TE ZUARTH KAJ SMIL TE PRI-CHIAPAS TE K´ALAL A LOK´BEL TE DIPUTADA INTZÍN

Te organismo polítiko ma´yukix sbankada ta Xwaxekebal Xchan Winik lejislatura te k´alal a lok´bel te Leticia Méndez

MANUEL MONROY/TUXTLA GUTIÉRREZ

Jich te bit´il a lok´ ta spartido PRI te diputada jajchemtel ta bats´il lum, Leticia Méndez Intzín, ta skaj te chopolil yakal spasbel te wolawalyun, Rubén Zuarth

Esquinca, kaj ta k´unil lajel te spartido, melel ma´yukix sbankada ta Xwaxekebal

Xchan Winik legislatura yun Chiapas te instituto, te ja´xanix tul representante ay yun, te wolawal yun te partido.

Te konsejero Polítiko, Alfredo Araújo, la yal te jich te bit´il lok´bel te legisladora, ja´ tey chikan ta ilel te lon chopol yakalik ta a´tel te Zuarth

Esquinca ta Chiapas, sok te Alejandro “Alito”

Moreno ta spamal Méjiko. “Ma´yukbay jich pastajem ta nailaltel te ay bayel ya xlok´ikbeel, yejtal te k´alal ayix kol jo´ winik ya´wilal te PRI, ja´ sbabial a te jich yakal ta pasel”, xi la yal. Te k´alal la xcholbey sk´olal te jich te bit´il la yich´ pasel-ito, yakal yich´bel yip te xchopolil ta yutil te Rebolusionario Institusional, te yan wolawal yun te PRI ta Tuxtla Gutiérres, la yal te mel o´tantik sbaj te bayel mach´atik a lok´ikbel ta partido, ta skaj sok ta smul te chopol wolawaletik.

La yal te ma´yuk xk´exlalik te wolawaletik yun te partido la yich´ix alel sbiilik, ma´yuk swentail ya ya´ayik sok maba sk´anojik te PRI. “Ma´yuk swentail yunik te partido, melel ya snaik te la lok´ix ta sk´abik, teyuk-a te ja´ yakal slejbelik binta ya stak´ stajxan ya´telik te li´ ta ja´wil”.

La yal te mel o´tantik sbaj te ayto mach´a ya skoltay te Rubén Zuarth te k´alal la yich´ na´el stool te chopoliletik spasoj ta stool te PRI ta Chiapas. “Mel o´tantik sbaj te chopol polítikoetik te ya skoltayik te wolawal-ito, te chikan sk´olal te ma´yuk slekil snojpilyun, ja´nax yakal slejbel te slekilal ta stukel”. Jichyunabi, te Araújo la yal te jich te bit´il la yich´ ilel te stalel te Zuarth Esquinca, la yich´ tael ta ilel te chopol polítika ya spas. “Mel o´tantik sbaj ta ilel te ayto mach´atik ya skoltay, te yakal xch´uunbelik te ya skuyik ta ya stak´ x-och ta plurinominal” sok la yal. “Ya sk´an xchajpan sbaik te mach´atik yato skoltay, melel ja´nix jich ya yich´ik lo´loyel”, xi la yal.

ALBERTO MONTOYA/JIQUIPILAS

Ta swenta spasel te a´teliletik chapal sk´olal, te Carlos Molina yakal sju´tesbel ta xchajpanel te Komitéetik yun Skoltayel te Xchanebal Transformasión ta Chiapas, te ka´al-ito la stsakbey sprotesta te mach´atik a ochik ta komité ta slumal Jikipilas.

Te k´alal la stsob sbaik sok la spasik k´in, te wolawal yun te Komité Ejekutibo

Estatal yun Morena, te joinbilyun te mach´atiknix ayik ta komité, la yich´ ik´el ta tsoblejyun te jlumaltik, te mach´atik ayik sok te mach´atik ya skoltay te partido, te ya sna´ik te ja´ lek te ya yich´ ts´akelbel te proyekto ta Chiapas, sok jich ya xu´ ta lekubtesel te jlumaltik.

Te k´alal a k´opoj te Molina, la yal wokolyun te la yich´ ik´el ta tsoblej, soknix la yalbey wokolyun te slumal Jukipilas te lek yakalik ta a´tel, te yak´oj sk´opik yun te proyekto yun jlumaltik-ito, te swoloj te muk´ul ajwalil Andrés Mayel López Obrador, sok te ajwalil Rutilio Escandón Cadenas ta jlumaltik.

Jichyunabi, te wolawal estatal la stsakbey sprotesta te mach´atik ayik ta komitéetik, te mach´atik la yalbey te ya sk´an junax ya yak´ sbaik, ya´beyik yipal te a´telil ta swenta slekubtesel snojpilyunik te jlumaltik, soknix ta yak´el ta na´el te bitik ju´emix ta pasel ta slumal Chiapas sok ta spamal Méjiko.

“Chapalotikix ta spaselxanbel te a´teliletik, maba ya sujtotik ta jpatik, te binta chapal sk´olal kuntik ja´ te ya yich´xanbel pasel te a´teliletik, te jo´otik ta kakantik ya jpastik te polítika, ja´ jich ya xbenotikbeel, melel jlumaltik jbajtik sok ya jk´antik te pajal ya xlekubel te jlumaltik, maba cha´oxtulnax”, xi la yal.

Te Carlos Molina soknix la yalbey wokolyun te yakalik ta koltaywanej te konsejeraetik sok te konsejeroetik ta munisipioetik, te yakal ta joinelyun soknix yak´oj sk´opikyun te slekubtesel te Méjiko, ta swenta jun lekil ajwalil.