1 minute read
Pwersa
from #Woke
Pwersa ni Manolo Salaver Jr.
Ginbata sa uma: Manami nga klima, Masadya nga pamilya, Puno guid sang grasya.
Advertisement
Si Inday gapangalipay Sa bitbit ni Tatay nga tinapay; Yuhom na matam-is pa sa kalamay. Si Toto, Nanay, kag Inday daw ginkutot man ka subay.
Maalam si Inday Nangin scholar, nakakuwarta, salamat sa bugay. Ginpadal-an ang panimalay, May pang-abuno na ang humay.
Ugaling si Inday Nag minanol sa bisyo nga kalipay. Tilaw kag liwat lang anay. Pagdugay, nagtagay na Tanduay
Upos ka sigarilyo, Tinaktak sa baso. Naglingin ang ulo, Nawad-an animo.
Pagka-aga, gapalanakit ang lawas; Wala bayo; nagauba kag nagahublas. Grabe ang kulba, kurog, kag palamalhas. Sinakyan, wala lisensya, kag nag angkas.
Si Inday pwerte ang kulba; Napraning, wala kaon, suyop shabu kag marijuana, Napabay-an ang pag-eskwela. Sige pa demanda, nagkalaubos manok, karabaw pati baka.
"Nay! Gusto ko iPhone!" "Sorry, nak. Wala pa ta tinipon." Ahay, Inday, wala tinipon, tanan-tanan na lang supsopon. Wala labot sina, sige man sindi kag suyopon.
Nadimat na magserbisyo Tanan para sa bisyo. Si Inday nga malipay, nangin perwisyo. Ang 5-star nga presyo, Nag-150 pwede na bisan sinsilyo.
Si Inday wala na kita. Si Inday indi naman makita. May ara nalang balita: ''NASAPWAN! DALAGANG BINATA."
