Bloemhof Brokkies Uitgawe 1/2024

Amptelike Nuusbrief van die Hoër Meisieskool Bloemhof | 27 Januarie 2024 (1/2024)

2

MATRIEKS WEER TOPS IN SA

9

16 WELKOM GRAAD 8'S!

JUFFROU SKEIDSREG INTERNASIONAAAL

MATRIEKS WEER PUIK

Die klas van 2023 se 50 A-kandidate is die afgelope week vir hulle harde werk en puik prestasies by die Pêrelhangertjieseremonie vereer.

/HMBloemhof

@hms_bloemhof

bloemhofschool.co.za

MATRIEKS WEER BESTE IN SA HMS Bloemhof se leerders het weereens bewys waarom dit een van die topskole in die land is met hul matriekuitslae vir 2023 wat Vrydag 19 Januarie verskyn het. Bloemhof het ‘n 100%-slaagsyfer behaal en spog ook met 98% van die leerders wat met universiteitstoelating slaag.

Mila van Wyk, Bloemhof se DUX-leerder vir 2023, spog met ‘n allemintige 95,17% gemiddeld vir al haar vakke. Sy gaan vanjaar Aktuariële Wetenskappe aan die Universiteit van Stellenbosch studeer. Haar droom is om eendag haar eie maatskappy te besit en haar eie baas te wees. Sy sien ook daarna uit om eendag haar eie gesin te hê en meen ‘n goeie werk-lewe balans is hoog op haar prioriteitslys vir die toekoms.

Haar resep tot sukses is om selfdissipline toe te pas. “‘n Mens is nooit werklik lus om te leer en hard te werk nie, maar jy moet altyd jou doel voor oë hou en dit wat jy wil bereik in jou agterkop hê. Dit gee vir jou iets om na toe te werk, selfs wanneer jy ongemotiveerd is.”

Kort op haar hakke volg Thea-Mari Roos met ‘n gemiddeld van 94,83% vir haar sewe vakke. Lara Potgieter, Catherine Kies en Catrien Müller het elkeen 8 A-simbole behaal.

In totaal het hierdie groep dames gesorg vir 483 vak A’s, 3,57 A’s per leerder en 50 A-gemiddeldes.

Boonop het 76,8% van die totale klasgroep van 135 leerders ‘n B-gemiddeld of hoër verwerf.

Verder was die uitslae soos volg: 3 kandidate slaag met 8 A’s 17 slaag met 7 A’s 14 slaag met 6 A’s 16 slaag met 5 A’s 11 slaag met 4 A’s 45,2% slaag met 4 of meer A-simbole Welgedaan Klas van 2023!

Sy meen ook dit is belangrik om jou manier van leer goed te ken en uit te vind watter leermetodes vir jou werk, sodat jy daarby kan hou. Sy skryf haar sukses ook grootliks toe aan die ondersteuning en hulp wat sy van haar onderwysers, vriende en familie ontvang het.

2

MATRIEKS BLINK WEER UIT

50 A-KANDIDATE VEREER BY

PÊRELHANGERTJIESEREMONIE

Bloemhof het Woensdag 24 Januarie 2024 die voorreg gehad om 2023 se top-presteerders vir oulaas by die skool se Pêrelhangertjieseremonie te vereer.

Elke jaar word matrikulante wat ʼn A-gemiddeld of hoër behaal het terug verwelkom om erkenning te kry vir hulle harde werk en uitmuntende uitslae. Die amptelike pêrelhangertjieseremonie is ‘n jaarlikse tradisie wat sedert 2001 plaasvind.

Hierdie jaar se uitslae het nie teleurgestel nie. Daar is vanjaar 50 pêrelhangertjies aan 50 matrikulante wat ‘n A-gemiddeld behaal het uitgedeel. Die Bloemhoffers het die voorreg gehad om hulle met ‘n helde-ontvangs te vereer.

Danksy die klas van 2023 is Bloemhof weereens bekroon as die Afrikaanse skool wat nasionaal die beste in die NSS-eksamen presteer het. Die Bloemhof gemeenskap is ontsettend trots op die dames, welgedaan.

5

PÊRELHANGERTJIE-SEREMONIE

6

GRAAD 8'S DRA NOU HUL BAADJIES MET TROTS

Op die 15de Januarie het 155 blinknuwe graad agts by die HMS Bloemhof aangekom. Na ‘n intense week vol aktiwiteite om hulle aan Bloemhof, asook ons waardes en tradisies bekend te stel, het hulle ware Bloemhoffers geword toe die matriekmentors hulle baadjies aan hulle oorhandig het tydens die Baadjieseremonie.

Die geleentheid het ook ’n kosbare oomblik ingesluit waar ons eie hoof, me Wilna van Heerden, haar suster se kleinkind se baadjie kon aantrek.

Anneleen Loubser het ook haar kleindogter, Taylor Johnson wat in Graad 8 is, se baadjie vir haar op die verhoog oorhandig en help aantrek. Wat 'n spesiale oomblik was dit nie! Taylor se ma, Soné Johnson (Loubser) is 'n Old-Bloemhoffer en het in 1996 gematrikuleer.

Old-Girl, Rianka Swart (Marx, klas van 1996) en haar dogter Karu Swart deel hulle passie vir Huis Lucie Joubert. Karu is 'n derde generasie Bloemhoffer. Haar oupa, Gabriel Petrus Swart, was rondom 1951 in Sub A in Bloemhof en het in die ou Bloemhofgebou skool gegaan.

Na ‘n lywige program wat hulle moes volg, het die graad 8's onder groot applous van die Bloemhoffers, met trots hulle baadjies aangetrek. Hulle het ook vir oulaas hul temalied gesing — tot groot vermaak van die skool.

Ons hou die groep met groot afwagting dop en is trots op dit wat hulle die laaste twee weke al vermag het om ware Bloemhoffers te word.

Me Soné Johnson, Taylor Johanson en me Anneleen Loubser

Me Rianka Swart en Karu Swart

7

GRAAD 8 BAADJIESEREMONIE

8

GRAAD 8 -VERWELKOMINGSWEEK Deur Tertia du Plessis

Met die aanbreek van die nuwe skooljaar was daar groot opwinding en selfs ‘n klein bietjie senuweeagtigheid tussen die nuwe graad ags, oftewel “goggels” soos hulle vir die eerste week genoem is.

Goggels is afkomstig van die Engelse woord “goggles” en skakel in by die VRL se visie en missie vir 2024, Beleef Bloemhof: Kyk in, kyk uit, kyk op. Die logo is ‘n kamera en simboliseer herinneringe wat by Bloemhof gemaak word, hoe jy Bloemhof sien en hoe jy dit beleef.

Die nuwelinge is aangespoor om hulle laerskoollense vir Bloemhof brille te verruil om sodoende Bloemhof ten volle te kan beleef. Die verwelkomingsweek was propvol aktiwiteite wat vreemde haarstyle, kenmekaar-speletjies, die sing en oefen van ‘n spesiale temalied, die verkenning van ons dorp, ‘n besoek aan ons broerskool, Paul Roos Gimnasium en ‘n oorslaap by die skool, ingesluit het.

Namens die hele VRL, is ons baie trots op die nou volwaardige Bloemhoffers wat bewys het dat hulle Bloemhof se waardes kan uitleef. Dit was wonderlik om te sien hoe baie hulle in hierdie week gegroei het.

Ons hoop dat hulle baie welkom voel en werklike susterskap hier sal ervaar.

9

GRAAD 8 - VERWELKOMINGSWEEK

10

KLASKAPTEINE AANGEKONDIG Bloemhof se klaskapteine vir kwartaal 1 en 2 is die afgelope Maandag aangekondig. Baie geluk aan die leerders wat tot klaskaptein en onderklaskaptein verkies is. Die leerders is Graad 9 9.1 Klaskaptein: Liza Hitge, Onderkaptein: Karla Everson 9.7 Klaskaptein: Peyton Mattheys, Onderkaptein: Zea Plekker 9.22 Klaskaptein: Isabella Basson, Onderkaptein: Lisa Brink 9.34 Klaskaptein: Daniella Le Hanie, Onderkaptein: Luah van der Merwe Graad 10 10.4 Klaskaptein: Tamryn Rousseau, Onderkaptein: Annika Gerstner 10.23 Klaskaptein: Mia Hofmeyr, Onderkaptein: Tessa de Beer 10.25 Klaskaptein: Chani du Preez, Onderkaptein: Ella Bekker 10.33 Klaskaptein: Kaylie Herbst, Onderkaptein: Mia Elizabeth Swanepoel Graad 11 11.2 Klaskaptein: Liela van Zyl, Onderkaptein: Marguerite Smith 11.9 Klaskaptein: Denike Barnard, Onderkaptein: Anouk van der Bank 11.27 Klaskaptein: Sabine Reuter, Onderkaptein: Nina van Eeden 11.30 Klaskaptein: Karmi Gouws, Onderkaptein: Elsje Carinus Graad 12 12.24 Klaskaptein: Rozita Coetzee, Onderkaptein: Mine Malan 12.21 Klaskaptein: Ester Bruwer, Onderkaptein: Nell de Kock 12.31 Klaskaptein: Jeani Steenkamp, Onderkaptein: Mia Bredell 12.35 Klaskaptein: Elandi Ackerman, Onderkaptein: Jenna-Timae du Preez Sterkte met die taak wat voorlê.

11

WELKOM NUWE PERSONEEL Ons verwelkom graag die nuwe personeellede wat vanjaar

by HMS Bloemhof aangesluit het. Om hulle beter te leer ken, het ons hulle ‘n paar vrae gevra:

Me Winnie van Vuuren (Afrikaans) Wat is u posbeskrywing by Bloemhof?

Deeltydse opvoeder in Afrikaans HT vir die eerste kwartaal.

Hoe het u by Bloemhof uitgekom?

Ek het na 30 jaar diens aan die Paul Roos Gimnasium aan die einde van 2023 afgetree en het aan 'n Bloemhof-kollega genoem dat ek beskikbaar is om by Bloemhof af te los of uit te help indien nodig. Twee dae later is ek genader om die eerste kwartaal deeltyds as HT-opvoeder uit te help.

Waarna sien u die meeste uit by Bloemhof?

Om na 30 jaar by 'n seunskool vir pragtige, vriendelike en goedgemanierde Bloemhof-dogters te kan klasgee.

Me Marise Oberholzer (EBW en Wiskunde) Wat is u posbeskrywing by Bloemhof?

Ek is 'n onderwyseres wat vanjaar vir die graad 8's Wiskunde en EBW aanbied.

Hoe het u by Bloemhof uitgekom?

Ek het verlede jaar 'n paar dae vir juffrou Lida de Villiers ingestaan. Die personeel en leerders van Bloemhof het so 'n groot indruk op my gemaak, dat ek begin droom en bid het vir 'n pos by Bloemhof. Groot was my opgewondenheid toe my gebed verhoor is en ek nou my droom kan leef.

Waarna sien u die meeste uit by Bloemhof?

Ek sien baie daarna uit om die dogters van Bloemhof beter te leer ken en veral om die pad met die graad 8's te stap.

Verder sien ek ook baie uit na die vriendskappe met my kollegas, hulle is waarlik 'n besonderse groep mense.

Me Ané Groenewald (Kommunikasiebestuurder)

Mnr Chester Meyer (Musiek) 𝗪𝗮𝘁 𝗶𝘀 𝘂 𝗽𝗼𝘀𝗯𝗲𝘀𝗸𝗿𝘆𝘄𝗶𝗻𝗴 𝗯𝘆 𝗕𝗹𝗼𝗲𝗺𝗵𝗼𝗳?

Ek is die nuwe Musiekonderwyser.

Hoe het u by Bloemhof uitgekom?

Met n lang ompad en genade van Bo. Waarna sien u die meeste uit by Bloemhof?

Om die leerders beter te leer ken en saam musiek te maak.

Me Zelda Botha (Atletiek- en Netbalorganiseerder) 𝗪𝗮𝘁 𝗶𝘀 𝘂 𝗽𝗼𝘀𝗯𝗲𝘀𝗸𝗿𝘆𝘄𝗶𝗻𝗴 𝗯𝘆 𝗕𝗹𝗼𝗲𝗺𝗵𝗼𝗳?

Atletiek en Netbal Hoe het u by Bloemhof uitgekom?

Die Here bepaal jou weë.

Waarna sien u die meeste uit by Bloemhof?

Die uitdagings, die onbekende, om nuwe mense te leer ken, harte aan te raak en ‘n dissipel vir Jesus te wees.

Me Sarina du Toit (Sekretaresse) 𝗪𝗮𝘁 𝗶𝘀 𝘂 𝗽𝗼𝘀𝗯𝗲𝘀𝗸𝗿𝘆𝘄𝗶𝗻𝗴 𝗯𝘆 𝗕𝗹𝗼𝗲𝗺𝗵𝗼𝗳?

Ek skakel in as Sekretaresse.

Hoe het u by Bloemhof uitgekom?

Ons het van Namibië af na Stellenbosch getrek sodat my kinders hier kan skool gaan.

Ons het toe plek gekry vir my dogter in Bloemhof om Graad 10 hier te begin. Die Hoof se sekretaresse het toe intussentyd bedank en die skool het my genader om uit te help.

Waarna sien u die meeste uit by Bloemhof?

Om waarde toe te voeg aan ‘n (BAIE) besige kantoor.

𝗪𝗮𝘁 𝗶𝘀 𝘂 𝗽𝗼𝘀𝗯𝗲𝘀𝗸𝗿𝘆𝘄𝗶𝗻𝗴 𝗯𝘆 𝗕𝗹𝗼𝗲𝗺𝗵𝗼𝗳?

Ek is die nuwe Kommunikasiebestuurder.

Hoe het u by Bloemhof uitgekom?

Ek het begin verlede jaar begin dink en bid oor ‘n groot lewensskuif wat ek wou maak voor ek 30 word.

Toe ek die geleentheid sien om deel te word van die beste meisieskool in Suid-Afrika, het ek die kans gevat en ek besef nou dit was ‘n bo-natuurlike antwoord op gebed.

Waarna sien u die meeste uit by Bloemhof? ‘n Skool se hart is sy mense en daarom sien ek baie daarna uit om deel te word van die Bloemhof-familie wat die personeel, leerders, ouers en gemeenskap insluit.

12

INTERHUIS-ATLETIEK: BLOEMHOF GEES LEEF VOORT

Die Bloemhoffers het vandag die hitte trotseer en 2024 se atletiekprogram met ons interhuisbyeenkoms afgeskop. Huis Neethling, Huis Joubert en Huis Hofmeyr is goed verteenwoordig op die atletiekbaan en veld, terwyl die skool gees gevang het op die pawiljoene.

Die nuwe graad agts het beïndruk met hul entoesiasme en bereidwilligheid om deel te neem en het hulle eerste Interhuis gate uit geniet. Wat ‘n wonderlike manier om die jaar af te skop!

13

SWEMMERS TROTSEER INTERHUIS IN BLOEDIGE HITTE Bloemhof se jaarlikse Interhuis Swembyeenkoms het op Vrydag 20 Januarie plaasgevind en het gesorg vir groot pret. Ons fikse swemmers het behoorlik hulle staal gewys en vir goeie kompetisie gesorg. Die geleentheid was op die ou einde ook ‘n lekker afkoelsessie in die bloedige hitte. Die uitslae van die dag was as volg: Huis uitslae: 1. Hofmeyr - 300 2. Neethling - 222 3. Joubert - 152 Beste Individuele prestasies: o.14 - Ané Dreyer o.16 - Mia Gerber o.19 - Jana Lombard Beste spanne: o.14 Hofmeyr o.16 Neethling o.19 Hofmeyr Baie geluk aan die spanne en individue wat uitstekend gevaar het.

14

INTERHUIS-SWEM

ONDERWATER HOKKIE Baie geluk aan Franci Beyers en Mikyla Lacock wat opgeneem is in die o.19 Boland Onderwaterhokkie-spanne, wat aan die Junior Nasionale Toernooi wat vanaf 21 tot 23 Maart in Somerset-Wes plaasvind, gaan deelneem.

Franci sal die Boland as deel van die o.19Aspan verteenwoordig en Mikyla vorm deel van die o.19B-span. Welgedaan aan die dogters, Bloemhof is baie trots op julle en wens julle sterkte toe!

PERSONEEL SPORTNUUS Bloemhof is trots op juffrou Nina Edmunds wat die afgelope Saterdag 21 Januarie, as skeidsregter opgetree het by die Suid-Afrikaanse Vrouehokkiespan se 2de wedstryd in hulle 6 wedstrydtoetsreeks teen Frankryk by SACS in Kaapstad. Dit is die eerste internasionale wedstryd waar sy as skeidsregter opgetree het en ons weet dit is beslis ook nie die laaste nie. Baie geluk met die puik prestasie, ons is baie trots op jou!

16

KENNISGEWINGS

Ons weeklikse program en Jaarkalender is op ons webtuiste beskikbaar. Dit word gereeld opdateer om die nuutste inligting te vertoon. Klik gerus op die skakel om die program en kalender te besigtig:

PROGRAM & KALENDER

2023 JAARBLAD NOU BESKIKBAAR! Leerders en ouers kan die 2023 Jaarblad aanlyn besigtig.

KLIK HIER OM AF TE LAAI

Alle sportprogramme, wedstrydbepalings en sportuitslae is op ons webtuiste beskikbaar.

Dit word gereeld opdateer om die nuutste inligting te vertoon. Klik gerus op die skakels om die items te besigtig:

SPORTPROGRAMME SPORTOEFENTYE SPORTUITSLAE

Die 4M atletiekbyeenkoms wat op 20 Februarie plaasvind se toegangskaartjies is nou te koop. Volg gerus die onderstaande skakel om ‘n kaartjie aan te koop. Wanneer u 'n kaartjie koop sal daar egter vir 'n wagwoord gevra word. Die wagwoord vir HMS Bloemhof is 4MBLO3M. Ons sien uit na die geleentheid en nooi u uit om die dogters saam met ons te kom ondersteun.

4M TOESKOUERKAARTJIES

17

ADVERTENSIES ADVERTEER AAN DIE BLOEMHOF-GEMEENSKAP IN ONS AMPTELIKE NUUSBRIEF •

Die nuusbrief verskyn elke tweede Vrydag in die skoolkwartaal (behalwe tydens die eksamen) en word op die d6 en die webwerf se digitale kennisgewingbord gedeel. Ons leerders ontvang dit per WhatsApp – ’n potensiële gehoor van 700 dogters en hul ouers.

•

‘n Kopie van die nuusbrief word ook op die skool se webwerf geplaas en die skakel word op ons sosiale mediaplatforms gedeel. Daar is tans 4000+ volgelinge op Instagram (@hms_bloemhof) 6200 Facebook (face- book.com/HMBloemhof).

•

Bespreek spasie vir die uitgawe voor of op Woensdae om 12:00 by kommunikasie@bloemhofschool.co.za – alle grafika (in PDF formaat) moet ons teen die Donderdag om 12:00 bereik.

•

Voorbeelde van die nuusbrief kan by www.bloemhofschool.co.za/nuusbrief afgelaai word.

18