Roboti që donte të flinte

1 Shpjegoni me fjalë të tjera këto shprehje të figurshme. po flinte për shtatë palë qejfe pa i shkuar mendja e ndau mendjen u tund vendit

2 Plotësoni tabelën rreth ngjashmërive dhe ndryshimeve mes robotit Katerino dhe njerëzve.

Ngjashmëritë Ndryshimet

U pëlqente të flinin. Katerinoja nuk ishte qenie njerëzore, por makinë.

3 Plotësoni tabelën me punët që bënte roboti Katerino, duke treguar në këtë mënyrë mendimin që keni rreth tyre.

Punë të dobishme Punë të mërzitshme Punë të pazakonta ose komike

4 Duke iu referuar tri ligjeve të robotikës, cilat ligje shfaqen më së shumti në tregimin “Roboti që donte të flinte”?

Tri ligjet e robotikës janë:

1. Roboti nuk ka mundësi ta lëndojë njeriun apo, duke mos vepruar, të lejojë që njeriu të dëmtohet.

2. Roboti duhet t’u bindet urdhrave që i japin njerëzit, përveç atyre që bien ndesh me Ligjin I.

3. Roboti duhet ta mbrojë ekzistencën e vet për sa kohë që kjo mbrojtje nuk është në kundërshtim me Ligjin I ose Ligjin II. Isak Asimov (autor i shumë veprave fantastike rreth robotëve)