A MIÑA LINGUA Outros signos de puntuación

1 Le o texto.

Na aldea argallouse unha festa para celebrar que colleran a gran loba branca: o alcalde convidou a marisco; a panadeira, a empanada; a peixeira, a mexillóns; e o pasteleiro, a roscón.

2 Explica o uso do punto e coma na actividade 1.

3 Coloca os dous puntos cando sexa necesario.

– Estimada señora Comunicámoslle que lle foi concedido o premio.

– O titular da noticia é «Forte descenso das temperaturas».

– Nesa tenda venden reloxos, cafeteiras, martelos e parafusos.

A autora do espectáculo que vimos no teatro dixo «Esta obra está baseada na historia da miña vida».

– Que mercaches na froitaría? De todo! Merquei amorodos, laranxas, plátanos, mazás e aguacates.

– Querido Xosé Escríboche para convidarte á miña festa de aniversario.

O punto e coma

O punto e coma utilízase:

• Para separar palabras dunha serie cando hai comas: Na obra, Laura fará de garda; Sabela, de semáforo; Lois, de sinal; e eu, de coche.

• Diante de pero, aínda que, non obstante.... cando a oración é longa: Logo de moito buscar non deron cos lobos; pero aínda seguían escoitando os ouveos.

Os dous puntos

Os dous puntos utilízanse:

• Antes dunha enumeración: Á festa viñeron: veciños, forasteiros, turistas e curiosos.

• Despois do encabezamento dunha carta: Querida Sonia: Levo tempo sen escribir porque estiven de viaxe.

• Antes dunha cita: Escoitei que alguén dicía: «A loba branca non é tan fera como parece».

4 Fíxate nas seguintes oracións e coloca os puntos suspensivos onde corresponda.

– Na granxa escola da vila hai todo tipo de animais: porcos, cabalos, vacas, llamas, ocas

– Quen non quere caldo

– Saínza espertou e quedou moi pensativa Sería un pesadelo o que acababa de ocorrer?

Os puntos suspensivos

Os puntos suspensivos utilízanse:

• Para indicar que unha enumeración está incompleta: Gústanme todo tipo de verduras: leitugas, grelos, brócoli, espinacas...

• Se o texto que falta se dá por entendido: Na casa do ferreiro...

• Para expresar medo, dúbida ou sorpresa: Púxose pálido... Nin que vira unha pantasma.