Заградка 1 - 2022

РОК LXХV • ЧИСЛО 1 ЯНУАР • 2022 ЦЕНА 100 ДИН

У Коцуре Уж традицийни Крачунски концерт КУД „Жатва” у Коцуре того року отримани 8. януара, на Други дзень Крачуна у физкултурней сали ОШ „Братство єдинство”. Орґанизовани є у сотруднїцтве зоз КУД „Завичайне врело”. Участвовали школяре зоз учительку Славицу Чельовски и учительку Виолету Рашета, потим дзеци зоз мадярскей ґрупи зоз Ґабриєлу Зупко, виронаучни дзеци зоз вироучительку Ксению Бесерминї, як и школяре зоз здруженя „Музични куцик” котри водзи Каталина Мезеи. Окреме були радосни дзеци зоз младшей фолклорней ґрупи хторим то бул перши наступ. О. Р.

Фото: О. Русковски

У Руским Керестуре Як и каждого року, у Доме култури у Руским Керестуре отримани Крачунски концерт, алє тераз мал и гуманитарни характер, бо бул у рамикох акциї „Нашим дзецом”, цо значи же нащивителє попри уходнїцох, на уходзе до велькей сали давали и добродзечни прилоги за купованє крачунских пакецикох дзецом у потреби. Концерт отворели найшмелши, а то дзеци зоз ПУ „Бамби” Кула, керестурского оддзелєня „Цицибан”, хтори одшпивали два коляди. Потим ше зоз колядами представяли старши дзеци, члени фолклорних секцийох, вец виронаучни дзеци, а школяре Музичней школи одграли даскельо красни коляди. Млади ше спатрали на дзеци, та и вони Концерт збогацели зоз крачунскима шпиванками. Мали фолклораше ше за радосни швета пририхтовали так же рисовали, та зоз своїх уметнїцких дїлох направели предайну виставу, а пекли и крачунски колачики и медовнїки, та подаровали до пакецикох дзецом у потреби. М. Р.

Фото: М. Джуджар

КРАЧУНСКИ КОНЦЕРТИ

^ASOPIS ZA DZECI

Direktor dr Boris Var}a Odvi~atelqni redaktor Melaniy Rimar Vihodzi raz na me{ac u {kolskim roku • Vidava NVU “Ruske slovo” • Футожска 2/ІІІ 21 000 Novi Sad, • Telefon (021) 6613-697 • @iro rahunok ~islo: 160-923244-82 • Ro~na predplata 1 000 dinari; za ino`emstvo 25 evra • Dizajn: Mariy Gudak Kompxterski obrobok: Mariy Gudak • Lektor: Bla`ena Homa-Cvetkovi~ • Rukopisi {e nw vraca • Drukuw drukarny: “MAXIMA GRAF”, Петроварадин YU ISSN 0353-9938 E-mail: casopiszahradka@gmail.com

Здраво, заградкаре! Кеди лєм сцигли прелєциц полни три тижнї жимского розпусту? Верим же вам було барз крашнє, та сце од радованя и уживаня нє сцигли анї на хвильку подумац на свой часопис. Нїхто нє написал анї єден шоричок о тим як преславел Крачун, як и дзе дочекал Нови рок, чи мал госцох, або чи вон бул дачий госц, а „Заградка” би ше барз цешела мац и состави о веселих шветох, о бавеню, о опатраню дарункох достатих за Крачун и Нови рок. Орґанизовали сце и крачунски вашари, и концерти, ходзели сце и по шпиваню, обрадовал вас и святи Миколай, а часопис о тим дознава од других, а нє од своїх вредних сотруднїкох. И у фебруару ище жима, та нє запожнїце кед поописуєце найкрасши дожица под час вельких шветох. Нє будзем, озда, вжиме обявйовац писньочки и состави о грабаню и скаканю по громадох лїсца, або о лєтованю, цо сце описовали и посилали прешлей єшенї! Ниа, почало друге полроче, та вам жичим най будзе успишне, а таке будзе кед будзеце здрави, вредни, сцели и весели. Ваша редакторка

МИХАЛ СИМУНОВИЧ

ПАДА ШНЇГ

Ilustraci>: Aleksandra Medw{i

CIP – Katalogizacija u publikaciji Biblioteka Matice srpske, Novi Sad 821-93 ZAGRADKA: ~asopis za dzeci / odvi~atelqni redaktor Melaniy Rimar.

– Ro~. 50, ~. 1 (1991) – . – Novi Sad: Ruske slovo, 1991 –. – Ilustr. ; 24 cm Mese~no tokom {kolske godine. – Nastavak publikacije: Pionirska zahradka ISSN 0353-9938

На насловним боку: Предшколски дзеци на Крачунским концерту у Руским Керестуре (Фото: Марина Джуджар)

Мали малючки, били билючки пада шнїг, а зоз нїм дзецински гласни, кричаци трепеци шмих.

Най пада били, най будзе мили и най закриє жем. Направим з нього, зоз шнїгу билого, цо ґод лєм сцем.

Пахульки мали, били, лєгучки, закрийце дзецински швет. Падайце швидше, ище густейше, бо без вас радосци нєт.

ОКСАНА МУДРИ НЕДИЧ

ШАМРОЛНИ ац напекла шамролни. То колачи на хтори ше лакомя шицки дзеци. Длугоки су ᴙк нови клайбас, а у штредку маю дзиру хтора полна зоз шлаґом. Ище док анї нє були цалком готови, дзеци ше олїзовали, припатраюци ше ᴙк мац упечени шамролни осторожно знїма з вигризкох, меркуюци же би ше нє поламали и ᴙк их, потим, схопно полнї зоз витрепану сладку шметанку. Подавала им по єдну готову шамролну, а вец розказала: – Шамролни нє шлєбодно рушац! Я их одложим до преднєй хижи, алє их почитам и нє шме хибиц анї єдна! Наютре по полудзенку их поєме шицки вєдно. Дзецом нє було право. Кажде сцело ище голєм по єдну шамролну, алє – мацер муша послухац. Чекали же ше, можебуц, даєдна зламе та ше им ище уйдзе, алє мац закончела з роботу, одложела шамролни, та дзеци послала бавиц ше. Петрик барз любел шамролни. Кед их єдол, заджмурел очи, положел шамролну ґу устом, а вец перше уцицал шлаґ, олїзал ше ᴙк даᴙки кандурик, а на остатку пожувал хрустаце цесто. Шамролни би могол єсц кажди дзень. Кед було покераᴙ за даᴙке швето, вон вше перше виберал шамролни. Йому ше анї кус нє пачел мацеров розказ, а шамролни го просто прицаговали же би их єдол.

М

– Пойдзем их лєм опатриц до хижи – одлучел Петрик. Виґрабал ше на карсцель же би их лєпше видзел, бо зоз жеми видзел лєм танєр од сподку.

– О, ᴙки су красни! – уживал Петрик. – Алє, цошка су пребарз длугоки. Гмм, тота така длугока, оправим ю дакус. Кус лєм одкушим, най будзе иста ᴙк и други. Мац вше гвари же колачи красни кед су подєднаки. А нє поєм ю кед муша шицки остац, же би нє хибело. Алє ше Петрикови нє удало одкушиц так барз мало, та тераз тота шамролна постала кратша од других. ЗЛАТКА ЧИЗМАР – Но, нє хиба. Ша, ᴙ их дакус пооправᴙм же би були єднаки. Так Петрик одкушел по дакус зоз каждей шамролни. Оправᴙл их, раз єдну, раз другу, поклᴙ му Геленка сцела нову блузночку, ше нє видзело же су шицки єднак бо на себе ма красну газучку. длугоки. Правда, видно було же су дас полу менши ᴙк на початку. Нови шматки мама єй купела, Заш лєм, шицки були ту, нє жеГеленка ше у нїх пишиц любела. дол анї єдну, та було шицко у шоре. Ютредзень по полудзенку – Мамочко моя, крашнє ци дзекуєм, мац пошла принєсц танєр з колабудзем добри школяр, щиро обецуєм. чми. Нєсподзивала ше барз. Танєр бул полупразни, а на нїм лєм остатки од поокусованих Дзивчата любя буц модерни и красни, шамролнох. та прето мамом даваю обецунки ясни.

ГЕЛЕНКА

ОБЛАЧОК ДО ШВЕТА

КУХНЯ СЛИКОВНЇЦА ЗОЗ ВИФАРБЙОВАНКУ

ИРИНА ГАРДИ КОВАЧЕВИЧ

КУХАР ЧИ КУХАРКА Гоч ши кухар, гоч кухарка, кед у кухнї вариш юшку, фартущок маш опасани, а власи ци як под смужку з шапку билу поскривани. Зоз варешку, як з видлїчку кед дириґент дириґує так ше єдло на шпоргету, а у кухнї виварює. Зоз вареху ше начерпа през дзираву прецадзує же би юшка бистра була, най нам лєпше посмакує.

ЮЛИЯН ПАП

У МЕСАРА У месара, у витрини, полно меса наскладане, на юху, паприґаш, печенє, млєте на сарму и роштиль. А окреме повишане месо курене, шунки фини, колбаси длуги и боки сланїни. ОКСАНА МУДРИ НЕДИЧ

ПАПРИҐАШ

КАНТИЧКИ

Кед ше нашо хлопи влапя до вареня, варя у котлїку, бо нє досц – шерпеня.

Там у кухнї на полїчки вискладани глїняни кантички. З глїни були упечени зоз смужками прикрашени.

Нарежу цибулї и шицко по шоре, та запахнє „котлїк” нука и у дворе.

АГНЕТА БУЧКО ПАПГАРГАЇ

До нїх меду и млєка наляли, та и маджун одкладали же би дзеци, кед вистаню маджун з хлєбом смаковали. Кантички то як зоз сказки красни, бо у прешлосци су хасновани. Прето су и нєшка таки славни, бо у нїх нашо часи давни.

А кед наварене и кед єсц ше шеда, полудзенок пахнє аж и до сушеда.

За радосни жимски швета – св. Миколая, Крачун и Нови рок НВУ „Руске слово” Нови Сад видало прекрасну сликовнїцу „Кухня”, а вєдно з ню и Вифарбйованку, най би у пакецикох нашим наймладшим, окрем лакоткох и бавискох було цошка ище красше и богатше, а то кнїжка хтора вишла у Едициї „Заградка”. Писнї о шицким цо ма место у каждей кухнї, а о чим би дзеци требали знац голєм словечко-два, написали руски, уж афирмовани поетове: Ирина Гарди Ковачевич, Мелания Римар, Агнета Бучко Папгаргаї, Юлиян Пап, Силвестер Д. Макаї, Серафина Макаї и Оксана Мудри Недич. Авторка илустрацийох Мария Ковачевич, а редакторка виданя Мая Зазуляк Гарди. Тота кнїжка-сликовнїца и вифарбйованка видруковани дзекуюци проєкту „Кухня то школа” – кнїжки, едукациї и роботнї интеркултуралносци орґанизовани дзекуюци финансийней потримовки зоз Буджетского фонду за национални меншини, Министерства за людски и меншински права и дружтвени диялоґ Републики Сербиї.

МИХАЙЛО КОВАЧ

ЗАБИВАЧКА ой оцец купел влєце праше, алє таке праше цо уж и паше. Єдло добре, добре пило, та до єшенї так утило, же аж по жеми брух цагало, а кед стануц сцело, та стукало. Кед пришла жима, єдного вечара оцец на патки шедзел, та ше так з мацеру радзел: – Древа уж давно лїсца зоз себе позруцовали. Жимски витри вше баржей завивац почали. Прето праше заколєме и сланїну з нього знєєме. Колбаси з меса справиме, шунки и лопатки окуриме. Дзецом ушка и хвосцик подзелїме. Лєм пред тим праше зоз сламу опалїме. Мац лєм зоз главу кивала, цо значи же на шицко приставала. Я ше поправдзе найбаржей пре палєни ушка радовал, та сом з нєсцерпезлївосцу очековал кеди будзе забивачка.

М

Лєм мойо родичи цошка зоз забивачку одцаговали, та я и мойо дружтво єдного дня надумали же сами праше докончиме, а вец ше з ушками подзелїме. Тлусте праше у кармику на цеглох лєжало и правело ше же спало. Микола ме ровно напастовал и на грих наводзовал. Гварел ми: – Яни, нолє, войдз до кармика и забий праше по чолє! Я Миколови на слово верел, та сом праше зоз вигризку по чолє вдерел. Праше лєм кус замурчало и вецей од себе гласу нє дало. На то панове Бурко и Микола думали же праше готове. Шицки зме думали же треба лєм слами принєсц и подпалїц, а вец ше з ушками подзелїц. Як зме сцели, так зме и зробели. Слами зме на праше назношели и сламу зоз ширку запалєли. Шицки зме коло огня поставали, и хторе хвосцик, хторе ушка чекали. Алє нараз, мамо моя мила, наша слама – ожила! Праше почало по швиньски плакац и як шалєне на себе мало, тераз так швидко од огня сцекало, лєм цо нас нє повиврацало. Дюра, Марципаня и Ферко так ше позлєкали же ше нарату надзерац почали. Мац и оцец кед видзели цо ше стало, та два ременї було мало. Место уха я достал по хрибце и даскельо раз позауха. Оцец и мац и лали и поуки давали: – Дзе ви – гвари – видзели же ше шорови дзеци зоз огньом бавели? Могли зме шицки згориц на месце, а то би було за шицких нас вельке нєщесце! А вец, цо бисце робели и дзе бисце спали, дурґове глупи и мали!

СИЛВЕСТЕР Д. МАКАЇ З наших польох, лєсох єшень вжала желєнїдло. Однєсла чи змила як бруд цо одноши мидло. Поля пусти нашо през жиму нам оставаю. Место желєнїдла били шнїщок понукаю. Я себе посцелїм, та спац будзем аж до яри, дотля вас поздравям – виглашує медведз стари.

СТАРИ МЕДВЕДЗ

ЖИМОВА ФАБРИКА МЕЛАНИЯ РИМАР єдней далєкей жеми, можебуц обок при Сиверним полу, роби велїка фабрика. У нєй ше нє прави нїяки лакотки, гайзибани, шрубики, гордови, черкотки або патики. То єдна барз чудна фабрика. То Жимова фабрика. Гей, наисце Жимова. Главни ґазда єй Баба Жима. Шедзи вона у билей шнїговей фотелї як даяка царица. Ровно закукує до календара же би знала кеди, дзе, и як дириґовац хвилї. Роботнїки у фабрики лєм слухаю єй розкази и лапаю ше до роботи, бо кед ше Баба нагнїва... яй тому хто ю нє послуха! На єдней машини ше прави шнїгово пахульки. Жима з ценючким клайбасом полєгко рисує найкрасши пахульки яки лєм може задумац: гвиздочки, машлїчки, ружички, мотильчки, коцочки и лабдочки, а добри роботнїк лєм бега коло машини, прициска ґомбички и припатра ше як вилєтую нєсташни били фиґурки. Други роботнїк такой згарта пахульки до найлонових мехох, а треци одбера мехи и склада их до камиона. Накадзи наполнї камион, вожач уключи мотор и фррррр... уж є у хмарох! Кед панї Жима вежнє цинґалов и почнє бренчац, хмари знаю цо маю робиц. Швидко порозвязую мехи, а били пахульки такой розширяю криделка и злєтую на жем. На другей машини ше прави шлїщанки. Вшелїяки. Кратки и длугоки, узки и широки. И ту стої Жимов схопни роботнїк и дочекує з машини блїщаци дражки, так як пекар цо дочекує з пеца горуци векни хлєба, так вон дочекує шлїщанки. Хтора як ше вицагує, так ю бачи преруцує прейґ плєца и бежи ю престрец дзе треба. Єдну до ярку, другу до гумна, трецу до загради и обовязно опрез каждей оводи и школи. Жима точно зна дзе єст вельо дзеци цо рано, ище мамурни, вибегую вонка поопатрац дзе найгрубши ляд, та им место: „Добре рано”! – здравка: „Най ше пачи, ту вам шлїщанки”! У Жимовей фабрики єст и таки апарати хтори правя цомплї. Бачи роботнїк лєм подклада вельки фоґаши под апарат зоз хторого ше вицагую цомплї. Вони ше сами приквачую на тоти фоґаши, а роботнїк их у змерку розноши по обисцох и прибива попод стрехи. Яка лєм радосц рано у дзецинских очох, як подскакую и долапюю превидни цомплї!

У

Єдна Жимова машина вноци, кед и облаки шпя, малює по нїх ядловци, сосни, дуби, божури, косатки и иншаки, вшелїяки конарчки, квитки и лїсточка. Пред швитаньом тоти уметнїцки дїла полїпи на шицки скла, та хто ше рано сце припатрац през облак, подума же є у даякей славней подобовей ґалериї, а нє у своєй цеплей хижи. Ма Баба Жима и таких роботнїкох хтори правя молгу. Єдни топя до пецох, а други густи дим по цивох одводза и препущую през чаривни шитка. Дим ше такой прерабя до молги хтору плацени роботнїки пресцераю по валалох, драгох и польох. Мраз би нїкого нє могол пощипац за уха, лїчка и нос, кед би нє мал специялни клїщочки за тоту важну роботу. Прето з єдней гали у велїкей фабрики виходза вшелїяки файти клїщочкох. Єст и вельки, моцни и оштри за вельких людзох, а єст и таки нїжни, мегки за мали дзеци, же кед их Мраз з нїма кущик пощипа, лїчка почервеня як кед би их дахто пообочковал. Наисце чудна тота фабрика. Агейце! Баба Жима на єдним месце, як на дланї, ма шицко цо єй нєобходне. Нїч нє муши куповац. Вредни роботнїки до яри нє шедаю оддихнуц од нєпреривней роботи. Робя як пчолки. Найзаробенши тоти хтори правя пахульки, алє гоч кельо пороздаваю, дзецом нїґда нє досц. Вше би ище, и ище, и ище шнїгу. А вше єст и таких хторим ше нє уйдзе, бо Баба Жима дзешка одрадзела килаши, и тераз лєм так, од ока, мера кадзи кельо пахульки пошлє. Вше даґдзе погриши и даєден хотар уквилї. Кед бизме були сиґурни же нам каждого року пошлє шнїгу голєм до пол колєн, такой енки бизме єй купели нови килаши, алє най нас вец обрадує зоз вельо найгустейшима пахульками.

ДЕЯН АЛЕКСИЧ

Р

ПУСТИНЬСКИ КВЕТ

аз на штред велькей нєгосцолюбивей пустинї вироснул крегки белави квет. Такой було ясне же ту цошка нє у шоре. Прето ше пустиня питала одкаль квет у нєй. И квет ше, розуми ше, чудовал чом така пустиня коло нього.

– Завадзаш ми – гварела пустиня. – Идз. Ясне ци же нє припадаш ту. И, наисце, квет ше огляднул коло свойого ценкого стеблочка. Окрем нєба и горуцого писку хтори ше пресцерал доокола, нїч друге нє мож було анї нагадовац. Бул таки осамени у тей пустинї же го його пах надумал охабиц и пойсц до швета найсц свойого паломнїка. Так квет, попри шицкей трапези и смутку, остал и без паху. Його нєволя була така велька, же ше аж почал учиц плакац. Без потїхи... А пах за тот час блукал по билим швеце. Хвацел ше за хвост єдного питомого витрика, прелєцел озера и гори, ровнїни, рики и стотки закрица... Анї сам нє знал цо глєда, алє верел же на швеце муши постояц дахто хто би го пожадал попахац. Зменьовали ше днї и ноци, алє пах стретал лєм завжатих и нахмурених людзох хтори нє мали дзеку пахац квет. Уж бул цалком вичерпани и роздути од витру, та скоро анї самого себе вецей нє чувствовал. „Вецей нє пахнєм так крашнє”, думал, „вибляднєм цалком и вецей ме нє будзе”. Праве теди почувствовал як го якиш цуґ цага и уцицує.

– Ой, конєчно цошка красне запахло – учул глас хтори бешедовал през нос. Бул то глас єдного носа хтори лєжал зароснути у трави при городским шмециску.

– Е-еей – скричал пах. – Помали! Кед ме цалого випахаш, нє останє нїч одо мнє.

– Алє ше нє можем стримац – гварел нос – ти наисце цошка найкрасше цо сом опахал.

– Хто ти? – опитал ше пах, пробуюци ше му одняц.

– Я нос – озвало ше створенє.

– А чом зо мну приповедаш зоз таким шмишним гласом? – предлужел любопитлїво пах, лєдво ше одупераюци.

– Прето же приповедам през нос – гварел нос.

– Кед так – одвитовал пах – вец ше руш за мну до мойого квета. Лєм кед сом у нїм, можеш ме пахац безгранїчно.

Нос, розуми ше, такой пристал. Идуци по истей драги по хторей и пришол, пах конєчно сцигол зоз своїм опитим сопутнїком на место дзе вироснул його белави, крегки квет. Заш лєм, тото место анї нє здабало на гевто зоз хторого пошол. Вшадзи доокола пресцераю ше пажици рижнофарбового квеца, бриня инсекти, а птици надлєтую пахняцє престранство. Од пустинї анї шлїду. Случело ше чудо! Понеже научел плакац, квет тельо плакал, и плакал, и плакал, же сухей пустинї було аж нєдобре нєпреривно буц мокра. На концу позберала шицок свой писок и пошла ґу шестри Сахари. Место нєй виросло квеце, черяки и трава. Алє квет аж ошалєл. Нє могол, таки нєпахняци, жиц у телїх пахох. Лїсточка ше му поскруцовали, стебелко ше викривело, а фарба цалком виблядла. Пах ше швидко уцагнул назад до лїхей корунки и, ниа, чудо: квет ожил! Нєодлуга почал пахнуц вше розкошнєйше и опиваюцше од шицких кветох на полю.

– Мам я нос за прави ствари! – гварел нос и почал пахац по пажици, од квета до квета. И тераз є там. Кед дараз пойдзеце на пажицу дзе єден нос паха квеце – нє завадзайце му. Знаце и сами же ше гвари: нє дриляй нос до цудзих стварох! Преложела М. Р.

БРАНКО СТЕВАНОВИЧ

ПУСТИНЬСКА ПРИПОВЕДКА Єдна ганьблїва ґамила ґамилови бриґи задавала: здиховац го наганяла, а погляди керовала.

Од жажди згорйовал, нє єдол анї нє спал, воднє ше улїзовал, а вноци лєм здиховал.

Рижни плани скравал трудзел ше, трудзел, гей найсц драгу и освоїц шерцо тей ладї пустиньскей.

И ґамила церпела. До думкох ше зачирела. Давно и вона похопела же ше барз залюбела.

Прето шмелосци назберала, ганьби ше ошлєбодзела, з ґамилом до любови ступела и ґамилче му народзела. Прешпивала М. Римар

ЗОЗ ШВЕТОВЕЙ ЛИТЕРАТУРИ

МАСКЕНБАЛ

ицки у оддзелєню нєсцерпезлїво чекали школски маскенбал. Школа каждого року орґанизовала тоту подїю и гужва коло маскенбалу настала пре вельки пририхтованя. Було оддзелєня у хторих ше шицки єднак маскирали, наприклад, Али-баба и штерацец розбойнїки (гоч их у класи анї нє було тельо), а було и оддзелєня у хторих кажди школяр направел свою маску. Так було у 2/б оддзелєню.

– Добре тебе! – гварел Чаба Чудо Ґаброви дзень пред маскенбалом. – Нє мушиш ше трапиц зоз костимом. Я нє знам у чим ютре пойдзем.

– Анї я нє закончел свой костим – цешел го Ґабор.

– Чом? Нє придзеш облєчени як краль? – чудовал ше Чаба.

– Я ше нє маскирам до краля, бо я краль – сцерпезлїво одвитовал Ґабор. – Прето место кральовского облєчива мушим видумац инше. Маш, можебуц, даяку идею?

– Ша, о тим ци приповедам. Мушим сам и направиц костим, а я нє знам як. Ишли дому зоз школи. Дул оштри фебруарски витор. При контейнеру медзи будинками була громада стварох повируцованих при пораєню квартельох. Ґабор влапел Чабу за руку: – Пать! Чаба ше ужерал, алє нє знал на цо Ґабор думал.

– Цо най патрим? Громаду шмеца?

– Та, яке! – Ґабор вицагнул єден карсцель з трома ножками, єдну зламану столну лампу, и єден штучни ядловец, хтори уж мал и лєпши днї од того. Подзвигнул го, як даяки побиднїцки погар.

– Цо думаш о тим?

– Мам дацо повесц? – питал ше Чаба безнадїйно. Правда же то ядловцу бул остатнї Нови рок. Дакеди желєни игелки тераз були жовто-шиви и оштрамбани, а даскельо конари зламани. Ґабор махал з ядловцом.

– Ниа, твой костим!

– Най будзем одруцени ядловец? – питал ше Чаба и смутно попатрел на нєдавно одруцени украсни ядловец хтори знашла жалосна судьба.

– Оправиме го! – гварел Ґабор и дакус помахал з нїм. Стари игелки почали лєциц доокола и прекрили шицко коло нїх.

– Тото нє мож оправиц! – розчаровани гварел Чаба.

– Увидзиш же мож! Ґабор положел ядловец на плєцо и розкрачал ше дому. Чаба, хтори бивал у сушедстве, провадзел го, нє похопююци цо ше збува. Цале пополаднє майстровали и кед ше почало змеркац и Чаба мушел пойсц дому, уж бул спокойнєйши. Бояжлїво ношел дому преправени костим. До лифту нє шмел з нїм войсц, та пошол по ґарадичох. Ютредзень у школи було возбудлїво. Нїч вецей школяром нє тримало увагу на годзинох. Шицки пробовали скриц тото цо порихтали за маскенбал, алє велї ше нє могли стримац, та указовали свойо костими. Лєм Роби ше таїнствено шмишкал, як дахто хто ше рихта за вельке нєсподзиванє, и нє сцел указац свой костим.

Ш

ЕРЖИ КЕРТЕС (Мадярска)

После настави шицки пошли дому. Остало лєм оддзелєнє задлужене за декорацию маскенбалу у велькей сали. Сцигол и тот вечар! Двасто школяре ше круцели по велькей сали, а анї єден нє випатрал як школяр. Було медзи нїма кралїци, витязох, роботох, марсовцох, представнїкох рижних занїманьох, познати и нєпознати животинї. И даєдни наставнїци ше намаскирали: було босорки, добри русалки и индийски гади чаривнїки. Водитель програми поєдинєчно преволовал костими на подиюм, дзе жири оценьовал креативносц, красу и єдинственосц костимох. Бул шор на 2/б оддзелєнє. Чаба випросцал конари направени зоз дроту. Штучни игелки го джобкали по твари.

– Осторожно – опомнул го Ґабор. – Кед ше будзеш верциц, поодпадую ци паперово прикраски. Чаба одлично рисовал! Хлапци з паперох у фарбох направели прикраски за ядловец и оквецели го. Привязали го за Чабов хрибет, конари порозширяли, та шицко вєдно здабало на ядловец. Дакус ше кивал, алє з тим бул романтичнєйши. Аж и бомбони вишели на конарох, а Чаба у кишенки мал и шкатулку хтора грала „Дзвончки, дзвончки”. Кед виходзел на бину, достал моцни аплауз, алє то нє було шицко. За нїм на бину вишол Ґабор, закруцени до червеного украсного паперу од глави по пети, и зоз червену шапку на глави. Зогнул ше, спущел главу и щупел ше под ядловец. На глави мал златну машлю. Шицким було ясне же є новорочни дарунок.

– Новорочни дарунок и ядловец! – представел их водитель. – Барз креативне! Здрави будзце, хлапци! Чаба и Ґабор горди зишли зоз бини и припатрали ше на других маскираних зоз оддзелєня. Роби бул остатнї. Понаглял на бину зоз блядим ошмихом.

– Видзим, ти ше облєкол до краля! – гварел водитель. Роби мал длугоки червени плащ и на глави коруну направену зоз златного картону.

– Нє, я нє краль – гласно гварел до микрофона.

– Вец ши, можебуц, принц?

– Нє! я ше облєкол до Чудо Ґабра – триюмфално виявел Роби. Виривок зоз приповедки у кнїжки „Чудне кральовство”

НАУКА ЗА КАЖДЕ ДЗЕЦКО

ИСУСОВО КРЕСЦЕНЄ

сус Христос жил у Назарету, нє обявююци же вон Син Божи. Коло трицетого року свойого живота охабел своїх родичох, Марию и Осифа, и пошол на рику Йордан. Там пророк Йоан Хреститель пририхтовал людзох за приход Спасителя. Вон поволовал на покуту, най ше одрекню гриха и най ше обраца ґу Богу. На знак каяня, кресцел их у рики Йордан. И Исус станул до шора за кресценє, бо ше нє сцел розликовац од других. „Кед ше кресцел шицок народ, покресцел ше и Исус. Теди ше отворело нєбо и Святи Дух у виду билого голуба зишол на ньго и учул ше глас зоз нєба: То мой Син любени, котри ми по волї.” Исус Христос сцел прияц кресценє од Йоана, гоч нє мал нїякого гриха. На тот способ сцел указац же вон Спаситель швета и шицких нас жада спашиц. И такой пошол до пустинї дзе штерацец днї посцел и одуперал ше дияволови. Зоз пустинї пошол до Галилеї и почал наказовац и поучовац. Перши його слова були: Сполнєл ше час, приблїжело ше Царство Боже. Обрацце ше и верце Евангелиї (Мк, 1,15).

И

На спомин кресценя Исуса Христа Церква установела швето Богоявленє. Славиме го 6. януара по григориянским, односно 19. януара по юлиянским календаре.

ВО ЙОРДАНЇ Во Йорданї крещающуся теби Господи, Тройческоє явися поклонениє, родителев бо глас свидїтельствоваше теби, возлюбленаго тя Сина именуя, и Дух во видї голубинї извиствоваше словесе утверждениє. Явлейся, Христе Боже и мир просвищей, слава теби. (Шпиваме на швето Богоявленя у церкви на Служби Божей и дома, кед нам паноцец придзе пошвециц обисце)

ИСУС ХРИСТОС ЧЛОВЕК Исус Христос историйна потвердзена особа. Жил на Жеми. Од його народзеня рахуєме нову еру. За ньго шведоча шветово историчаре, а його живот и науку описую очевидци його дїлох – апостоли. Дзе ше дакеди чуло же би дахто отворел свой гроб. Тото зробел лєм Исус Христос – прави Бог. Правда же нам Евангелиє нє описує Исусово цело. Нє знаме чи бул високого або нїзкого росту. Нє знаме яку мал твар, очи и власи... Алє знаме же бул дзецко худобней мацери, же лєжал у яшелькох повити у пелюшкох, же го людзе волали син Осифа тишлїра, же вистати шедзел на драже при студнї, же бул гладни и смиядни, як и кажди чловек. Знаме же ше часто модлєл, же научовал людзох до вистатосци, же ше гнївал на тарґовцох у храме, же плакал над Єрусалимом. Знаме же ше Исус бал и жалосцел пред свою шмерцу, же вельо церпел и на концу умар розопяти на крижу.

ЯКИМ ОЛЕЯР

ЖИМА Хто то рано по улїчки бегал, скакал и звисковал? Хто то вшадзи доокола шнїг билючки розсиповал? Баба Жима танцовала у билей бундички, за ню витор забеговал през шицки улїчки.

МЕЛАНИЯ ПАВЛОВИЧ

ПАХУЛЬКОВ ЛЄТ Док ше у воздуху пахульочка окруцала, жадала, жадала же би з даским побешедовала. Розпатрала ше лїво-право, преходза ше хмари... Вона сама-самучка, нїґдзе нєт єй пари. Вец ше на єдним дзецинским нощку застановела... Праве же слово прегвари, од радосци и цеплоти пахулька ше – розпущела.

МИРОН БУДИНСКИ

НА КОГО ЗДАБЕ анїка барз красне и миле дзивчатко. Вона ище мала, ма лєм три роки. Шицки ю любя, щипаю за лїчка, закукую до очкох, з уживаньом патра на єй милу дзецинску твар. Патра на ню и шицки заключели же здабе на тату.

– Иста ши як тато – гуторя. Алє цо би поведли раз, два раз! Нє, шицки цо ю видза и кельо раз ю видза – вше бешеду законча з тим же вона здабе на тату. По пейц, шейсц раз на дзень Таня вше тото исте слуха, та гоч єй то цалком нє бриґа на кого здабе, зна и вона як папаґай повесц же є „исти тато”. А тато ше цеши и вола Таню нїяк иншак лєм: Таня татова дзивочка. Ю тато так люби, же єй нїґда нє забудзе принєсц бомбони. А раз єй принєсол чоколаду. Таня чоколаду такой отворела. Остала сама, та могла робиц цо сцела и знала. Зоз чоколаду уста и нощок, та аж и лїчка понамасцала, а кед єй мама вошла, почала на ню кричац нагнївано: – Цо ши поробела, цо ши ше так намасцела? Яй, яй, як нє знаш шора! Та, на цо тераз здабеш? – сцела мама поставиц поучне питанє и була сиґурна же Таня пове же здабе на даяке прашатко. Алє Таня озбильно гварела: – На тату, мамо, здабем... Мама ше сладко зашмеяла и поволала тату най видзи свою слику.

Т

У ДЗБАНОЧКУ МЛЄЧКО У дзбаночку млєчко збачела мачичка. Покоштовац сцела, нє войдзе главичка. Наша цица мудра, та ше здогадала: до цесного дзбанка хвосцик замачала. Дзбанок нє звалєла, мерковала крашнє. Хвосцик вицагує, облїзує смачнє. Руска народна писня

КВИЗ ЗА НАЙМЛАДШИХ

О ДОМАШНЇХ ЖИВОТИНЬОХ Качка ма: 1. Кридла 2. Длугоки уха 3. Штири ноги

Мачка ма: 1. Ратици 2. Пирє 3. Шерсц

Конь ма: 1. Кратки хвост 2. Два ноги 3. Длугоки хвост

Коза ма: 1. Роги 2. Волну 3. Черкотку

Заокруж точни одвити и зоз стрелку их повяж зоз одвитуюцима илустрациями.

Аня Аритович, 5 роки, Вербас

Нора Медєши 5,5 роки, Руски Керестур

Никола Дротар, I класа, Коцур

Ленка Станкович 4 роки, Дюрдьов

Павле Шашороґа, I класа, Вербас

КЕД БИМ МАЛ ЧАРИВНУ ПАЛЇЧКУ Кед бим мал чаривну палїчку, могол бим з ню пременїц цали швет же би бул лєпши. Зоз чаривну палїчку бим лєм ходзел по швеце цали дзень и цалу ноц. Кажди авто котри ше руша на бензин, я би пременєл до електричного авта котри нє заґадзую воздух. Посадзел бим вшадзи около милион древа. Любел бим направиц машину котра уцагує заґадзени воздух, а вируцує чисти и здрави воздух. Ище лєм єдна ствар котру бим направел зоз чаривну палїчку, а то же бим каждому чловекови наполнєл главу зоз мудрима думками, совитами, жаданями... Кед бим мал чаривну палїчку, тот швет би бул вельо лєпши и красши. Андрей Балїнт, III, Дюрдьов

Мирослав Бесерминї, II, Коцур

ДЕЦЕМБЕРСКИ РАДОСЦИ

Итана Косич, V, Вербас

МОЙ ДОМ

Жима уж ту. Децембер преходзи. Вонка видно єден били тепих престарти по цалим валалє. Днї жимнєйши. Почал жимски розпуст, а дзеци го лєдво дочекали. Пред розпустом у школи дзеци уж мали вецей гришки, бо роздумовали лєм о тим цо буду робиц док нє будзе школи. Ту Нови рок и Крачун. Шицки дзеци ше уча винчовац и колядовац, бо сцу достац пакецики. Добри Миколай чекал хто крашнє очуха свойо чижмочки, же би им до нїх подаровал лакотки. Ядловци уж пооквецовани и шицки ше рихтаю за радосни швета. Я барз любим жиму и шицки швета у децембру и януару, бо су барз весели и забавни.

Мой дом ше находзи у Руским Керестуре. Барз є красни. У нїм жиєм зоз маму и татом. Маме вельо просториї. Кухня нам досц велька, а при нєй єдальня. У кухнї вишаци полїчки, машина за помиванє и орманчик зоз фийовками. Я найвецей часу препровадзуєм у дньовей хижи зоз родичами. Велька є, у нєй єден шиви кавч, два шиви фотелї, а на штредку стол. Там нам и телевизор, та кажди дзень патриме дацо интересантне. И спальня нам досц велька. Обилєна є на жовто. У нєй єст три ормани и два кавчи. У обисцу маме два купальнї. Розлични су и по фарби и по велькосци. Менша купальня при моєй хижи, а обилєна є на лилово, як и моя хижа. Маме и двор. У нїм рошню два яблонї и єдна смоква. Там мам и колїмбачку, та ше влєце на нєй колїмбам. У дворе маме и красни ружи и арвачки, а коло хижи жива ограда. Любим свой дом прето же є били и же ми барз приємно у нїм препровадзовац час.

Михаел Дротар, IV, Коцур

Доротеа Рамач, IV, Руски Керестур

МОЯ ХИЖА Моя хижа ше находзи у улїци ЮНА. Вельо часу препровадзуєм у своєй хижи. Там ми нїґда нє допито, бо єст вельо бависка. Мам плейстейшн, лаптоп, кавч на поверх и телевизор. Найчастейше сом у дньовей хижи зоз фамелию. Вонка, коло хижи маме вельку лозу, два древа, студню, колїмбачку и терасу. Наша хижа ма скоро двасто роки. Любим ю, бо ми у нєй нїґда нє допито. Матия Чапко, IV, Руски Керестур

ЖИМА Пришла уж жима и шнїщок веє, дзеци весели, шицко ше билєє. Витри нам дую и шнїг розноша, вшадзи доокола радосц приноша. Шмих и бависко у каждим дворе, щесца єст надосц на каждим шоре. Емилия Уйфалуши, IV Коцур Кристина Гарвильчак, I, Руски Керестур

КЕД СОМ БУЛА У ЖЕМИ ЧУДОХ Кед сом спала, шнїла сом Алису. Видзела сом як бежи за заяцом ґу дзири. Заяц вошол нука, та и Алиса и я вошли за нїм. Нє видзели зме там заяца, алє коло нас було вельо предмети. На жеми стали купони за сладоляд. Ми пошли дац купони, алє роботнїки видзели же им вицекол рок тирваня. Єден роботнїк нам гварел же можеме пойсц ґу Кральови сладоляду и бориц ше за сладоляд. Алиса и я ше борели, алє нас Краль спреведнул. Дал нам сладоляд зоз цибулї, алє ми го нє поєдли. Сон бул чудни, алє ше ми барз пачел. Емилия Мученски, IV Коцур Валентина В. Гарди, Руски Керестур

МОЙ ДОМ Я бивам у Руским Керестуре, у улїчки Владимира Назора. Жиєм зоз родичами и зоз братом. Моя хижа цала целова. Найвецей часу препровадзуєм у дньовей хижи, а менєй сом у своєй. У дньовей хижи любим буц прето же мам досц простору, а у моєй хижи ми барз интересантно. Маме и досц вельку заграду и вельки заднї двор. Там маме домашнї животинї. И преднї двор нам досц вельки. У нїм єст квеца и древка. На драже опрез хижи рошнє вельки орех и три гибискуси. Гоч мой дом нє таки барз вельки як даєдни други, алє шицки маме досц места. Я мой дом барз любим прето же ше ми пачи и барз любим кед зме шицки вєдно дома.

Андрей Рац, VII, Руски Керестур

Лара Папуґа, IV Руски Керестур

КЕД БИМ МАЛА ЧАРИВНУ ПАЛЇЧКУ Кед бим мала чаривну палїчку, шицко би було чисте и красне. Знїщела бим шицко цо заґадзує планету Жем, наприклад, шмеце. Знїщела бим и шицку мержню и злобу медзи людзми. Чаривна палїчка би була моєй фамелиї и мнє вше на розполаганю. Мами би була найхасновитша у кухнї. Кед бизме надумали дацо єсц, мама би лєм замахла з палїчку и єдло би ше такой уварело. Татови би чаривна палїчка тиж так була хасновита у роботи. Лєм замахнє з палїчку и шицко поробене. Кед бим мала чаривну палїчку, була би билей и златней фарби. Я би була барз щешлїва, бо би шицко було красне и чисте, а шицки людзе би були добри. Мария Рамач, III Дюрдьов

Стефан Ґайдош, I, Коцур

У ХУДОБСТВЕ БОГАТИ Шицки ми любиме мац пенєжи и куповац дацо нове, алє пенєжи нє єднаки, як и щесце. Правда же зме радосни кед достанєме од дакого пенєжи за родзени дзень, кед себе купиме новим шмати або телефон. Алє, то лєм дочасове щесце. После одредзеного часу тото нам допиє и постанє часц каждодньового живота. Щесце може буц и безплатне. Безплатне щесце то и найлєпше щесце прето же воно длуготирваце, бо достава на квалитету. Єден приклад то поведзме, товарише. Зоз товаришами можеме франтовац, шпацирац ше, бешедовац. На правих товаришох нє мушиме трошиц пенєжи. Вони нам буду товарише пре тото яки зме, а нє пре тото же кельо пенєжи маме. Мож ше и без товаришох забавиц, и то правда. Можеме ше и сами шпацирац, вожиц ше на бициґли, або лапац риби. Алє, заш лєм то нє исте. Тото цо сом сцел повесц то же нам нє потребни пенєжи же бизме ше забавели або були щешлїви. Потребни нам щири товарише. Гей, же кед маме пенєжи можеме ше на вецей способи забавиц, алє пенєж нам нє найнєобходнєйши за щесце. Алекса Ґолубович, VIII Руски Керестур

МАНИФЕСТАЦИЯ „ДНЇ МИКОЛИ М. КОЧИША” У рамикох 31. Манифестациї „Днї Миколи М. Кочиша” хтора зоз рижнима програмами Дружтва за руски язик, литературу и културу отримана у наших местох у децембру прешлого року, була и нащива школяром хтори у своєй школи „Бранко Радичевич” у Савиним Селу маю и наставу руского язика зоз елементами националней култури, хтору трима учителька Леона Олеяр. Дзеци хтори участвовали у програми, достали на дарунок руски кнїжки. Подобна шветочносц отримана и у Вербаше дзе годзини руского язика маю школяре ОШ „Светозар Милетич”, ОШ „20. октобер” и ОШ „Братство єдинство”, хтори им трима наставнїца Славица Мали. Вредни школярки Сара Надь, Мирослава Колошняї, Дуня Тешанович и Леонора Ґайдош рецитовали стихи Миколи М. Кочиша, а шицки 69еро хтори ходза на годзини руского язика, достали од Дружтва по єдну кнїжку.

У Вербаше

У Савиним Селу

НА КОНЦЕРТУ РКЦ-у И ШКОЛЯРЕ У децембру 2021. року Руски културни центер у Новим Садзе зоз цаловечаршим концертом означел свою вельку рочнїцу – 75 роки успишней роботи. На тей шветочносци часц свойого репертоару указали и розвешелєли публику члени хорскей секциї, хлопскей и женскей шпивацкей ґрупи, солистка Ана Римар-Симунович, дует Йоакима Гаргая и Михайла Колєсара и Фолклорна ґрупа ветеранох. Пре епидемийну ситуацию того року програма за дзеци „Пахулька” нє отримана, анї ше Дїдо Мраз пре грожаци корона вирус нє усудзел присц, на концерту заш лєм участвовали и школяре хтори у новосадских основних школох ходза и на годзини руского язика зоз елементами националней култури. Так Кристина Ковач и Оґнєн Пушара одшпивали соло по єдну шпиванку, Мартина Фейти грала на флаути, Никола Вукмирович на тамбурки, а Теодора Рамач, Уна Сушич и Лана Вучинович рецитовали. Пририхтали их наставнїци руского язика Ана Мария Рац и Оля Яковлєв. Конферансу на концерту водзела Ребека Планчак. М. Р.

КРАЧУНСКИ ВАШАРИ У Руским Керестуре Пред велькима жимскима шветами школяре Основней и штреднєй школи з домом школярох „Петро Кузмяк” у Руским Керестуре ше барз пририхтовали за традицийни Крачунски вашар. Правели винчованки, прикраски, икебани и дробни крачунски колачи, та шицко тото предавали на вашаре у школским дворе. Була то гуманитарна акция, у хторей участвовали шицки – од наймладших школярох першей класи по штредньошколцох. Цени їх ручних роботох були барз прилаплїви, та було и вельо купцох, а за два годзини шицко було попредане. Школяре достали кус менєй як 100 тисячи динари и у поради з учительками и наставнїцами тот заробок подзеля парняком хторим помоц наисце потребна. Радосц подзеля и вредни дарователє и дзеци хтори достаню нєсебичну помоц од даровательох. М. Дж.

У Коцуре Остатнього дня першого полроча школяре на площи опрез ОШ „Братство єдинство” у Коцуре орґанизовали Крачунски вашар. Зоз своїма учительками, наставнїцами и родичами понаправяли рижни прикраски, рижни предмети и лакотки за весели жимски швета, а виложели и панои на хторих були повиписовани интересантносци о Крачуну и Новим року. Вашар бул вельки и барз добре нащивени, а валалчанє шицко могли купиц по символичних ценох, та були задовольни и вони, а ище баржей школяре хтори шицко тото з уживаньом пририхтовали. О. Р.

РОЗЛИКИ

Автор Нела Таталович

Найдз и заокруж 12 розлики медзи сликами 1 и 2.

ОФАРБ РИСУНОК

Офарб тот рисунок зоз хторима фарбами сцеш.

Прейдз по лавиринту у иґлоу и офарб животинї хтори жию у сиверних крайох.

ТОЧНИ ЦИНЬ

Лєм єден цинь цалком точни и одвитує рисунку. Хтори? Заокруж тот цинь.

Автор Нела Таталович

ЛАВИРИНТ

За перше тогорочне число „Заградки” найвреднєйши сотруднїки послали до Редакциї 36 литературни, подобово и новинарски роботи. Коцур: Николина Копчански, Анастасия Кучмаш, Алексей Бесерминї, Микола Штефанко, Никола Дротар, Стефан Ґайдош (I); Емилия Мученски, Юлияна Бесерминї, Емилия Уйфалуши, Павле Тимко, Михаел Дротар, Павле Штефанко, Петар Штефанко (IV). Вєдно 16 роботи. Руски Керестур: Нора Медєши (овода); Лара Папуґа, Доротеа Рамач, Матия Чапко (IV). Вєдно 10 роботи. Нови Сад: Александар Виславски (II); Лана Вучинович, Никола Венчельовски, Михайло Венчельовски (III). Вєдно 8 роботи. Дюрдьов: Мария Рамач, Андрей Балїнт (III). Вєдно 2 роботи.

Юлияна Бесерминї, IV, Коцур

Андрей Балїнт, III, Дюрдьов

ЖИМСКИ РАДОСЦИ З нєсцерпеньом чекам жиму. То моя наймилша рочна часц. Теди вельо красного мож видзиц. Барз чекам перши шнїг. Жадам най го будзе по колєна. Най шицко будзе биле, билючке. Мам нови санки, та ше сцем санкац. Шлїзкам ше на змарзнутей долїни, корчолям ше и бавим гокей. Кед ляд ценки, може ше случиц же ше подвалї, алє мнє и моїм товаришом нє жимно. Вжиме звичайно путуєм на Златибор. Там ходзим до школи скияня, та ми барз крашнє. Єст вельо шнїгу, та дараз авто нє сце рушиц. Заш лєм, найкрасше ми у Керестуре. Любим кед спод стрехох виша цомплї. Пробовал сом зоз груду обивац цомплї, а мама ше вадзела же мушим мерковац най ми даєдна нє спаднє на главу. Вжиме ше радуєм шветом: Святому Миколайови, Крачуну и Новому року, а теди и мой родзени дзень. Доставам вельо красни дарунки. Дзечнє закукуєм до каждого и радуєм ше шицким новим бависком. Барз ше радуєм же постої жима. Кед би єй нє було, шицким дзецом би на жимским розпусту було допито.

Анастасия Кучмаш, I, Коцур

Стефан Арва, III, Руски Керестур Микола Штефанко, I, Коцур

РЕКОРДНИ ТИРАЖ МАЛОГО ПРИНЦА Кнїжка над кнїжками вшелїяк „Мали принц” Антоана де Сент-Еґзиперия, хтора и далєй валя тиражи рекорда. Число друкованих прикладнїкох тей сучасней сказки виноши 150 милиони. На тото вшелїяк же уплївовало и вицеканє авторских правох. Лєм у Турскей прешлого року додатно обявени коло 30 виданя. Еґзипери бул французки майор воздухоплївства, алє нєстал на Корзики кед скапал його авион. Перше виданє „Малого принца” обявене у Нюйорку 1943. року на французким и аґлийским язику зоз илустрациями автора. Еґзипери нє дожил виходзенє кнїжки у Паризу 1946. року, анї планетарну славу хтору вона дожила познєйше. Дїло преложене на 27 язики.

МАРАКАНА НАЙВЕКШИ СТАДИОН Найвекши стадион на швеце то Маракана, хтори ше находзи у главним городзе Бразила, Рио де Жанеиру. Може прияц 180 000 патрачох, а кед ше барз позбиваю, месца ше и 220 000 вирни навияче. Стадион проєктовали П. Бернардос Бастос и Дияс Карерио, а будовани є полни дзешец роки, од 1950. по 1960. рок. Маракана, насампредз, наменєна за фодбалски змаганя, а може служиц и за векши спортски змаганя. Ма елиптичну форму, зоз шедзисками на два поверхи.

НАЙ, ОГНЬОВИ ПЕРСЦЕНЬ Огньови персцень назва за пояс сеїзмичних и вулканских активносцох хтори окружує Пацифик. Вон облапя Анди у Южней Америки, Алеутски и Курилски острова, полуострово Камчатку, Тайван, восточну Индонезию, Нови Зеланд, Японски и Филипински острова. Коло три штварцини шицких у историї зазначених активних вулканох находза ше у тим поясу.

ДВОБОЙ КИТА И ОКТОПОДА

Найвекши октопод (хоботница) хторому мено Кракен, праве морске чудовиско. У старих приповедкох моряки и виглєдоваче споминаю огромного октопода такого моцного и велького же за собу уцаговал ладї до морских глїбинох. Пред сто роками писатель Булен ше припатрал з ладї и описал двобой кита и октопода. По його думаню, октопод зоз велїкима пипалками облапел кита хтори ше безуспишно бранєл. З єдну пипалку октопод вдерел до ладї, а потим и кит и октопод скапали у глїбини моря. На побрежйох Фаундленда у 19. вику у даскелїх рокох були насукани даскельо таки жвири, вельки од шейсц до дзешец метери. Пририхтала Р. Ґ. Петрович

Рамона Будински, III, Коцур

Юлияна Радованов, VII, Вербас Мария Сакач, V, Коцур

Матей Сакач, II, Коцур Ена Чордаш, I, Руски Керестур