Estudo da lingua Ortografía

Ten en conta

A sílaba tónica é aquela que se pronuncia con máis intensidade. A maior parte das palabras monosílabas son tónicas ( sal, cor); porén, as que teñen máis dunha sílaba presentan unha tónica e o resto son átonas ( cá -li-do, mor- ce -go ).

Unha sílaba é o fonema ou conxunto de fonemas que pronunciamos nas palabras con cada golpe de voz. Por tanto, os fonemas forman sílabas que, á súa vez, constitúen palabras.

Segundo o número de sílabas as palabras poden ser monosílabas (mar), bisílabas (ven-tá), trisílabas (ca-dei-ra) e polisílabas (co-mu-ni-ca-ción). Se temos en conta a posición da sílaba tónica, as palabras son agudas (can-ción), graves (cor-po), esdrúxulas (rá-pi-da) e sobreesdrúxulas (pe-dí-de-lle-la).

Ditongos, tritongos e hiatos

Hai sílabas que presentan dúas ou máis vogais (ou-ro, min-guou). A estes encontros vocálicos chamámoslles: ditongos e tritongos. Cando dúas vogais seguidas pertencen a sílabas diferentes, trátase dun hiato (ru-í-do, a-re-a).

Ditongo

Dúas vogais pertencentes á mesma sílaba.

Ditongo decrecente a, e, o + i, u moi-to, fai-xa, lou-ro

Ditongo crecente i, u + a, e, o cien-cia, lin-gua

Tritongo

Tres vogais nunha mesma sílaba, sendo pechadas as dos extremos.

ca-suais, viei-ro

Ditongo homoxéneo iu, ui triun-fo, pui-do

Hiato

Dúas vogais pertencentes a sílabas diferentes.

Dúas vogais abertas ou medias

Unha vogal aberta ou media e unha pechada tónica ou viceversa

Dúas vogais pechadas, sendo tónica a segunda ce-o, lago-a, ca-er sa-ú-do, ví-a, rí-o mu-í-ño, fi-ún-cho

Actividades

1 Divide en sílabas estas palabras: fiestra faiado pingüín pais saída raíz minerais póusao minguou correa lousa lóstrego

2 Localiza a sílaba tónica e clasifica as palabras do exercicio anterior.

Agudas Graves Esdrúxulas

3 Distingue nas seguintes palabras os ditongos, tritongos e hiatos: actuou, caída, lagoa, mingüei, constrúe, xuízo, marea, viúvo, leite, cousa.

Ditongo Tritongo Hiato

4 Clasifica os ditongos destas palabras: leria, lousa, viviu, cuarzo, paciente, seixo, auga, bilingüismo.

DITONGOS

Crecentes

Decrecentes Homoxéneos

5 Con palabras do poema, completa a táboa: Dous corazóns aniñan no peito mariñeiro, un deles sempre é doce, malia ser augamar salgada, con raíces no infinito do corpo, e o segundo de pedra, que leva arterias cordas e que ancora cada home no seu lugar do mundo.

Miro Villar, Gameleiros

2 palabras agudas

2 palabras graves

3 palabras con ditongo decrecente

2 palabras con ditongo crecente

1 palabra con hiato