10
Digitala Dropshipping
HezkuntzaGidaliburua2021
Dropshipping, moda berria Artikulu honetan dropshippinga zer den azalduko dizugu, eta nola inplementatu behar den zure online negozioan Izan al duzu noizbait dropshippingaren berri? Negozio-eredu bat da, eta oso modan dago gaur egun, online denda bat oso gastu txikiekin abiarazteko aukera ematen baitu. Sistema horren bidez, zure online salmentako webgune propioa kudeatuko duzu, baina zureak ez diren produktuekin; hau da, biltegi handi bateko saltzaile bihurtuko zara, baina zure plataforma propioarekin. Salmenta bat egiten duzunean, biltegiak zuzenean bidaltzen dio produktua bezeroari, eta zuk ez duzu produktuaren stockaz eta bidalketaz kezkatu behar. Zure funtzio bakarra saltzea izango da, baina kontuan hartu behar duzu negozio-eredu bat dela eta, guztiak bezala, landu egin behar dela eta ez dela arrakastatsua izango egun batetik bestera.
Dropshippinga negozio-eredu bat da, oso modan dago gaur egun, online denda bat oso gastu txikiekin abiarazteko aukera ematen baitu Dropshippingaren abantailak z Ez du finantzaketarik behar. Saltzeko jartzen dituzun salgaiak erosi behar ez dituzunez gero, ez duzu aldez aurretik inolako ordainketarik egin behar stocka eskuratzeko. Transakzioagatik adostu duzun prezioa baino ez diozu ordainduko hornitzaileari, transakzioa egin ondoren. Horregatik jar dezakezu abian negozio arrakastatsu bat oso inbertsio txikiarekin. z Oso kudeaketa sinplea. Zure saltoki elektroniko propioa antola dezakezu zure etxean, biltegi baten beharrik gabe eta lizentziez, aseguruez edo logistikari lotutako beste zailtasun batzuez kezkatu behar izan gabe. Gainera, kasu honetan, hornitzailearen negozio-bolumenak oso prezio lehiakorrak ahalbidetzen ditu, bakarrik lortuko zenituzkeenak baino hobeak seguruenik. Zure online denda mantendu eta eskaera kudeatu baino ez duzu egin behar. Horri esker, zerora murriztuko dituzu biltegi moduko lokal baten alokairuari eta mantentzeari lotutako gastuak. z Merkatu-azterketak egin ditzakezu. Merkatu berri batean sartu nahi baduzu eta komeni zaizun ala ez baloratu nahi baduzu, negozio-eredu hori erabili ahal izango duzu. Izan ere, ez duzu inbertsio handirik egin beharko, eta saldu nahi
dituzun produktuek funtzionatzen duten ala ez testatu ahal izango duzu. Era horretan, datu errealak erabiliko dituzu balorazio bat egiteko. Dropshippingaren eragozpenak Dena dela, denak ez dira alde onak. Dropshippingak baditu eragozpen jakin batzuk, eta ez dira txikiak. Hortaz, horrelako hornitzaileen bila hasi aurretik, oso kontuan izan behar dituzu honako hauek: z Prezioen eta eskuragarritasunaren kontrol txikia. Produktuen prezioa biltegi nagusiak finkatzen duenez gero, oso marjina txikia geratuko zaizu sustapenak ezartzeko edo prezio-politikarekin jokatzeko. Egin dezakezun gauza bakarra da produktuaren gainean irabazi-marjina bat kargatzea. Beraz, beherapen oro zure errentagarritasunaren kalterako izango da. Eta, era berean, ez duzu stockaren gaineko maniobra-marjinarik izango: ezin izango duzu ziur jakin biltegiak zer izakin dituen eta ordezkoak noiz jasoko dituen. z Ez duzu bidalketa kontrolatzen. Bidalketekin zerikusia duen oro ez dago zure eskueran: biltegiak finkatuko ditu epeak eta baldintzak operadore logistikoekin. Gainera, produktua gure eskuetara iristen ez denez gero, ezin dugu kontrolatu haren eta enbalajearen egoera bezeroari bidali aurretik. Eta gogoan izan bezeroa ez dela biltegiarena, zurea baizik. Beraz, bezeroari arreta eskasagoa ematera ohitu beharko duzu, aholkularitza eta saldu ondoko erreklamazioen kudeaketa barne.
z Ez
dago esklusibotasunik. Merkataritzaharremaneko sistema berezi horretan, biltegiari ezin izango zaio ezein kasutan esklusibotasuna eskatu, eta lehiakortasun gogorreko baldintzetan lan egiten ohitu beharko duzu. Horrek eragotzi egingo dizu zure produktuaren zein zure zerbitzuaren gaineko balio bereizgarri bat garatzeko aukera, ia salmenta-prozesu osoa zure lehiakideen prozesuaren berdina izango baita. Arrazoi horiek guztiak direla eta, dropshippinga aukera interesgarria da oso kasu zehatzetan eta hornitzailearekin negoziatzeko marjinaren bat eskaintzen dizuten egoeretan. Gogoan izan, nolanahi ere, zure dropshipperrarekin ezartzen dituzun baldintzak direla funtsezkoena. Dropshippingaren adibideak Eta formula horren bidez zer sektorek funtzionatzen duten jakin nahi baduzu, agian harritu egingo zaitu jakiteak merkataritza elektronikoko enpresa erraldoi batzuek (hala nola e-Bay) aukera hori eskaintzen dutela eta askotariko sektoreetako marka askok ere ustiatzen dutela aukera hori. Adibide batzuk baino ez ditugu hautatu, dropshippingaren ideia bat osatu ahal izateko. z Arropa, oinetakoak eta osagarriak: Garatti eta Grupo Coas. z Opariak eta jostailuak: Last Level, Juguetronica. z Etxeko gauzak: Nedis. z Informatika eta telefonia: E-nuc. z Automozioa: Euromontyres. z Ostalaritza eta elikadura: Delicat Plural.
