Te Rutilio Escandón la yal te ya sk´an jpastikek te a´teliletik yun stup´el te chamel dengue, sika sok chikungunya

COMUNICADO/TUXTLA

GUTIÉRREZ

Te k´alal la swol ta tsoblej te mach´atik ayik ta Sgabinete Legal sok Ampliado, te ajwalil Rutilio Escandón Cadenas la yal te ja´ wokolayalyun te tak´inetik yakal ta ak´el, te a´teliletik yun stup´el sok te junax yakalik ta a´tel, ju´emix ta makel te chameletik dengue, sika sok chikungunya ta Chiapas, ja´naxyunts´in, la yal te ya sk´an ma xyich´ ts´ujtesbeyel yipal te a´teliletik sok ya sk´an spasikek te a´telil ta naetik ta swenta stup´el te chopol usetik.

“Bayel yakal jpasbeltik tulan ta brigadaetik, chikan biluk ut´il ay te lum k´inal sok chikan bayuk ay te komunidadetik, ya sbeintayik ta wolowol te naetik ta swenta xpoxtayel ta bomba te cha - mel dengue sokxan yantik chameletik yun us. Jichyunabi, te binta ya kalbey te chiapanekaetik sok te chiapanekoetik ja´ te yakuk skoltayotik ta smesel te snaik, te manchuk ya stsobik chopol ja´etik, ma stsobik k´a´paletik sok yakuk sukik o smakik te st´iil yawil ya´alik, jich ma xpujk te chopol usetik”, xi la yal.

La yal te, manchuk tame lek chapal ta snaul poxilaletik ta komunidadetik sok ta muk´ul lumetik, te lek chapal ta poxetik, ta bitik ya xtuun sok ta poxtaywanejetik yun salud espesialisado ta swenta yilel sok xoxtayel te chamel-ito, te bintaxan lon tulan sk´olal ja´ te ska- nantayel jbajtik, ja´xan bayel ya sk´an jkanantay jbajtikyun te yorail ja´lel k´inal, melel ja´ ya yich´ yip te chamel-ito te k´alal ay ja´al. Jichek te wolawal yun Salud, José Mayel Cruz Castellanos, la yal te ya sk´an jkanantay jbajtik melel xi´baj ya xpujk te usetik te k´alal yorail ja´al, te ya te chamel dengue, sika sok chikungunya, soknix te sik k´ajk; la yal te ja´ bayel yakal stajbelik wokolyun dengue te slumal Tuxtla Gutiérres sok Tapachula, teyuk-a te yakal ta ilel sok kanantayel, ja´naxyunts´in, ta yuil agosto sok septiembre sk´olal ya yich´ yip.

“Ya sk´an joyob ya jkanantaytik te jnajtik. Ay lajuneb yox winik pam munisipioetik te ayik ta wokolyun te dengue, teyuk-a te ya ka´beytikbel pruebaetik te Instituto yun Diagnóstiko sok Referensia Epidemiolójiko, sok ya yich´ abeyel yipal te a´teliletik ta wolowol naetik”, xi la yal te k´alal la xcholbey sk´olal te ay poxtaybilix k´axem ta balun mil ektáreaetik lum k´inal, k´axemix ta 149 mil wol naetik te yich´oj poxtayel, yakal ta ilel kol ox mil trampaetik sok te k´aal-ito ka´al-ito kaj ta beel olil xcha´ bajk´ brigadaetik ta slumal Tuxtla Gutiérres.

Te k´alal la yich´ pasel te tsoblej-ito, te la yich´ pasel ta yamak´il Palasio yun Ajwalil, te ak´ mantal soknix la yal wokolyun te a´teliletik yakal spasbel te Sekretaría yun Pajal Ich´el ta Jénero ta swenta yich´el ta muk´ te sderechoik te antsetik sok te ach´ixetik, sok te yakal ta pasel te tsoblej yun jlumaltik ta Tsoblej Tajimal yun jun Lekil Serbisio Públiko sok Pajal Ich´el ta Wenta, melel ja´ jich ya xlekubel te spartisipasión jlumaltik, sok te tajimal ya slekubtesbel xkuxinel te jlumaltik.