Fréttabréf St. Georgsgildisins í Hafnarfirði 3. tbl.
maí 2013
20. árg.
Vorverkin í Skátalundi Fimmtudaginn 23. maí kl. 17.30
Á fimmtudaginn, 23. maí kl. 17.30 ætlum við að hittast í Skátalundi, taka til og þrífa. Auðvitað verður tækifæri til að spjalla og njóta samverunnar og því eru allir velkomnir hvort sem þeir treysta sér í hreingerningar eða ekki. Við verðum með pylsur til að setja á grillið og að sjálfsögðu verður heitt á könnunni og engum verður bannað að koma með eitthvað á kaffiborðið. Þetta er árlegur viðburður og fólki gefst tækifæri til að kíkja í skóginn sem var grisjaður fyrir skömmu.
Gildisfundur 30. maí kl. 20 í Skátalundi - þema: Umhverfismál
Reglulegur fundur verður í Skátalundi fimmtudaginn 30. maí kl. 20. Þema fundarins er umhverfismál en fyrirlesarinn fær frjálsar hendur um innihald fyrirlesturs en hann mun tengjast nærumhverfi okkar. Kaffi og meðlæti í boði og að sjálfsögðu verður sungið og spjallað. Takið gjarnan með ykkur gesti.