Ungir Íþróttamenn Íslands
Ólafía Björt Benediktsdóttir
Um seríuna:
Ungir Íþróttamenn Íslands, fjallar um íþróttamenn sem eru að gera það gott í íþrótta bransanum í dag. Þessi sería kynnir okkur fyrir íþróttamönnum eins og Bertu handboltakonu, Agli frjálsíþróttamanni, Elísu dansara, Jóhönnu sund konu, Leo taekwondomeistara og Magnús borðtennisleikara.
Handbolti Berta Rut – 2000
Ég er á mínu fjórða ári í meistaraflokk og hef ég spilað með Haukum frá því að ég var 14 ára. Ég hef spilað með öllum yngri landsliðum Íslands og verið viðloðinn í B-landsliði síðast liðin ár.
Frjálsar
Egill Pétur – 2001
Ég heiti Egill og hef verið að æfa íþróttir síðan ég man eftir mér. Æfði fótbolta frá fimm ára aldri þar til ég varð 11, þá skipti ég yfir í frjálsar og hef verið þar síðan. Ég elska að keppa umfram allt. Ég hef verið að glíma við ýmis meiðsli síðastliðin 4 ár, en er samt sem áður að gera mitt allra besta til að keppa sem best.
Ballet/Dans Elísa Björg – 1995 Ég byrjaði að æfa klassískann ballett þriggja ára gömul í Listdansskóla Hafnarf jarðar. Þaðan lá leiðin í List dansskóla Íslands þar sem ég útskrifaðist af klassískri braut. 19 ára fór ég til New York í háskólanám í dansi þar sem ég útskrifaðist þremur árum seinna. Aðaldansstílarnir sem ég hef lært eru ballett, nútíma dans og djass ballett. Ég hef einnig grunn í steppdansi, afródansi o.fl. Í dag kenni ég ballett og djass ballett í Listdansskóla Hafnarfjarðar.
Sund
Jóhanna Alba – 2000 Ég byrjaði að æfa hjá sundfélaginu Ægi þegar að ég var 6 ára. Þegar að ég var 14 ára fór ég yfir í sunddeild Ármanns og er þar enn þann dag í dag. Ég á við hné vandamál að glíma og er búin að vera að fara úr hnélið síðan að ég var 14 ára. Það stoppar mig samt aldrei frá því að æfa og ég neita að hætta nema að ég virkilega þurfi þess.
Taekwondo Leo Speight – 2001
Ég heiti Leo Anthony Speight og æfi Taekwondo. Ég er 18 ára gamall og byrjaði að æfa íþróttina 11 ára. Ég byrjaði að æfa hjá Björkunum í Hafnarfirði og æfi þar enn, þó ég æfi mikið í Englandi líka. Undanfarin ár hef ég farið mikið erlendis að keppa svo sem til Lúxemborg, Túnis, Frakklandi, Austurríki, Rúmeníu o.fl. Ég hef náð 2 brons medalíum á sterkum alþjóðlegum mótum, orðið norðurlandameistari og Íslandsmeistari nokkrum sinnum. Ég er einnig ósigraður á Íslandi seinustu 5 ár bæði í unglinga og fullorðinsflokkum . Ég er núna partur af unglingalandsliði Bretlands.
Borðtennis Magnús Gauti – 2000
Ég er fæddur árið 2000 og byrjaði að æfa borðtennis þegar ég var 11 ára. Ég varð strax heltekinn af íþróttinni þar sem hún hefur allt sem ég þarf. Ég er gífurlega mikil keppnismanneskja og ætlaði mér strax á toppinn og byrjaði því fljótlega að æfa rosalega mikið. Ég bjó eiginlega bara í borð tennissalnum og æfi núna hátt í 25 tíma í viku. Ég varð Íslandsmeistari fullorðinna árin 2018 og 2019. Ég stefni á að fara erlendis að æfa og í nám, en ég var einmitt í Noregi að æfa á fullu frá september-mars.
UM
Ég heiti Ólafía og hef verið áhugaljósmyndari síðan 2011. Áhuginn minn á ljósmyndun blómstraði þegar ég og fjölskyldan mín fórum hringinn í kringum landið eitt sumarið. Ég tók myndir á fjölskyldumyndav élina og byrjaði að mynda ferðina með fjölskyldunni og hélt síðan áfram að mynda næstu ár.
Uppsetning og frágangur: Sigrún Rakel Ólafsdóttir
Þegar ég var kominn í 9. bekk vissi ég að ég vildi fara í nám í ljósmyndun. Ég byrjaði í Tækniskólanum árið 2017 og stefni á útskrift núna í vor. Frá því að ég byrjaði í þessu námi hef ég fundið ástríðu mína fyrir umhverfis portrettum og íþróttaljósmyndun þess vegna ákvað ég að sameina þetta tvennt fyrir lokaverkefnið mitt.