Silvaplana 2019 // 14 FORSTWIRTSCHAFT
ORIZZIS 10-11 GÜN 2019
D
üraunt la not dals 10 süls 11 gün 2019 es passo ün ferm orizi suravi l’Engiadina. Süll’otezza da l’Alp Surlej s’ho distacheda üna part dal
let da l’Ova da l’Alp e s’ho missa in muvimaint vers il lej da Silvaplauna. Tar la punt da la via forestela da Foppas s’ho la bouda alura stagneda. Lo ho ella desdrüt üna part da la punt, s’ho svieda surour la via forestela e dannagio alura eir parts da quella. A la riva dal lej s’ho furmeda üna granda bouda da ca. 2 meters otezza e 50 m lungezza. La via dal lej ho stuvieu gnir serreda per 4 dis. In divers oters lös sun ils ovels eir ieus surour, uschè quel suot il tunnel da l’Ova da Surlej, sül Plaun da las Gillinas e l’ovel da la Serla a Pignia. Intaunt cha l’Ova da Surlej e quella sül Plaun da las Gillinas haun procuro be pitschens dans vi da la via forestela, es l’ovel da la Serla rivo d’entrer e dannager la chesa da la famiglia Jarré a Pignia. Per granda furtüna nu sun gnidas feridas üngünas persunas e que es resto tar dans materiels da circa frs. 30’000.-.
La bouda es riveda gio tal lej da Silvaplauna
Bouda tar la punt da la via forestela da Foppas
111
