deild
handknattleiks
Starfsárið 2020
Í
handboltanum, eins og samfélaginu öllu, markaðist árið 2020 af lokunum vegna Covid-19 faraldursins. Árið byrjaði vel með góðum leikjum, stemningu og góðum stuðningi samfélagsins við starfið. Áfram var stefnan sett á að berjast um titla karlamegin en liðið rétt missti af tækifærinu til að berjast um bikarmeistaratitil. Kvennamegin var markmiðið að vinna liðinu aftur sæti í Olísdeildinni og U-lið karla ætlaði sér upp í Grill 66 deildina. Þegar æfingar og keppni voru stöðvaðar í mars voru góð ráð dýr, iðkendur hófu heimaæfingar, hlutverk þjálfara varð að halda fjaræfingar og halda tengslum með aðstoð tækninnar. Í apríl voru Íslandsmótin blásin af þegar ljóst varð að ekki yrði hægt að ljúka þeim. Staðan í deildunum var látin ráða úrslitum. Karlaliðið endaði í 5. sæti en var þó búið að ljúka leikjum sínum við flest sterkustu liðin. Kvennaliðið rétt missti af sæti í Olísdeildinni með því að sitja í 3. sæti. U-lið karla vann sér sæti í Grill 66 deildinni. Æfingar hófust aftur hjá yngri flokkunum 4. maí og voru framlengdar út júní. Í sumar var hægt að hefja æfingar á eðlilegum tíma og keppnistímabilið fór vel af stað þar til öllu var skellt í lás í byrjun október, æfingar og keppni bönnuð og þannig var staðan að mestu út árið. Þá var aftur farið í heimaæfingar og fjarþjálfun. Þegar litið er yfir starfið veldur áhyggjum að verulegt skarð er í yngri flokkum kvennamegin þar sem flokkar eru mjög fámennir og því er endurnýjunarvandi í kvennaliðinu. Þá hefur ekki tekist á undanförum árum að fjölga iðkendum í yngri flokkunum en ánægjuleg fjölgun er nú
Fimmtán Selfyssingar æfðu með yngri landsliðum HSÍ sumarið 2020. F.v.: Guðjón Baldur Ómarsson (U-20), Tryggvi Þórisson (U-18), Ísak Gústafsson (U-18), Alexander Hrafnkelsson (U-20), Elvar Elí Hallgrímsson (U-18), Daníel Þór Reynisson (U-16), Sæþór Atlason (U-16), Tinna Sigurrós Traustadóttir (U-16), Lena Ósk Jónsdóttir (U-16), Hugrún Tinna Róbertsdóttir (U-16), Hans Jörgen Ólafsson (U-16) og Gabríel Ágústsson (U-16). Á myndina vantar Hólmfríði Örnu Steinsdóttir (U-18), Reyni Frey Sveinsson (U-18) og Einar Gunnar Gunnlaugsson (U-16). komin fram í yngstu flokkum kvenna. Ljóst er að við verðum að vinna markvisst að því að fjölga iðkendum til að auka ánægju iðkenda þannig að allir geti fundið sér verkefni við hæfi. Góð samvinna hefur verið við unglingaráð sem hefur sinnt sínu hlutverki mjög vel við erfiðar aðstæður og áfram þurfum við að byggja á styrkleikum okkar og efla fagmennsku í öllu okkar starfi. Mjög góð aðsókn er áfram við handknattleiksakademíu deildarinnar við FSu
og í haust voru skráð til leiks tvö U-lið karla auk þess sem tvö lið eru í 3. flokki karla. Með því eru verkefni við hæfi fyrir þá rúmlega 30 iðkendur sem iðka handknattleik karla á afreksstigi en eru ekki enn orðnir fastamenn í úrvalsdeildarliðinu.
Meistaraflokkur karla
Meistaraflokkur karla, undir stjórn Gríms Hergeirssonar, átti gott ár í Olísdeildinni s.l. vetur þrátt fyrir mörg meiðsli lykilmanna en þjálfarateymið skilaði góðu starfi. Liðið var í toppbaráttunni þar til mótinu var aflýst, endaði í fimmta sæti en er enn ríkjandi Íslandsmeistari. Í bikarkeppninni féll karlaliðið út í 8-liða úrslitum. Mikill stuðningur var við liðið og fengu ungir og efnilegir leikmenn aukið hlutverk vegna meiðsla lykilmanna og skiluðu hlutverki sínu með sóma. Ungmennaliðið vann sér sæti í Grill 66 deildinni og fór vel af stað í haust en SelStjórn handknattleiksdeildar kosin á aðalfundi deildarinnar 11. mars 2020: Formaður: Þórir Haraldsson Gjaldkeri: Sandra Dís Hafþórsdóttir Ritari: Einar Sindri Ólafsson Meðstjórnandi: Jón B. Guðmundsson Meðstjórnandi: Hulda Jónsdóttir Meðstjórnandi: Atli Kristinsson Meðstjórnandi: Birgir Örn Harðarson Meðstjórnandi: Anton Ingi Arnarson Meðstjórnandi: Ársæll Ársælsson Meðstjórnandi: Andri Hrafn Hallsson
Verðlaunahafar á lokahóf handknattleiksdeildar ásamt þjálfurum. F.v.: Örn Þrastarson (þjálfari/100 leikir), Grímur Hergeirsson (þjálfari/100 leikir), Grímur Bjarndal Einarsson (besti leikmaður U-lið), Ari Sverrir Magnússon (markakóngur U-lið), Tryggvi Þórisson (efnilegasti leikmaður), Katla María Magnúsdóttir (sóknarmaður ársins), Hergeir Grímsson (baráttubikarinn), Hulda Dís (markadrottning, varnarmaður og leikmaður ársins), Haukur (markakóngur, sóknarmaður og leikmaður ársins/100 leikir), Henriette Östergaard (baráttubikarinn), Árni Geir Hilmarsson (þjálfari) og Árni Þór (félagi ársins). Á myndina vantar Tinnu Sigurrós Traustadóttur (efnilegasti leikmaður).
51
BRAGI ársrit Ungmennafélags Selfoss
