TA SLUMAL CHAMULA, TE RUTILIO ESCANDÓN LA SPASBEY SK´INUL TE SBEIB

LUS LA YICH´ PASEL TA LOKALIDAD TE POSO

COMUNICADO/CHAMULA

Te ajwalil Rutilio Escandón Cadenas la stiles te switch yun te sbeib lusetik ta lokalidad sbiil Te Poso, ta slumal Chamula, ta swenta sjachel ta tuuntesel te lus la yich´ la yich´ pasel, jich ya xlekubel xkuxinel te jlumaltik mach´atik li´ kuxinemik, te bayel ja´wil ma la yich´ik abayel te koltayel-ito.

La yal te ja´ jun justisia ta stool te jlumaltik te la yich´ pasel te 19.3 kilómetroetik sbeib lus-ito, sok ja´ jun derecho yun te jlumaltik pa´ ke jich ay slus sbeik sok parkeetik yunik te jlumaltik, soknix ta snaik, melel ma snujp´uk te ay komunidadetik te ma´yuk slusik te k´alal ja´ bayel ya slok´es lus te Chiapas.

Teyuk-a te la yal te, ta swenta sk´oesel ta pasel te spolítika te muk´ul ajwalil Andrés Mayel López Obrador, te lek ya yich´ pasel te a´telil sok ma xyich´ pasel lotil, yakal ta tsobel sok yakal ta lekubtesel te stak´inal Chiapas, swenta jich lek ya yich´ tuuntesel ta komón k´inaletik, ta rancheríaetik sok te baytik kuxinemik te jlumaltik wokol ayik, melel tame ya xlekub te me´bajetik, pajal ya xlekubotikbeel.

“Junax yakalotik ta beelsok te Federasión ta swenta yach´ubtesel te Méjiko, ta swenta slekub - tesel te jlumaltik, junax ya jkoltay jbajtik, melel te snojpil kuntik ja´ te junax ya kak´ jbajtiksok te jlumaltik; teyuk-a yakalotik ta a´tel ta stool ta spisil te munisipioetik, ma´yuk stsael, chikan biluk partidoil ayik”, xi la yal.

Te k´alal la xcha´ yak´ sk´opyun te ya x-a´tejikxanbel ta swenta slekubtesel te bats´il lumetik, sok te la yak´ ta na´el te ya yich´ lekubtesel pael cha´wej te snaul nopjun sokxan yantik a´telil yun salud, ta swenta skoltayel te jlumaltik, te Escandón Cadenas la yal te tulan sk´olal te junax ya kak´ jbajtik sok te jech jkoltay jbajtik, swenta junax ya xbenotik ta slekubtesel te jlumaltik, jtup´tik te chopoliletik sok te uts´inel.

Te wolawal yun te Obras Públikaetik, Ángel Carlos Torres Culebro, la yak´ ta na´el te a´telil-ito, te banti k´ax ta juklajun millones ta pesos tak´in la yich´ tuuntesel ta swenta sk´oesel ta pasel te binta nameyix skael sk´anbelik te jlumaltik, ta swenta smuk´ubtesel te sbeib lus, ju´ ta pasel ta skaj te junax la stsob stak´inik sok junax yakalik ta a´tel te yoxebal nibeletik yun ajwalil, ta swenta slekubteselxan te xkuxi - nel te jlumaltik. “Lek ay te Chiapas melel yakal ta koltayel te jlumaltik, sok lek yakal ta k´oel ta pasel te bitik ya sk´anik te jlumaltik, ma´yukbay yakal ta ak´el ta betil te jlumaltik”.

Jichek te wolawal yun te Desarrollo Sustentable yun Bats´il Lumetik, Emilio Ramón Ramírez Guzmán, la yal te bujts´anax k´inal ya ya´ayun te la yich´ pasel te a´telil-ito ta swenta slekubtesel te jlumaltik, sok la yalbey wokolyun te a´teltuuneletik te talem ta yo´tanik slekubtesel te bats´il lumetik, sok te yakal yich´belik ta wenta. La yal “te muk´ul ajwalil López Obrador yakal skoltay - bel sok skanantaybel te industria-ito, te ja´yunik te mejikanaetik sok te mejikanoetik; ja´ tul p´ijil mamal te junax yakal ta beelsok te jlumaltik sok ta swenta slekubtesel te xkuxinel te jlumaltik”.