Silvaplana 2019 // 7 PERSUNAS
PERSUNAS RIZ À PORTA DORIGO
D
origo Riz à Porta es naschieu l’an 1952 scu figl pü giuven in 4. generaziun dals Riz
à Portas a Silvaplauna. Sias quatter sours pü veglias l‘haun meladüso. A Silvaplauna ho el passanto üna bell’infanzia e già da pitschen mattet battaiva sieu cour per quel cumünet e per la grandiusa val Engiadina. L’istorgia, las tradiziuns, la lingua materna e la chüra da la natüra, eira ün fat ch’el s‘ho in-gascho illa politica vschinela e comunela. I’ls ans 1986 bis 2012 d‘eira el president dals vschins. Il mneder da construcziun ho mno ün pêr ans si’egna ditta, fin ch’el ho do temp e plazza a sia paschiun d’esser osp. Il temp liber dedichescha el gugent a sia granda paschiun, la chatscha. Pü bod s‘ho el gugent occupo da sias bes-chas,
Dorigo e Silvia Riz à Por ta sülla terrassa da l ’A lpet ta
chaun da chatscha e chavals – eir scu chavalgiaunt. Il grand skiunz e fundatur dal club da bob Silvaplauna ho eir giuvo teater, que impusüt illa societed dramatica a San Murezzan. Auncha hoz as chatta el suvenz a San Murezzan, cur ch’el vo a tir da culombs. Dorigo es uossa in pensiun, ed ho temp per piglier our dal chaschuot las algordaunzas dals ultims 31 ans da si’Alpetta.
36
