Gildispósturinn sept. 2016, 3. tbl. 23. árg.

Fréttabréf St. Georgsgildisins í Hafnarfirði

3. tbl.

September 2016

23. árg.

Súrdeig og söngvari Gildisfundur í Skátalundi fimmtudag 8. september kl. 20

Fyrsti gildisfundur haustsins verður í Skátalundi á fimmtudaginn kl. 20. Þá kemur til okkar barnabarn Hreins og Guðrúnar Ástu í Keflavíkurgildinu, Sigurður Guðmundsson, áhugamaður um súrdeigsbrauð og söngvari og tónlistarmaður í Hjálmum.

Sigurður Guðmundsson

Sigurður hefur nýverið hafið störf hjá Brauð&Co á Frakkastíg sem er bakarí sem sérhæfir sig í súrdeigsgerð fyrir brauð og vínarbrauð alls konar.

Súrdeig er talið mun hollara en venjulegt brauð og mun Sigurður örugglega upplýsa okkur um það hversvegna það er.

Að sjálfsögðu fáum við súrdeigsbrauð með kaffinu á eftir. Kaffisjóðsskálin verður á borði þar sem fólk setur gjarnan einn rauðan seðil í.

Stefnt er að inntöku nýrra félaga á fundinum!

Sameinumst endilega í bíla og takið gjarnan með ykkur gesti!

Arndís Kristinsdóttir, Dísa, er farin heim.

Sannur skáti frá unga aldri, og öðlingur lést 5. júní sl.

Hún var ein af stofnend­ um St. Georgsgildisins í Hafnarfirði, fædd 1932 og hafði verið virkur skáti í Hraunbúum. Hún var stoltur skáti og á 50 ára afmæli gildisins fyrir 3 árum færði hún gildinu innrammaða mynd af skátaflokknum sínum en skátastúlkurnar höfðu farið á ljósmyndastofu til að láta taka mynd af sér.

Við vottum systrum hennar, Ingibjörgu og Dódí innilegrar samúðar og fjölskyldu allri og þökkum fyrir ánægjulega samveru. Guð blessi minningu Dísu.

Bergur Jónsson er farinn heim

Bergur Jónsson félagi okkar er farinn heim, hann lést 15. september sl.

Bergur er einn af stofn­ félögum St. Georgs­ gildisins í Hafnarfirði og virkur félagi alla tíð. Hann var lengi í skálahópnum og nýttust hæfileikar hans og mannkostir vel. Hann var hagleikssmiður, úrræðagóður og sannur skáti.

Bergur var fæddur 1934 og var því tæpra 82 ára þegar hann lést.

Við vottum Gunnhildi konu hans og félaga okkar innilegrar samúðar sem og fjölskyldu allri og þökkum fyrir ánægjulega samveru.

Guð blessi minningu Bergs.

Svala Jónsdóttir er farin heim Hún Svala er farin heim.

Hún var fædd 1938 og lést 13. júní sl. 78 ára gömul.

Hún er ein þeirra sem hafa verið í gildinu frá upphafi, en þau Assi (Örn Bergsson) voru ein af fjölmörgum skátahjónum sem mynduðu þetta skemmtilega samfélag sem gildið er. Svala var hlédræg en hörkudugleg og vann verk sín vel.

Hún var ritari í stjórn gildisins 1974-1976 og þökkum við gildisfélagar henni ánægjulegt samstarf og vottum Assa og fjölskyldu allri innilegrar samúðar. Guð blessi minningu Svölu.

Nýir félagar

Ásta Ágústsdóttir og Gunnar Svavarsson voru tekin inn í gildið á aðalfundinum í mars sl. Ásta hefur oft komið á fundi til okkar, gamall Hraunbúi og Gunnar er gamall Hamrabúi og skáti í hjarta.

Bjóðum við þau hjartanlega velkomin í hópinn og það er ánægjulegt að geta sagt að fleiri eru á leiðinni. Tökum vel á móti nýjum félögum!

Útgefandi: St. Georgsgildið í Hafnarfirði • Umsjón og ábm.: Guðni Gíslason, gudni@hhus.is • Umbrot og prentun: Hönnunarhúsið ehf.

Arndís Kristinsdóttir er farin heim

Frá gildismeistara

Kæri gildisskáti. Nú er vetrarstarfið að hefjast og hlakka ég til ánægjulegra samverustunda í hópi eldri skáta og velunnara skátahreyfingarinnar. Það hafa mörg skörð verið hoggin í hópinn undanfarið og við minnumst með söknuði góðra félaga. Nýir félagar bætast í hópinn og bjóðum við þá velkomna. Framundan eru spennandi tímar, Skátalundur er stolt okkar og miðpunktur og skálahópurinn hefur sinnt skálanum og umhverfi hans vel og hafa verið margar ánægju­ legar stundirnar í skálanum á sunnudags­morgn­ um. Þær stundir eru mikilvægar í starfinu og hvet ég gildisfélaga til að koma þar við og njóta staðarins og samverunnar. Nýtt grillhús er í smíð­um, grasflötin ofan við skálann hefur verið

endurnýjum og margt er á döfinni. Mánaðarlegir gildisfundir eru framundan og hvet ég til góðrar þátttöku og munið að það er ávallt sjálfsagt að taka gesti með á fundi. Það verður áhugavert að heyra um súrdeigs brauð­bakstur og spennandi að fara í draugagöngu í höfuðstaðinn. Ekki missa af skemmtilegum stundum.

Guðni Gíslason gildismeistari

Draugagangan

Draugagangan verður 25. september og er ganga um miðbæ Reykjavíkur. Þemað er saga, þjóðfræði og draugar. Áhersla er á að ferðin sé skemmtileg en ekki að hræða gesti!

Leiðsögumaður okkar, Óli Kári Ólason er sagnfræðingur og hefur aldrei séð draug.

Stoppað er á nokkrum stöðum í miðbænum, Fógetagarði, Alþingisgarði og við Dóm­ kirkjuna. Ferðinni lýkur í Gamla kirkju­ garðinum við Suðurgötu. Nánar á fimmtudag!

Nýi fáninn blakti flott á Landsmótinu

Nýlega var gerður „Strandfáni“ fyrir gildið en það er fáni sem hægt er að taka með hvert sem er, setja saman og stinga stönginni í jörðina og þá blaktir fáninn fallega og er vel áberandi. Fáninn stóð lengi við póst gildismeistara sem kenndi skátum brúarsmíði við gíðar undirtektir.

<<Nafn>> <<Maki>> <<Heimili>> <<Postfang>> Tilbakasendist á: Hönnunarhúsið ehf., Bæjarhrauni 2, 220 Hafnarfirði

Starfsáætlun September 8. september 25. september

Gildisfundur í Skátalundi kl. 20 - Súrdeig Draugaganga í Reykjavík með leiðsögn

Október Gildisfundur í Skátalundi kl. 20. Ómar Friðleifsson jarðfræðingur fjallar um Krýsuvíkursvæðið.

Vináttudagurinn í Kópavogi

13. október 23. október

Nóvember 17. nóvember nóvember

Söngfundur með gestum í Hraunbyrgi kl. 20 Friðarloginn afhentur í Klaustrinu

Desember desember 4. desember

Friðarloginn afhentur í kirkjum með Hraunbúum Jólafundur skátagildanna í Hafnarfirði í Skátalundi kl. 14

Janúar 19. janúar

Gildisfundur í Hraunbyrgi kl. 20

Flesta sunnudagsmorgna mæta félagar úr skálahópnum í Skátalund kl. 10-12. Kaffi á könnunni. Allir velkomnir!

Finndu Skátalund á Facebook

St. Georgsgildið í Hafnarfirði Stofnað 22. maí 1963

http://stgildi.hraunbuar.is og Skátagildi á Facebook