Prodhimin e verës e ka realizuar fillimisht me asistencë nga specialistë të enologjisë, të ardhur kryesisht nga Italia. Por vetë sipërmarrësi, ka marrë pjesë në trajnime të shumta si brenda ashtu edhe jashtë vendit, nga ku ka marrë iniciativën për të nisur një sipërmarrje të përpunimit dhe prodhimit të verës. Në këtë drejtim janë përfshirë edhe fëmijet e tij dhe sot ata kanë një biznes familjar mjaft të njohur edhe në nivel kombëtar. Kantina Kopliku në Koplik Qendër është një biznes, i cili kultivon 6 ha me vreshtë, por që në sezon blen edhe prodhim nga fermerë fqinj, të cilët i ka asistuar për një prodhim të rrushit sipas parametrave të kërkuara. Prodhimi vjetor i verës arrin në 20 000 shishe. Produktet e Kantina Kopliku janë 3 lloje të verës që tregëtohet me shishe standard 0,75 litër (qelqi). 77
Rrushi Kallmet njihet ndryshe edhe si Tokai i Zi ose Rrushi i Zi i Shkodrës. Vera e prodhuar nga ky varietet paraqet verën tradicionale të zonës së Shkodrës. Ka aciditet 5.5-6.0% dhe grada alkolike ndryshon sipas vitit.