Lexojmë Qilimi prej guri

QILIMI PREJ GURI

Kush ka qenë në Gjirokastër, stër, te kalaja kush është ngjitur tur dhe ka parë rrugët e pastra, tra, doemos që është habitur! r! Lart në Qafën e Pazarit, pesë rrugë janë takuar, eh, sa bukur që të pesta si qilima janë shtruar. Thonë njerëzit me habi: Gjithë këta qilima guri, të qëndisur bardhë e zi, vallë ç’avlëmend i thuri?! Bashkë me shokët e vet, i gdhend gurët xhaxhi Simi, në mes të shiut a mes vapës, gurë-gurë shtrohet qilimi. Xhaxhi Simi është mjeshtër, dhe në gjoks medalje mban, eh, sa pak flet me gojë, eh, sa shumë flet me çekan!

Tasim Gjokutaj Fjalë të reja

qilim – shtrojë me përmasa të ndryshme, prej leshi, pambuku etj., që punohet në vegjë. avlëmend – vegël e madhe prej druri, që përdoret për të endur pëlhura. gdhend – bëj të rrafshët me thikë a me daltë sipërfaqen e një druri, të një guri a metali. mjeshtër – punëtor i përgatitur që ushtron një zanat të caktuar. medalje – pllakëz e rrumbullakët prej metali, me ndonjë figurë a mbishkrim, e cila i jepet dikujt për merita në punë, në gara sportive, në konkurse etj.

VEPRIMTARI Bëni një video ose album me pamje nga qyteti i Gjirokastrës.

LEXOJ DHE KUPTOJ

Për cilin qytet flet kjo poezi? Sa rrugë takohen në Qafën e Pazarit? Si duken këto rrugë? Kush i gdhend gurët që duhen për të ndërtuar rrugët? Çfarë tregon medalja që mban xhaxhi Simi? REFLEKTOJ

Po ti, a ke qenë në qytetin e Gjirokastrës? Si të është dukur ai? Si i kupton vargjet: eh, sa pak flet me gojë, eh, sa shumë flet me çekan.