BRANDUR
Brandur Bjarnason Karlsson er fæddur 1982. Hann er frumkvöðull, listamað ur og baráttumaður fyrir réttindum fatlaðra. Hann hefur ferðast um heiminn, þrátt fyrir lélegt aðgengi fyrir fólk í hjólastól, hann málar með munninum og stjórnar tölvu með augunum. Brandur hefur verið með NPA í nokkur ár sem gerir honum kleift að lifa eðlilegra lífi, þar þarf hann ekki að skammta sér þá þjónustu sem hann þarf. Brandur er mjög jákvæður og lætur ekkert stoppa sig. Brandur ber milka virðingu fyrir náttúrunni, vann áður fyrr sem landvörður. Í sumar ætlar hann að ferðast um landið til að kanna aðgengi fatlaðra að náttúruperlum landsins. Hann ferðaðist til Nepals, þar kynnti hann frumkvöðlastarf sitt Heimildarmynd var gerð um ferð hans til Nepals og verður hún sýnd í Ríkissjónvarpinu.
Ég heiti Dagný Dögg Steinþórsdóttir og fæddist 143 árum eftir að Louis Daguerre sýndi fyrstu ljósmyndina. Ég er gift þriggja barna móðir og bý í Hveragerði í kringum býflugurnar og blómin. Ég ber mikla virðingu fyrir náttúrunni og hef ég ferðast mikið um landið og tekið myndir. Ég tek alltaf myndavélina með mér hvert sem ég fer, því það er alltaf eitthvað sem er áhugavert að mynda. Ljósmyndun er góð afsökun að skella sér út í hvaða veðri sem er og taka myndir.
Dagny Dögg Steinthórdóttir