ZUARTH LAJYAK’BE SLAJEL PRI-CHIAPAS TA SKOJ ILOK’ BATEL DIPUTADA INTZÍN

Ti organismo politikoe mu’yuk xa yaj va’lej ik’om ta LXVIII legislatura ta skoj ilok’ batel Leticia Méndez

MANUEL MONROY/TUXTLA GUTIÉRREZ

Ti jech naka to ilok’ batel ti diputada likem ta bats’i jnaklum, Leticia Méndez Intzín yu’un PRI ja’ ta skoj ti mu’yuk lek ta x-abtej yaj peserenteik, Rubén Zuarth Esquinca, ja’ jech te pot xa xtup’ ikom o ti spartidoeike, yu’un ja’ jech te itup’ yaj va’lej ti va’ay partido ta LXVIII Legislatura ta Chiapas, yu’un ti li’ ta orae k’ajlomal xa jun yaj va’lej ikom, ja’ xa no’ox stuk ikom ti bankilal yu’un tricolor. Yu’un jech k’ucha’al lajyal ti consejero Político, Alfredo Araújo, ti yo’ jech laj sta ta nopel ti me’ jva’leje ja’ te yilubil ti mu’yuk lek ta x-abtejik ti bankilaletik yu’unik jech k’ucha’al Zuarth Esquinca ta Chiapas, xchi’uk jech k’ucha’al Alejandro “Alito”

Moreno,ta sjunul mejiko.

“Mu bak’in jech xich’ ilel ti jutuk xa mu vo’vinik skuxlejal ti PRI ta xlok’an batel bankilal sviniktake, jech ti k’u x-elan ta xk’otan ta pasel ta orae”, xi.

K’alal lajyal ti ja’ ta skoj ti oy xa o no’ox yabilal talle ti mu’yuk lek volel tsobel yu’unik ti Revolucionario Institucional, ti bankilal priísta ta Tuxtla Gutiérrez, mu’yuk lek ta xaa’y ti jech ta xlok’an batel bankilal jtsobvanejetik yu’une, ja’ ta skoj ti mu’yuk lek ta spas yabtelik ti boch’otik skuyoj sbaik ta bankilal jtsobvanejetike

“jeche xa no’ox te sk’elojik k’u x-elan ta xcham batel spartdioik xchi’uk ti ja’ no’ox ta sk’an ta smak stukik abtelal xchi’uk yuts’ yalalik ta sventa plurinominaletike”.

Jamal lajyal ti bankilal yu’un tricolor lo’iltabil talele mu sna’ sk’exavik xchi’uik mu’yuk sk’anojik ti spartidoik PRIe. “Mu ja’uk oy ta yo’nik ti partidoe, yu’un sna’ojik ti Institutoe te xa itu’ batel ta sk’obik, yu’un ti k’usi xa no’ox ta yo’onik ja’ ti jechuk to te xjeloik batel ta yan sexenio yo’ jech staik abtelal ta sventa plurinominal yo’ jech mu staik ti tik’el ta chukele “.

Lajyal ti labal sba t axil ti k’alal na’bil xa’ox yu’unik ti k’u x-elan xchopolil spasel yabtelik ti Rubén Zuarth ta stojol tricolor ta Chiapas, oyik kirixanoetik ti mu to slok’es sbaike. “Abol sbaik ti boch’otik jech ta to skoltaik ti li’ chopol bankilaletik yu’unike, yu’un na’bil lek ti stukike mu k’usi sventaik yuts’intael ja’ no’ox ta yo’onik smakel abtelal mu sventaik k’usi x-ech’ yilbajinik “.

Jech o xal un, Araújo lajyla ti k’alal lajyich’ tael lek ta ojtikinel k’u x-elan ta spas yabtel ti Zuarth Esquinca, ja’ te yilubil lek ti ja’ no’ox elek’ ta yo’onik spasel politikae. “Atel o’ontonal no’ox ta xak’ ti oyik to boch’otik ta xch’unik k’usi ta xal yo’ jech staik ak’bel jun plurinominal” ja’ te iyak’ ta na’el. “Ti boch’otik ta to xkoltavanik ak’o xchapan sbaik lek, yu’un mu jechuk ta spas ti k’usi yak’oj ye spasele “, xi.

ALBERTO MONTOYA/JIQUIPILAS

Jech k’ucha’al te tsakal ta spasel yabtel, Carlos Molina yantik x-epaj batel spasel yu’un ti sva’anel Comités de Defensa yu’un Cuarta Transformación ta Chiapas, jech ti li’e ja’ te lajyak’anbe yich’ yabtelik ti boch’otik iva’ik komel ta steklumal Jiquipilas.

Ta k’in xchi’uk ta tsoblejalil, ti peserente yu’un Comité Ejecutivo Estatal yu’un Morena, chi’inbil k’otel yu’un yaj viniktak, ja’ te lajyich’ malael yu’un epal vinik antsetik, militanteetik xchi’uk simpatizanteetiks, yu’un ja’ jech sna’ojik lek ti ta slekilal Chiapas ja’ ti ak’o yich’ ts’akel batel spasel ti abtelale ta slekubtasel jlumaltik estaroe.

K’alal ilo’ilaj, Molina te laj stoj ta vokolal ti jech lekyich’ malaele xchi’uk ja’ te laj stabe ta ojtikinel slekil spasel yabtelik jnaklumetik ta Jiquipilas ti jech yak’oj ta yo’onik skoltael sbaik ta spasel abtelal likesbil talel spase lyu’un peserente Andrés Manuel López Obrador, xchi’uk jech k’ucha’al ta estaro ti ajvalil Rutilio Escandón Cadenas.

Ja’ jech un, ti bankilal ta estaroe, te lajyak’anbe yich’ yabtelik ti boch’otik ta xkomik ta comiteale, xchi’uk ja’ te laj sk’anbe ak’o spas sbaik ta jmoj, jech ta jmojuk x.abtejik xchi’ukik jnaklumetik xchi’uk ja’uk spukbeik batel ya’yejal k’usitik lekil abtelal pasanbil talele.

“Chapalutik lek yo’ jech xijxanav batele, yu’un mu’yuk bu chij patij komel, yu’un ti stsatsal yip ku’untik ja’ ti ta jmoj jpasoj jbatike, ti vu’utike ta koktik ta jpastik politikae, yu’un ja’ jech ta jpastik o batel, yu’un vu’utik jnaklumutik xchi’uk ja’ ta jk’anbeik slekilalik ta skotolik ti jnaklumetike, yu’un ja’ mu jk’antik ti jun chib no’ox ta staik lekilale”, concluyó.

Carlos Molina te laj stojanbe ta vokolal xtok k’u yepal ak’bil skolta yu’un consejeroetik ti jech chi’inbil bu ta xbatan ta jujun jteklumetike, xchi’uk ti jech yak’oj ta yo’onik slekubtasel jlumaltik ti oy jech lek jun jtunel jvu’el ku’untik ti lek ta stsakvan x-ich’van ta muk’e.