Fjalitë e përbëra me nënrenditje, rrethanore: kohore, vendore

1 Përcaktoni funksionin që kryen pjesa e varur “kur trokitën në derë” në lidhje me pjesën drejtuese.

Kur trokitën në derë, doli nëna t’i priste.

Nuk e mbaj mend kur trokitën në derë.

Nuk dihej kur trokitën në derë.

Nuk dihej ora kur trokitën në derë.

2 Formoni katër fjali të përbëra ku pjesa e varur “ku derdhet Vjosa” të kryejë funksionet e përmendura më sipër.

3 Ktheni rrethanorët e kohës në pjesë të varura rrethanore kohore. Treni u boshatis një të mbërritur në stacion.

Me të rënë nata, xixëllonjat ia behnin anës rrugës.

Me fillimin e shirave, trafiku rëndohej më keq.

Mbrëmjeve, mblidheshin e këndonin deri vonë.

4 Zëvendësoni pjesët e varura vendore me rrethanorë vendi.

U takuan ku e kishin lënë.

Sytë i mbante të ngulitur tek ishte një hartë e vjetër.

E ktheu kokën nga erdhi zëri.

Po ngrihej një godinë aty ku kishte qenë dikur një kishë e vjetër.