A interpretación

Cando imos ao teatro experimentamos moitas emocións segundo a interpretación dos actores e actrices: alegría, tristura, medo...

1 A seguir, vas ler un fragmento da obra de teatro Xogando con gatos de Antón Cortizas. Escoita con atención e fíxate que as anotacións non se interpretan.

Esmorece a luz da ría e ilumínase de novo a xanela onde reaparece a silueta da nena. Os seus ademáns son de dúbida, amúase, acena coas mans indicando que lle falta algo, que está aborrecida, que non sabe que facer.

T empu S : (Ás escuras) Velaí está aburrida coma unha ostra... Como era que se chamaba?

i mpo : (Insistente) Que non o sabemos nin nos importa Tempus. Tanto ten como se chame, o caso é que se aburre porque non sabe a que xogar nin ten con quen xogar.

T empu S : Pois vaia, se iso non pode ser, que faga solitarios coa baralla...

i mpo : Non digas parvadas.

T empu S : Pois que vexa a televisión.

i mpo : Xa está aborrecida de tanto mirala.

T empu S : Pois que xogue cos maquiniños eses que fan pi, pi, chrruang, toing, toing...

i mpo : Tamén está farta de xogar a iso.

T empu S : Pois que enrede co computador.

impo: Nada, con só mirar a pantalla boquexa como unha leoa aborrecida.

T empu S : (Enfastiada) Pois que xogue coa perilla do embigo.

i mpo : Boh, boh, se non vas dicir máis ca parvadas é mellor que cales.

T empu S : Eu non digo parvadas. Eu xa sei o que farei por esa nena fulana, citrana..., boh, como se chame.

i mpo : Ah si? E que vas facer con ela, se se pode saber?

T empu S : Farei o que sei facer. Farei que se lle pase o tempo e así aburrirase menos.

Antón Cortizas, Xogando con gatos

2 Que información dan as anotacións no texto anterior?

3 Fíxate novamente no texto da actividade 1. Como imaxinas os personaxes deste extracto? Redacta un texto breve expoñendo como os caracterízarías: trazos físicos, vestiario, movementos...

Toma nota!

Gustaríache interpretar unha obra de teatro? É moi divertido!

O teatro. Polisemia, homonimia e homofonía

Todos os oficios teñen un léxico específico. Que sabes sobre o do teatro?

1 Ao teatro podemos ir ver diversos tipos de espectáculos. Relaciona cada definición co xénero teatral correspondente.

– Drama representado con música para ser cantado con acompañamento de orquestra e representado cos elementos propios do teatro.

Representación na que se expresa algo sen falar, só con xestos, movementos, accións, sons, bailes, etc.

– Tipo de teatro onde as figuras planas se proxectan nunha pantalla cun foco de luz detrás.

– Espectáculo teatral que se desenvolve a través de secuencias cantadas ou bailadas.

Teatro De Sombras

2 A que significado corresponde o da palabra «copa» en cada oración?

a) Na copa da árbore fixo o niño unha bubela.

b) Poderíasme dar unha copa de auga, por favor?

c) O equipo de natación gañou a copa da competición.

Vaso en forma de campá que se sostén sobre un pé.

Premio que se lle dá ao gañador dunha competición deportiva.

Parte máis alta dunha árbore formada por follas e pólas.

3 Completa os ocos coas palabras homónimas adecuadas.

diario venda trono

O venres caeron máis de cen .... .

Déronlle 70 euros pola .... da consola.

– Laura leva un .... desde hai moitos anos.

– No museo vimos un antiquísimo .... ruso.

– Manquei un xeonllo e puxéronme unha .....

O xornal da escola non é ....., é mensual.

Palabras polisémicas, homónimas e homófonas

Unha palabra polisémica é a que ten varios significados relacionados. No dicionario ten unha soa entrada e varios significados numerados.

As palabras homónimas escríbense igual pero teñen significados di ferentes e entradas separadas no dicionario.

As palabras ou expresións homófonas escríbense de maneira diferente pero pronúncianse igual.