1k

1k ni Joe Arnel Celestial Jr.

Nakalagaw ka na bala sa siyudad nga modelo kung ginakilala?

Ang siyudad sang mga matam-is nga yuhom nga kung isugidon "Best Performing City"?

Sa imo pagsuroy-suroy sa matahom nga sentral sang probinsya sang kalamay, wala ka man lang bala gakatingala? Ini bala tungod napatindog na ang balor milyones nga Halandumon nga pila lang ka bulan ginaguba naman?

Kamusta ang imo sinadya sa nagligad nga Masskara? Saksi ka man bala sang pagpinahubog kag linampusanay botilya?

Sa kung ngaa, sa bilog nga pungsod, tanyag ang lugar sang mga naga-maskara? Ini bala bangud mahamot ang tatlo ka dalagko nga mga merkado? O kay ang mga manugbaligya ara nagapagutok sa sidewalk? Ini bala tungod malinong ang dalan kag kay-o ang mga suga trapiko? O kay nagapasundayag ang mga trisikad sa mayor nga mga dalanon? Mga katingalahan kag mga pala‐mangkutanon Nga hinali nagdagpi sa akon malinong nga paminsaron. Sin-o ayhan ang maisog nga magapamatok? Ang naga-agunto nga mga imol sa likod sang husto nga ngirit-ngirit sang maskara? O ang mga nagbaton sang isa ka libo nga kuwarta?

Ini bala bangud sang malahalon nga bike lane? O kay basi pang-utdon man lang ang mat‐ag-as nga puno sa dalan nga wala untat ang pagkay-o?