ja’ jech te ta xk’unib slok’esik batel ta xchonel sbolomalik; ta slok’elik batel ta sa’el spoxilik xchi’uk ta xchanel svunike”, xi lajyal k’alal iyak’ ta na’el ti oy ta yo’on ta x-abtej batel ta sk’elel stuk’ulanel batel ti k’usitik tsotsik sk’oplal yu’unik ti jnaklumetike.

K’alal lajyal ti kolyal ti lek ta xich’ tunesel ti stak’inal jlumlatike, jechik k’ucha’al apoyos socialetik xchi’uk ti k’usitik yantik obraetik ta xich’an pasele, Escandón Cadenas lajyal ti li’e ja’ te yilubil ti ajvalil yu’un Cuarta Transformación ta x-abtej ta sventa slekubtasel skuxlejalik boch’otik toj abol sbaik ta skuxlejalik, jayo’ te laj sk’an ti abisilik jech ta jmoj xchi’uk ta ko’ol spas sbaik ti jnaklumeik mu ja’uk xak’ik xich’ik vok’el ch’akel.

“Ti peserente Andrés Manuel López Obrador vo’onej jech xchanoj talel spasel tsots ta sa’bel slekilal skuxlejalik ti jnaklumetik; yu’un mu jecheuk no’ox ti te k’otem ta ajvalile, vo’nej xa slikel talel yu’un ta skoj ti mu’yuk bu laj xchibajes sba ta k’usi sk’anel spasel ta yak’bel slekilal ti jlumaltike. Jayo’ jech xkuxet ko’on ta xkil ti Cuarta Transformación mu xa ja’uk slo’ilal no’x, yu’un te xa ta ilel pasanbil ti yabtelalile”, xi lajyal.

K’alal ilo’ilaj ti director general yu’un Comisión de Caminos e Infraestructura Hidráulica, Jorge Luis Gómez Jiménez, lajyal ti li’ ta orae mu bak’in jech, ti ajvaliletik ta Federal, Estatal xchi’uk Municipal ta sk’el stuk’ulanbik k’usi ta sk’anik ti bik’tal lumetike, jechik k’ucha’al ta obraetik ti ja’ jech ta xlekub bateel sbeik ti jnaklumetike. Ta yaj va’lejik jnaklumetik ta San Antonio Las Rosas,

Domingo Ruiz Jiménez, laj stojbe ta vokolal Rutilio Escandón ti ja’ sba to jech un ajvalil te ik’ot ta slumalike xchi’uk jech k’ucha’al xcha’meltsanel ti sbeike, yu’un ja’ jech ta xlekub sbeik xchi’uk jech ta xk’unib slok’elik ta sa’el spoxilik ti jnaklumetike.