1 minute read

Te Rutilio Escandón la slekubtes snaul poxilal ta Komitán ta swenta slekubtesel te koltayel yun me´iletik sok alnich´anetik

COMUNICADO/COMITÁN

Te ajwalil Rutilio Escandón Cadenas la spasbey sk´inul te Hospital Me´il-Alnich´an la yich´ lekubtesel ta slumal Komitán yun Domíngues, te banti la yal te bayel yakal ta abeyel stak´inal ta swenta slekubtesel te snaul poxilaletik, yach´il ekipoetik, poxetik sok lekil poxtaywanej espesializadoetik, pa´ ke jich lek ya yich´ koltayel te me´iletik, jich te bit´il a yich´ pasel li´ ta snaul poxilal, te ya skanantay te salud sok xkuxinel te antsetik sok te alnich´anetik yun te Meseta Komiteka Tojolabal.

“Yakal jpasbeltik justisia te jlumaltik te k´alal ya jchajpantik te bitik ya xtuun ta salud yun te jlumaltik, lek sok majtanil ya yich´ koltayel te jlumaltik. Te orita la kiltik te la yich´ ak´el jun lekil sok t´ujbil snaul poxilal, lek chapal te lekil a´tejibaletik, sok ja´xan lon tulan sk´olal te lek chapa ta poxtaywanejetik te talem ta yo´tanik skoltayel te jlumatik, te chameletik. Yejtal te k´alal a jajchotiktel ta a´tel, la kak´ jk´optikyun te ya x-a´tejotik ta stool te jlumaltik sok ju´emix ta pasel kuntik”, xi la yal. La yal te ja´ wokolayalyun te junax yakal spasbelik tulan sok te yakal ta abeyel stak´inal te Hospitales Me´il-Alnich´an, Snaj

Mé iletik sok spasel te Klínikaetik yun Lekil Alajel ta jurisdiksiones sanitariaetik, te Chiapas lek ay ta salud yun alajel, teyuk-a te maba ayix ta sbabial lugar te Chiapas ta swenta te lajal me´iletik sok alaletik, ts´ujemix koel, ja´naxyunts´in, te binta chapal sk´olal ja´ te ya yich´ tup´el ta mel.

Te Escandón Cadenas la xcha´ yak´ sk´opyun te junax ya x-a´tejxanbelsok te muk´ul ajwalil yun te Repúblika, Andrés Mayel López Obrador, ta swenta xchajpanel sok slekubtesel te sistema yun salud ta jlumaltik Chiapas, te bayel ja´wil la yich´ ch´ojel jilel ta o´tanil, melel te binta ya jk´antik ja´ te yakuk xlekub, majtanil sok pajal ya yich´ik poxtayel te chiapanekaetik sok te chiapanekoetik.

Jichek te wolawal yun te Salud, José Mayel Cruz Castellanos, la yal te jich te bit´il la yich´ lelubtesel te snaul poxilalil-ito, la yich´ ak´el aparatoetik sok teknolojíaerik ta swenta skoltayel te jlumaltik ta rejión, soknix la yal te lek a´tejem te Klínika yun Lekil Alajel, te ayix jukeb uj yich´bel pasel sk´inul, sok la yal te li´ ta pael cha´wej ya yich´ ak´el a´teliletik te la yich´ pasel ta Hospital Jeneral yun Komitán, Maruch Ignacia Gandulfo.

This article is from: