Gildispósturinn okótber 2015 - 4. tbl. 22. árg.

Fréttabréf St. Georgsgildisins í Hafnarfirði

4. tbl.

Október 2015

22. árg.

Kvöldvaka í Hraunbyrgi á fimmtudag kl. 19 Sameiginleg kvöldvaka skátafélaganna í Hafnarfirði

Ljósm.: Guðni Gíslason

Mikil stemmning hefur verið á sameiginlegum kvöldvökum Hraunbúa og gildisins í Hraunbyrgi og nú er blásið til einnar slíkrar á fimmtudaginn kl. 19 í Hraunbyrgi.

Ungu skátarnir hafa haft gleði af því að hafa gömlu skátana með og þeir eldri hafa skemmt sér konunglega.

Fjölmennum í Hraunbyrgi og njótum þess að syngja gömul og ný lög.

Söngur myndir og norðurljós

Ljósm.: Guðni Gíslason

Haustlitirnir skörtuðu sínu fegursta daginn sem fyrsti gildisfudur haustsins var haldinn.

Lítið sást þó til litanna nema í skini bílljósanna en þátttakendur áttu eftir að upplifa aðra litadýrð.

Gildismeistari hafði gleymt gítarnum og fartölvunni og meðan hann fór fyrri ferðina heim var byrjað á því að baka vöfflur og hita kaffi og tíminn var nýttur til að spjalla saman.

Söngurinn hófst þegar komið var með gítarinn og Hreiðar fékk þann heiður að venju að slá á strengina. Fljótlega kom þó í ljós að fartölva gildismeistara var rafmagnslaus og ekkert hleðslutæki í töskunni. Þá fór gildismeistari aðra ferðina heim og þegar til baka var komið var hægt að varpa á tjald fleiri söngtextum úr Skátasöngbókinni.

Fljótlega kallaði gildismeistari þó gesti út á pall því hann hafði rekist á rofann fyrir norðurljósin. Úti blöstu við ægifögur norðurljós sem færðust yfir skálann. Var þetta heldur betur happafengur í góðviðrinu. Maginn kallaði þó á og vöffluilmurinn lokkaði.

Kvöldinu lauk svo með myndasýningu úr starfinu frá skátatíð Sigurður Baldvinssonar í Danmörku. Góður fundur var á enda og allir héldu glaðir heim.

Eldstæði, safnhaugur og öskustó

Skálanefndin hefur verið iðin í sumar og oft hefur verið fjölmennt á sunnudagsmorgnum. Þar eru sjálfsögðu allir velkomnir og alltaf heitt á könnunni. Margt hefur verið gert í sumar, borið hefur verið á pallinn, borðin og bekkirnir hafa verið slípaðir og borið vel á. Nýtt eldstæði hefur verið sett upp vestan við skálann, safnhaugur og öskustó hefur verið sett upp í skóginum sunnan við skálann. Skápar hafa verið settir upp þar sem kojan var og ísskápurinn færður þangað. Nýir rafmagnstenglar hafa verið settir upp. Tré hafa

Útgefandi: St. Georgsgildið í Hafnarfirði • Umsjón og ábm.: Guðni Gíslason, gudni@hhus.is • Umbrot og prentun: Hönnunarhúsið ehf.

Velheppnaður gildisfundur

Ljósm.: Guðni Gíslason Ljósm.: Guðni Gíslason

verið snyrt og hoggin og þó nokkuð kurlað auk ýmis konar smá viðhalds. Að þessu hafa fjölmargir komið, Hreiðar, Sveinn, Sigurður, Claus, Fríða, Kristjana, Guðni, Gísli sonur Guðna og Kristjönu, Árni, Ægir, Böðvar og Ólafur svo þeir helstu séu nefndir.

Nóg er af verkefnum úti og inni og áhugasamir eru hvattir til að kíkja við á sunnudögum. Þangað mætir skálanefndin að jafnaði kl. 10 og er þar til kl. 12 flesta sunnudaga.

Þó nokkuð hefur verið um útleigu á skálanum en hún mætti þó vera töluvert meiri því hún er eina tekjulindin sem skálinn hefur til viðhalds og endurnýjunar.

Kveðskapur í nóvember

19. nóvember er stefnt að gildisfundi í Hraunbyrgi þar sem kveðskapur verður meginþemað. Fenginn verður hagyrðingur til að fræða okkar um kveðskap. Að sjálfsögðu verður eitthvað gott með kaffinu og jafnvel sungið. Takið daginn frá.

Sameiginlegur jólafundur

Skátagildin í Hafnarfirði munu standa sameiginlega að jólafundinum í Skátalundi. Hann verður þó með hefðbundnum hætti með jólahugvekju, varðeldi og jólaveini að ógleymdu kaffihlaðborðinu og heita súkkulaðinu.

Fundurinn verður sunnudaginn 13. desember og hefst kl. 14.

ÚTLEIGA Á SKÁLANUM

Skálinn er leigður út til góðra aðila sem fyrr. Heils dags leiga kostar 30.000 kr. en hálfs dags leiga kostar 20.000 kr. Gildisfélagar geta sem fyrr fengið skálann fyrir sig á 5.000 kr. Sú upphæð á þó ekki við ef leigt er fyrir stærri atburði eins og ættarmót eða ef leigt er fyrir vinnustaði eða slíkt. Finndu Skátalund á Facebook!

Tilbakasendist á: Hönnunarhúsið ehf., Bæjarhrauni 2, 220 Hafnarfirði

Vináttudagurinn á laugardaginn Rútuferð frá Hraunbyrgi

Frá síðasta vináttudegi sem haldinn var í Hveragerði.

St. Georgsgildið í Hafnarfirði Stofnað 22. maí 1963

http://stgildi.hraunbuar.is

Ljósm.: Guðni Gíslason

Vináttudagur skátagildanna verður í Keflavík á laugardaginn. Dagskráin hefst í Duushúsi kl. 14 þar sem meðal annars stendur yfir sýningin Andlit bæjarins (sjá www.andlitbaejarins.com). Þaðan verður svo haldið í Skátaheimilið í Keflavík, Hringbraut 101, þar sem glæsilegt kaffihlaðborð verður að hætti Keflavíkurskáta. Gildisboðskapurinn lesinn og vinátta og samkennd verða höfð að leiðarljósi ásamt hinum eina sanna skátaanda.

Rútuferð verður frá Hraunbyrgi kl. 13.20. Óvíst er með kostnað við rútuna, en verð­ ur örugglega hóflegur eins og venjulega. Verð fyrir kaffihlaðborðið verður 1.000 kr.