ÍSAK ÓLI tugþrautarmaður
Sagan er að einhverju leyti tvíþætt. Annars vegar sýnir hún mismunandi æfingaaðstöður eins íþróttamanns og hins vegar er hún hvetjandi fyrir aðra iðkendur. Bæði með því að sjá íþróttamanninn á æfingum og í keppni þar sem hann er að ná árangri, komast í verðlauna sæti, brosa, klappa fyrir sjálfum sér, en líka svekktan og þreyttan, draga fram allar hliðar. Hún sýnir að það sé vel hægt að æfa og komast langt ef einstaklinginn virkilega langar það og er tilbúinn til að leggja sig allan fram.
Íþróttamaðurinn sem fjallað er um heitir Ísak Óli Traustason. Hann er fæddur í Skagafirði árið 1995 og ólst þar upp. Hann hóf æfingaferil sinn árið 2010 en í kringum þann tíma sem hann byrjaði í framhaldsskóla (árið 2011) fór hann að æfa af fullum krafti. Hann var búinn að kynna sér tugþrautina mikið og fannst hún spennandi en þar sem hann bjó var ekki nógu góð aðstaða fyrir allar greinarnar. Eina inniaðstaðan þar er íþróttahúsið og er tímunum þar skipt niður á skólaíþróttir (grunn- og framhaldsskóla) fyrir hádegi og svo körfu- og fótboltaæfingar og badminton. Restina af deginum eru frjálsar íþróttir og aðrir viðburðir og því fær hver íþrótt takmarkaðan tíma. Nokkrar greinar þurftu að sitja á hakanum vegna aðstöðuleysis. Eftir að hann flutti til Reykjavíkur árið 2016 ákvað hann að fara á fullt að æfa tugþraut og hefur honum gengið mjög vel og er á meðal fremstu tugþrautarmanna landsins í dag.
Uppsetning og frágangur: Brynjar Emil Friðriksson
BRÍET GUÐMUNDSDÓTTIR Ég er tuttugu og fjögurra ára, fædd og uppalin í Skagafirði. Veit fátt betra en ljósmyndun, ferðalög, útivist, handavinna og samvera með góðum vinum.
brietgudmundsdottir 2020