deild
mótokross
Starfsárið 2020
A
ðalfundur mótokrossdeildar Umf. Selfoss var haldinn í Tíbrá þann 25. maí 2020 en fresta þurfti fundinum í mars vegna samkomutakmarkana. Fáir mættu á fund að þessu sinni. Kosið var í stjórn og eina breytingin var sú að Ásta Petra Hannesdóttir kom ný inn sem fulltrúi iðkenda 16–25 ára. Sökum Covid-19 var ekki hægt að opna brautina hjá okkur fyrr en í maí með ýmsum takmörkunum þó. Góð mæting var þegar brautin var opnuð og gekk miðasala framar vonum þetta sumarið. Æfingar hjá deildinni hófust í byrjun júní og var æft tvisvar í viku til loka september. Nýr þjálfari tók við eldri hópi, Eyþór Reynisson, sem er atvinnumaður og margfaldur Íslandsmeistari í mótokross og gengu æfingar afar vel. Ásta Petra hélt áfram að þjálfa yngri hópinn þar sem bætast við nýir iðkenndur á hverju ári og má segja að mikil gróska sé í æfingastarfinu hjá deildinni. Þriðja umferð Íslandsmeistaramótsins í mótokross fór fram á Selfossi þann 25. júlí. Metþátttaka var hjá okkur en keppendur voru um 80 talsins og var mikil stemning á svæðinu. Heimamenn náðu á pall nokkrum flokkum. Eric Máni Guðmundsson vann 85 cc flokkinn, Ásta Petrea Hannesdóttir lenti í öðru sæti í kvennaflokki og Alexander Adam Kuc nældi sér í brons í flokknum MX2. Helgina eftir, um verslunarmannahelgina, átti Unglingalandsmót UMFÍ að fara fram. Í brautinni okkar átti að fara fram keppni fyrir krakka á aldrinum 11–18 ára. Undirbúningur var á lokametrunum þegar ljóst var að fresta þyrfti mótinu um eitt ár sökum Covid-19.
Frá keppni í brautinni á Selfossi.
Frá keppni á Selfossi: Gyða í 1. sæti, Ásta í 2. sæti og Aníta i 3. sæti.
Uppskeruhátíð Mótorhjóla- og snjósleðasambands Íslands (MSÍ) var haldin með öðru sniði að þessu sinni, en hátíðin fór ekki fram fyrr en í byrjun febrúar 2021. Iðkenndur frá Selfoss voru verðlaunaðir í tveimur flokkum. Eric Máni varð Íslandsmeistari í 85 cc flokki og Alexander Adam varð í þriðja sæti í flokknum MX2. Frábær árangur hjá þeim báðum. Staðan á brautinni er enn í óvissu þar sem ekki eru komin endanleg svör við því hvaða svæði deildinni verður úthlutað. Sú vinna er enn í fullum gangi og hefur verið í langan tíma. Við hjá deildinni vonum að þetta fari að skýrast þannig að hægt verði að fara vinna við byggingu nýrrar brautar. Að lokum vill stjórnin nota tækifærið og þakka þeim fjölmörgu sem eru svo fórnfúsir að gefa sér tíma til að létta róður deildarinnar, hvort sem það er að vökva, tína grjót eða gera við traktorinn. Án ykkar væri þetta ekki hægt.
Fyrsta æfing sumarsins með Eyþóri Reynissyni.
68 BRAGI ársrit Ungmennafélags Selfoss
Guðmundur Gústafsson, formaður mótokrossdeildar Stjórn mótokrossdeildar kosin á aðalfundi deildarinnar 14. maí 2020: Formaður: Guðmundur Gústafsson Gjaldkeri: Marta Katarzyna Kuc Ritari: Ragnheiður Brynjólfsdóttir Meðstj.: Magnús Ragnar Magnússon Meðstjórnandi og fulltrúi iðkenda 16–25 ára: Ásta Petrea Hannesdóttir Varamaður: Birgir Rafn Sigurjónsson
