"Ailə Həkimi" Jurnalı 12 - 2009

Baş redaktordan Günlər tamam qısalmış, sutkanın işıqlı vaxtı ərzində də günəş bizi ö z şüaları ilə az da olsa sevindirir. Şaxtadır.

Küləkdir. Çovğundur. Hətta sevimli işə də getmək həvəsi qalmayıb. Evə də getməyə bir o qədər can atmırsan. Bəlkə, dostlar ilə gö rüşəsən? Yox, yorğunsan. Heç nə istəmirsən, ürəyinə heç nə yatmır. Sizə bu qış təsviri tanışdır?

Ola bilsin ki, siz, xroniki yorğunluq sin‐ dromu hücumuna məruz qalmısınız.

Belədirsə, təcili olaraq ölçü götürmək lazımdır. Daxilində yorğunluğun artdığını hiss edərkən atacağınız ilk addım – doyun‐ ca yatmaqdır. Çox zaman bu kifayət edir.

Həqiqətən də, əgər insan ən azı lazımi qədər yuxu almırsa, hansı istirahətdən söh‐ bət gedə bilər?

Səhərlər qüvvənizi yoqurt, pendir, buğda çörəyinin köməyi ilə bərpa etmirsinizsə, artıq günortaya yaxın metabolizm ləngiyir və yenidən yorğunluq başınızın üstünü alır.

Səhər yeməyi üçün heç vaxtınız yoxdursa, özünüzlə işə meyvə aparın.

Süstlük orqanizmin susuzlaşması ilə də yarana bilər. Ona görə də mütləq çoxlu maye içmək lazımdır: bu, adi və ya mineral su, şirələr, yaşıl çay da ola bilər.

Həyatınızdan üzücü ünsiyyəti, mənasız işi və dəyişkən insanları kənarlaşdırın. Sizi kədərləndirən hər şeyə “yox” deyin və qol‐ larınızı sevincə açın. Bolluca qış fərəhinin dadını çıxarmaq arzusunu sizlərə diləyən “Ailə həkimi” jurnalının baş redaktoru Ayşə Məmmədova...