Ertu gömul sál?

" Penni: Elís Þór Traustason

Hefur þér alltaf liðið vel innan um mikið eldra og mikið yngra fólk?

Hefur þér verið sagt að þú sért þroskuð/þroskað(ur) miðað við aldur? Klæðirðu þig gamaldags? Fæddistu hundrað ára í ungum líkama? Eða ertu bara furðuleg týpa?

Hvernig klæðirðu þig?

A. Bara venjulega

B. Eins og pabbi minn/mamma mín

C. Eins og afi minn/amma mín

D. Eins og bóndi í torfkofa

Lestu grískar goðsagnir?

A. Nei, oj

B. Stundum

C. Oft

D. Í óheilbrigðu magni

Hvernig færðu þér kaffið þitt?

A. Drekk bara Nocco

B. Drekk bara svart

C. Drekk latté

D. Borða óristaðar kaffibaunir Reykirðu?

A. Lumma og veipa

B. Hvorugt, ég sýni ábyrgð

C. Reyki sígarettu

D. Reyki pípu

Flest A) Venjuleg týpa

Þú ert hvorki ung né gömul sál, þú ert bara sálarlaus. Nei djók. Kannski ertu bara mjög sátt(ur) með líf þitt og hvernig þú ert, kannski smá bara boring týpa en að minnstu kosti veistu það og líður vel þannig. Ef þú vinnur fyrir efa og sjálfsóvissu, hættu þá að fylgja stefnum og straumum, það mun ekki fylla upp í tómið innra með þér. Vertu öðruvísi og einstök/einstakt/einstakur. Sýndu smá frumleika og ímyndunarafl. Eða kauptu bara filmumyndavél eða eitthvað.

Ertu í MH eða Kvennó?

A. Nei

B. Kannski

C. Já

D. Hvernig vissurðu?

Ertu í MR eða MA?

A. Nei

B. Nei

C. Nei

D. Já

Hvernig myndir áttu af vinum þínum?

A. Tek myndir á símann, er eitthvað að þér?

B. Langar að nota filmumyndavél

C. Nota filmuvél

D. Tek mynd af þeim með huganum *klikk*

Flest

Þú ert ekki gömul sál, þú ert miðaldra sál. Þú vilt prjóna og horfa á fréttirnar á föstudögum, þú fylgir þinni rútínu, þú gerir þitt eigið nesti og siglir nokkuð örugglega í gegnum lífið. Krossgátan er þinn förunautur til Tenerife. Þú ert heimakær(t) og átt fáa en góða vini. Þú ert almennt stabíl týpa en mættir skapa meiri óvissu í þínu lífi.

Flest C) Gömul sál

Þú ert sannarlega gömul sál. Þér líður best innan um gamla hluti, bækur, skran og list sem minnir þig á þitt nýliðna fyrra líf á síðustu öld. Þú hlustar á alls kyns gamla tónlist, byggir fatastíl þinn á ákveðnum áratug og ert almennt sátt(ur) við þig eins og þú ert. Ef þú fékkst bara C) ertu annaðhvort lífsglöð manneskja eða þarft að hitta sálfræðing.

Flest D) Eldgömul sál við erum til staðar fyrir þig!

Þú ert elsta sálin. Þú ert torfkofabóndi, viðskila þínu náttúrulega umhverfi í heiðardölum landsins. Þú saknar sauðfjár og sullaveikinnar en getur aðeins tjáð það í harmþrungnum, hálfeygum vísum sem enda beint í skúffunni. Þér sárnar þegar vinir þínir vilja ekki smakka hrútspunganestið þitt eða dansa með þér færeyska hringdansa í teitum og gleðskap. Alveg sama hvað þú lest Njálu og þjóðsögurnar fyrir svefninn muntu aldrei fylla upp í burstabæjarlaga gatið í hjarta þínu. It‘s time to move on, eins og skáldið sagði.

Ný og spennandi tilboð í hverri viku og alltaf girnilegt Combo tilboð sem þú getur gripið með.

Opnum snemma seint