T ENDEN C IAS TEXTO E IMAXE
Cristina rodríguez
http://www.piropojoyas.com/
Bling Bling!
Q
ue muller é capaz de resistirse ao encanto e ao brillo que aportan as xoias? Probablemente ningunha, e que mellor lugar para deixarnos atrapar pola maxia que despertan que velas desfilar nas principais “semanas da moda”? Durante anos a xoiaría camiñou dun lado e a moda doutro, pero agora, en cada tempada a xoiaría e a bixutería de luxo gañan terreo fronte ao resto de accesorios propostos.
Xoiaría excesiva e de tamaño “oversize” para impedir que pasemos desapercibidas. As xoias serán as protagonistas para a tempada primavera-verán 2013.
xoias Neón Na tempada pasada puidemos apreciar como sutilmente as cores flúor foron aparecendo en accesorios, calzado e ata nalgunhas prendas. Esta tempada a xoiaría tamén se suma á tendencia das cores ácidas, sobre todo os tradicionais amarelo, verde, rosa e laranxa.
Perlas, sempre perfecta Sempre perfecta, sempre á altura. As perlas levantarán paixóns esta tempada. Te-
ñen un gran poder de atracción sobre todas as mulleres e serán as protagonistas do verán 2013. Como novidade preséntanse en tamaño XL e non só para alegrar os tons escuros, senón como complemento de estampados e tons pastel.
Inspiración ancestral Moitos deseñadores de moda inspiráronse este ano na xoiaría das culturas ancestrais para a creación das súas novas coleccións. Puidemos velas nas pasarelas acompañadas de xoiaría chea de cor e con abundancia de dourados. Unha xoiaría inspirada na antiga xoiaría india, árabe, africana... que serviu de base a importantes deseñadores.
xoias que recrean a natureza A flora e a fauna son unha inesgotable fonte de inspiración. Femininas e irresistibles flores, propostas de animais con gran realismo... xoias que serán un importante elemento de expresión da imaxe persoal das que as leva.
A noite máis brillante É indiscutible que un dos grandes atractivos da gala dos globos de ouro, recentemente celebrada, son os “looks” das súas convidadas. Este ano todas as revistas de moda do país coincidiron en que os pendentes xogaran un papel protagonista. Éncheme de orgullo ver que por fin comezan a darlle á xoiaría a importancia que se merece. Gustaríame destacar os pendentes que luciu Megan Fox, de ouro rosa con diamantes, coral e rubís: espectaculares!
COLEXIO OFICIAL DE XOIARÍA
www.coxga.es
25