Ika-17 Asembliya ng MASIPAG Luzon, matagumpay na inilunsad ni Romeo Cordez
M
atagumpay na inilunsad ang ika-17 asembliya ng MASIPAG Luzon (MASLUZ) sa Yumi’s Farm, Ilayang Bukal, Lungsod ng Tayabas noong Agosto 27-30, 2019. Isinagawa ang asembleyang ito upang pahigpitin ang kaisahan ng mga kasapi sa MASLUZ sa temang: “Pagpapanday ng ugnayan, pagpapatibay ng bigkis para sa agroekolohiya” sa kasalukuyang kalagayan ng network at ng mga hamon na kinahaharap nito. Dinaluhan ang asembliya ng humigit-kumulang 100 delegado mula sa hanay ng mga samahang magsasaka, siyentista at nongovernment organizations sa Luzon. Sumalubong sa kanila ang eksibit ng mga surplus na organikong produkto ng mga magsasakang MASIPAG. Tinalakay ni Alfie Pulumbarit (Advocacy Officer ng National Secretariat o NS) ang implikasyon ng mga batas at polisiya ng pamahalaan sa mga magsasakang Pilipino. Tinalakay naman ni Ryan Damaso (CLP Area Coordinator) ang krisis sa klima at krisis ng mga magsasaka, habang ibinahagi ni Candy Hidalgo ng PMPI ang mga punto ng Rights
of Nature Bill. Naging bukas ang talakayan para sa mga katanungan.
samahan ang mga butil ng palay, mais, adlai, sorghum, gulay, punongkahoy at rootcrops.
Nagbahagi rin ng mga natatanging karanasan ng mga samahan, tulad ng pagpapaunlad ng samahan ng Malpalon Farmers Integrated Rural Development Association (MFIRDA) ng Calintaan, Occidental Mindoro; grupuhang pagsasapamilihan (MFGS) ng GBP Bungo ng Gapan, Nueva Ecija; Patikim Festival (Advocacy) ng Provincial Coordinating Body ng Quezon 2; at ng Diversified Integrated Farming System (DIFS) ni Lauro Diego ng Duale Masipag Organic Farmers Association (DUMAOFA) ng Limay, Bataan.
Sa ikatlong araw, pormal na idineklara ang pagbubukas ng ika17 Asembleya ng MASIPAG Luzon ni outgoing RMT Chairman Elmer Bolusan. Isinagawa ang pag-ulat ng mga komite na pangungunan ng mga miyembro ng RMT. Nagbahagi ng MASIPAG network updates at direksyon ng network sa susunod na tatlong taon sina Cristino Panerio (MASIPAG National Coordinator) at Rowena Buena (MASLUZ Regional Coordinator).
Ang mga pagbabahaging ito ng mga karanasan ay nagsilbing aral at hamon sa pagpapalakas pa ng mga Provincial Consultative Bodies sa buong Luzon.
Nagkaroon din ng review ng CBL ng MASIPAG. Inendorso at kinilala rin ng kapulungan ang mga bagong associate at regular na miyembro ng network.
Samantala, makulay at masayang nagtanghal ang limang cluster ng MASLUZ sa solidarity night na ginanap sa ikalawang gabi. Nakiisa ang mga mag-aral ng UP College of Social Work and Community Development na inimbitahan sa naturang okasyon. Nagtanghal din ang mga staff ng Masipag Luzon at mga kasapi ng NS.
Inihalal ng kapulungan si Fernando Dechavez ng Bicol bilang bagong RMT Chairman kasama ang miyembro ng RMT na sila Elmer Bolusa (North Luzon), Leody Velayo (CLP), at Robert Estuesta (Southern Tagalog). Inaprubahan naman ng kapulungan ang mga resolusyon hinggil sa pag-aaral at ebalwasyon sa mga kasapi ng MASLUZ, na inaasahang makatutulong sa pagpapalakas ng mga samahan. •
Naging taimtim at masaya ang selebrasyon ng buhay sa seed exchange. Inambag ng bawat
HUNYO 2019 - HUNYO 2020
|
5
