deild
fimleika
Starfsárið 2020
F
imleikaárið 2020 fór aðeins öðruvísi en áætlanir gerðu ráð fyrir í upphafi árs. Fjölmörg mót voru fyrirhuguð á árinu en það fór nú eins og það fór. Okkar yngstu iðkendur náðu ekki að taka sín fyrstu skref í keppni á árinu en hluti af eldri iðkendum náðu að fara á 1–2 mót með góðum árangri. Krakkarnir okkar í blönduðu liði unglinga unnu sér inn þátttökurétt á Norðurlandamóti unglinga í hópfimleikum sem halda átti í Danmörku í apríl. Glæsilegur árangur hjá unglingunum okkar en því móti var aflýst. Fimleikadeildin á ellefu iðkendur í landsliðshóp fyrir Evrópumótið í hópfimleikum sem halda átti í október í Danmörku. Einnig átti deildin tvo þjálfara í því verkefni þau Tönju Birgisdóttur og Mads Pind. Þessu móti var frestað en fyrirhugað er að halda það í Portúgal í desember á þessu ári. Það er glæsilegur árangur að eiga ellefu af um 60 iðkendum í fjórum liðum og erum við mjög stolt af okkar fólki. Hin margrómaða jólasýning fimleikadeildarinnar sem halda átti 12. desember féll niður en hún er alla jafna okkar helsta fjáröflun og hápunktur fimleikaársins fyrir alla okkar iðkendur. Gleðin skín ávallt úr hverju andliti en allir iðkendur deildarinnar frá 4ra ára aldri taka þátt í sýningunni. Sýningin er orðin ómissandi þáttur í aðdraganda jólanna hjá öllum þeim fjölmörgu sem mæta á sýningarnar þrjár sem haldnar eru fyrir fullu húsi hverju sinni. Við trúum því og treystum að jólasýningin verði haldin með miklum glæsibrag 11. desember 2021. Árlega veitir fimleikadeildin viðurkenningar fyrir góðan árangur í elstu flokkum deildarinnar. Verðlaunin hafa venjulega verið veitt á Minningarmóti Magnúsar Arnars að vori en sökum faraldursins var það ekki mögulegt. Afhending fór fram við lágstemmda en hátíðlega athöfn í íþróttahúsinu Baulu í lok æfingar hjá krökkunum.
Stjórn fimleikadeildar kosin á aðalfundi deildarinnar 25. maí 2020: Formaður: Ingibjörg Garðarsdóttir Varaformaður: Ágúst Sigurjónsson Gjaldkeri: Ásdís Elvarsdóttir Ritari: Gerður Sif Skúladóttir Meðstjórnandi: Guðrún Ásta Garðarsd. Meðstjórnandi: Sigurður Rafn Hilmarsson Meðstjórnandi: Andrea Ýr Grímsdóttir
1. flokkur mix. Þau unnu sér þátttökurétt á Norðurlandamóti unglinga. Hér eru þau ásamt þjálfurum sínum. Aftasta röð f.v.: Nadía Björt Hafsteinsdóttir, Guðmundur Kári Þorgrímsson, Ævar Kári Eyþórsson, Daníel Már Stefánsson, Bjarni Már Stefánsson, Sindri Snær Bjarnason, Ísar Máni Sigurjónsson, Rúnar Ingi Jóhannsson, Unnur Þórisdóttir og Aníta Þorgerður Tryggvadóttir. Mið röð f.v.: Sigurbjörg Hróbjartsdóttir, Eva Katrín Danielsdóttir Cassidy, Andrea Ósk Harradóttir, Hildur Tanja Karlsdóttir og Júlía Katrín Sigmundsdóttir. Fremsta röð f.v.: Elínborg Ben Gunnarsdóttir, Dagný Katla Karlsdóttir, Hildur Vala Waage Ragnarsdóttir og Sigurlaug Sif Elíasdóttir. Eftirfarandi iðkendur hlutu verðlaun að þessu sinni: • • •
Fimleikakona ársins: Auður Helga Halldórsdóttir Fimleikakarl ársins: Bjarni Már Stefánsson Framfarir og ástundun kvenna: Ása Kristín Jónsdóttir
Auður Helga Halldórsdóttir, fimleikakona ársins 2020.
• • • • •
Framfarir og ástundun karla: Daníel Már Stefánsson Efnilegasti unglingur kvenna: Karolína Helga Jóhannsdóttir Efnilegasti unglingur karla: Ævar Kári Eyþórsson Félagi ársins : Sigurbjörg Hróbjartsdóttir Lið ársins : KK eldri
Bjarni Már Stefánsson, fimleikakarl ársins 2020.
39
BRAGI ársrit Ungmennafélags Selfoss
