sbujts´ k´inal ya´ayik te mach´atik a lok´ik ta sbabial generasión yun te Licensiatura ta PC sok Tij Avión yun te Enaproc

COMUNICADO/TUXTLA GUTIÉRREZ

Te ajwalil Rutilio Escandón Cadenas xk´otok yil te sk´inul mach´atik a lok´ik ta nopjun yun te sbabial jenerasión yun Lisensiatura ta Proteksión Sibil sok Tij Avión yun te Snaul Nopjun Nasional yun Proteksión Sibil Kampus Chiapas (Enaproc), te la ya´bey sbujts´ k´inal ya´ayik sok la yalbey te lekuk ya staj ya´telik profesional, sok la yal te tulan sk´olal te binta a ju´ ta pasel-ito, te junax la spasik tulan ta spasel.

“Ya xk´ot ta pasel te bitik jnopotik te k´alal talem ta ko´tantik spasel sok tame ya yich´ nopel te ya jpastik tulan, jich te bit´il ayix a xik´ik, ma xkejchajex ta wilel melel ja´ lekilal ya yak´ te nopjunil, ya yak´ xik´il ta swenta sleel a´telil sok slekubtesel te patil kuxinel. Ya jna´ te ya a pukbeyik sk´olal te Chiapas chikan bayuk ya xbaex, melel lek chapalex sok lek la a wich´ik nojptesel, lek ya a kanantayik te a pasajeroik”, xi la yalbey te mach´atik a lok´ik ta nopjun.

K´alaltel ta snaul te Direksión yun Reskate Aéreo yun te Sekretaría yun Proteksión Sibil, te ajwalil la yal te nameyix skael ya xbenik sok yich´ pasel ta abionetik te a´teliletik ta Chiapas, ta skaj te muk´ te slum sk´inal Chiapas, teyuk-a te ta 2019 la yich´ chapel te ya sk´an ya yich´ pasel te snaul nopjun-ito, ta swenta snojptesel ta tij avión te antsetik sok winiketik.

Sok la yal te la yich´ pasel tulan ta smanel yantikxan avionetik, pa´ ke jich ya stak´ snopik stijel ta yach´il aeronaveetik, melel te k´alal a ochtel ta ajwalil ay chanlajun kojt te maba lekikix, la yich´ lekubtesel te waxakeb sok la yich´ manel yantik: “Ya kalbey wokolyun te pilotoetik sok te injenieroetik te a´tejetik ta slekubtesel, melel yakalix ta tuuntesel ta swenta skanantayel te salud, te seguridad sok ta swenta skanantayel te slumal Chiapas, sok ay bayel jkoltayotikix chameletik”.

Jichek te wolawal yun te Proteksión Sibil, Luis Mayel García Moreno, la yal te lon tulan sok ja´ sbabial-a te la yich´ pasel te Chiapas, melel ja´ wokolayalyun te inisiatiba yun ajwalil sok te koltayel la yak´ te muk´ul ajwalil Andrés Mayel López

Obrador, te ju´ ta pasel te sbabial jenerasión ta skaj te koltayel yun te Bekaetik Benito Juárez, sok lek la yich´ik nojptesel, lek chapalik ta swenta stijel te sistema yun wilibaletik.

La yal te lek a lajyunik te snopjunik te mach´atik a lok´ik ta nopjun, sok la spa- sik bats´il wilel ta slumal Kerétaro, San Luis Potosí, Sinaloa, Tamaulipas, Berakrus sok ta Chiapas; soknix la yak´ ta na´el te, k´alal ta orita, ay chaneb jenerasión te yakalikto ta nopjun, te ya yich´ikxanbel koltayelyun te a´teltuuneletik.

Te k´alal la yalbey sbujts´ k´inal ya´ay te sbabial jenerasión-ito, te wolawal yun te Snaul Nopjun Nasional yun Proteksión Sibil, Kampus Chiapas, Xun Antún Vargas Reyes, la xcholbey sk´olal te lok´ik sok te stítulo sok sédula profesional, diploma sok sertifikado yun tsaltomba a´telil, rejistro yun profesional akreditado ta proteksión sibil sok konstansiaetik yun kursoetik yun kapasitasión, ja´ jich ya stak´ staik ya´telik ta orita.