#woke
2nd Place Poetry Aswang ni Primrose Fuentes
Sa amon lugar diri mo guid ni laban sila makita; Ga tumpok kung aga sa tiyanggi ni tiyay Mila. Wala pa kapangalimog, ga tinipon na. Mga baho pa baba; hitsura daw mga wangga. Indi kabalo mag-atipan sa ila mga bata Kay kabuhi sang iban ila gina-usisa. Kundi ila dalagita, una pa nakatulon bola. Ti, una guid nila na saboran ang naguluwa sa ila baba. Wala ko kabalo kung ang amon baranggay damo kuwarta Kay tagsa-tagsa ka bangga may ara CCTV camera; Gina-isyuhan bisan upod mo lang imo barkada. Hambalan ka pa, "Hala bira! Untat ka na lang eskwela?" Kung obra lang ang pagka-chismosa, Sigurado ko sila tanan milyonarya na Kay ang baba nila sobra pa sa makina; Wala untat obra istorya. Ang pagbantay sang kabuhi sang iban wala guid maayo nga madangtan Pero amu na ni ang kamatuoran nga yara sa aton atubangan. Oo, kita nga mga Pilipino damo guid sang mga talento Pero tani gamiton naton sang insakto nga indi ta makasakit sa iban na tawo.
39
