ЛОКАЛ
СПОМЕНИКОТ ДОНАЦИЈА ОД УКРАИНА ЗАГЛАВИ ВО ПАРТИСКИТЕ КАЛКУЛАЦИИ СПОМЕНИКОТ КОЈ НА ОХРИД МУ Е ДАДЕН КАКО ПОДАРОК ОД УКРАИНА НАМЕСТО ДА ГО КРАСИ ГРАДОТ СТОИ ВТЕМНИЧЕН ВО ЕДЕН ОД МАГАЦИНИТЕ НА ГРАНИТ, ПЛАТОТО ПРЕД ПАЛАС СЕ РАСПАЃА, ПАРТИИТЕ ПРАВАТ КАЛКУЛАЦИИ ЗА ТОА КОЈ КАКОВ РЕЈТИНГ ЌЕ ДОБИЕ АКО СЕ ПОСТАВИ СПОМЕНИКОТ, А ЈАВНОСТА НЕМА ПОИМ ДЕКА ТОЈ Е ВО ОХРИД.
фото: Љ.Т.
Р
еализацијата на најавениот проект за санација и давање содржина на платото пред хотелот Палас најверојатно ќе треба да почека да завршат изборите. Споменикот кој беше планиран да биде дел од содржината на овој простор, а е подарок од Украина стои затворен во магацин на Гранит и чека некој подобри времиња за да се постави на местото каде што беше планирано. Дел од советниците велат дека не можат да гласаат, да се овозможи поставување на споменикот затоа што со тоа како што велат актуелниот градоначалник ќе добиел поени во јавноста непосредно пред изборите. Поголем дел од советниците не сакаат да даваат официјални изјави за овој
6
AMAK
PRES
проблем, но велат дека не гласаат за поставување на споменикот, а причините за тоа не ги коментираат јавно. Зад кулисно никој не крие дека се работи за чисти политички калкулации. Некои од советниците отворено на комисии кажувале дека не може да се дозволи овој проект да се реализира пред изборите, а за тоа го известиле дури и самиот градоначалник. Опструкциите околу поставувањето на споменикот на платото пред Палас се чисто политичко прашање и немаат врска со согледување на урбанистички планови во функција на развојот и уредувањето на градот. Можам да кажам дека ова е повторување на истата ситуација како што беше со
ДУП-от и дека партиите не поаѓаат од интересите на градот туку се водат само од тесно партиските интереси. Што се однесува до тоа како изгледа споменикот, сметам дека тоа е предизвикано од недоверба кон донацијата затоа што сепак стручната јавност е таа која проценува дали некое уметничко дело е добро или лошо и го оценува истото. - вели Никола Манески, портпарол на градоначалникот.
КАЛИМЕРО ПРОТИВ СПОМЕНИКОТ ОД ЕСТЕТСКИ ПРИЧИНИ Советникот Перо Калимеро за разлика од советниците делегирани од партиите без пардон зборува зошто е
против овој проект. - Мене овој споменик ми личи на ѓавол. Другите советници си прават политички калкулации и никој, ама ни еден од нив не ни помисли на што личи тој споменик. Тие се во занес целите и навлезени и опседнати од партиските интереси, претворени во роботи за гласање не гласаат за овој споменик, а јас не гласам затоа што споменикот ми личи на ѓавол и тоа јавно го кажувам, а тие не кажуваат јавно дека немаат ни став ни мислење туку само гласаат како што ќе им кажат партиите, бидејќи се машинчиња за гласање – вели независниот советник Перо Петрески Калимеро. Љ.Таневски